ປະທານາທິບໍດີຣັດເຊຍ ທ່ານ Dimitri Medvedev
ໄດ້ສັ່ງໃຫ້ບໍລິສັດແກ໊ສທຳມະຊາດ ຍັກໃຫຍ່ “Gazprom”
ຂອງຣັດເຊຍ ຕັດການລຳລຽງສົ່ງແກ໊ສ ໄປໃຫ້ Belarus
ຍ້ອນບັນຫາຜິດຖຽງກັນ ເລື່ອງການຈ່າຍເງິນ ທີ່ຍັງແກ້ໄຂບໍ່ໄດ້ນັ້ນ.
ຫົວຫນ້າບໍລິຫານ Gazprom ທ່ານ Alexie Miller
ກ່າວວ່າ ການສົ່ງແກ໊ສທຳມະຊາດໄປໃຫ້ Belarus
ຈະຄ່ອຍໆຖືກຕັດລົງ ໂດຍຈະເລີ່ມຂຶ້ນໃນວັນຈັນມື້ນີ້.
ສື່ມົນຊົນຂອງຣັດເຊຍລາຍງານວ່າ ການສົນທະນາຫາລື
ຈະດຳເນີນຕໍ່ໄປ ລະຫວ່າງ Minsk ກັບMoscow ເຖິງແມ່ນການສົ່ງແກ໊ສທຳມະຊາດ
ຈະຖືກຕັດລົງກໍຕາມ.
ທາງ Belarus ໄດ້ສົ່ງຄະນະເຈລະຈາຕໍ່ລອງໄປຍັງ Moscow ເພື່ອທຳການເຈລະຈາ
ສຸກເສີນ ໃນວັນອາທິດວານນີ້. Moscow ໄດ້ຂູ່ວ່າ ຈະຕັດແກ໊ສທຳມະຊາດລົງເຖິງ
85%ຖ້າຫາກວ່າ ຣັກເຊຍບໍ່ໄດ້ຮັບເງິນຈຳນວວນເກືອບ 200 ລ້ານໂດລ່າ ທີ່ Belarus
ຍັງເປັນໜີ້ຕົນຢູ່ນັ້ນ ພາຍໃນເວລາ 10 ໂມງເຊົ້າ ວັນຈັນມື້ນີ້ ຕາມເວລາໃນທ້ອງຖິ່ນ.
ເບລາຣຸສ ປະຕິເສດວ່າຕົນບໍ່ໄດ້ຕິດໜີ້ຣັດເຊຍ.
