ສະມາຊິກສະຫະພາບຢູໂຣບກໍາລັງຖອນເອກອັກຄະລັດຖະທູດທັງໝົດຂອງຕົນອອກຈາກ
ປະເທດເບລາຣູສ ຫລັງຈາກລັດຖະບານຜະເດັດການ ເບລາຣູສ ໄດ້ສັ່ງໃຫ້ເອກອັກຄະລັດ
ຖະທູດໂປແລນ ແລະສະຫະພາບຢູ ໂຣບ ຫລືອີຢູ ອອກຈາກປະເທດດັ່ງກ່າວ.
ເບລາຣູສໄດ້ສັ່ງໃຫ້ທູດຂອງໂປແລນແລະສະຫະພາບຢູໂຣບໜີອອກຈາກປະເທດ ເພື່ອສະ
ແດງປະຕິກິລິຍາຕອບໂຕ້ຕໍ່ການລົງໂທດບັ້ນໃໝ່ຂອງອີຢູຕໍ່ພວກເຈົ້າໜ້າທີ່ເບລາຣູສ ຍ້ອນ
ປະວັດການເຄົາລົບນັບຖືສິດທິມະນຸດທີ່ຂີ້ຮ້າຍຂອງປະເທດດັ່ງກ່າວ.
ໂຄສົກກະຊວງຕ່າງປະເທດເບລາຣູສກ່າວວ່າ ປະເທດຂອງຕົນຈະບໍ່ຫວັ່ນໄຫວຕໍ່ຄວາມກົດ
ດັນໃດໆແລະຈະສືບຕໍ່ປ້ອງກັນຜົນປະໂຍດຂອງຕົນຕໍ່ໄປ.
ທ່ານ Guido Westerwelle ລັດຖະມົນຕີຕ່າງປະເທດເຢຍຣະມັນ ເອີ້ນເບລາຣູສວ່າເປັນ
ລັດຖະບານຜະເດັດການຊຸດສຸດທ້າຍຂອງພາກພື້ນຢູໂຣບ ຊຶ່ງທ່ານກ່າວຕໍ່ໄປວ່າ ປະທານາ
ທິບໍດີ Alexander Lukashenko ພຽງ ແຕ່ສ້າງຄວາມໂງ່ເງົ່າ ໃຫ້ຕົນເອງຫລາຍຂຶ້ນ ຖ້າ
ຫາກທ່ານຄິດວ່າ ຈະສາ ມາດແບ່ງແຍກອີຢູອອກຈາກກັນໄດ້.
ທ່ານ ມາກ ໂທນເນີ ໂຄສົກກະຊວງຕ່າງປະເທດສະຫະລັດ ກ່າວວ່າສະຫະລັດເສຍໃຈ
ຫລາຍທີ່ສຸດຕໍ່ການຕັດສິນໃຈຂອງເບລາຣູສເພື່ອຂັບໄລ່ ເອກອັກຄະລັດຖະທູດໂປແລນ
ແລະອີຢູອອກຈາກປະເທດ ໂດຍກ່າວວ່າ ການເຄຶ່ອນໄຫວທໍານອງນີ້ຂອງເບລາຣູສນັ້ນ
ກໍພຽງແຕ່ຈະເຮັດໃຫ້ເບລາ ຣູສໂດດດ່ຽວຕົນເອງຫຼາຍຂຶ້ນ.
ອີຢູແລະສະຫະລັດໄດ້ເພີ່ມການລົງໂທດຕໍ່ເບລາຣູສ ຫລັງຈາກການກວາດ ລ້າງຢ່າງຮຸນ
ແຮງຕໍ່ພວກຝ່າຍຄ້ານ ລຸນຫລັງຈາກການເລືອກຕັ້ງປະທານາ ທິບໍດີໃນເດືອນທັນວາປີ
2010 ນັ້ນ ຊຶ່ງການກວາດລ້າງຂອງລັດຖະບານ ຍັງຜົນໃຫ້ມີຜູ້ຖືກຈັບກຸມຫລາຍຮ້ອຍ
ຄົນ ໂຮມທັງພວກສະໝັກຝ່າຍຄ້ານ ຈໍານວນນຶ່ງ.
ກຸ່ມສິດທິມະນຸດກ່າວວ່າ ຫລາຍໆຄົນທີ່ຖືກຈັບກຸມຄັ້ງນັ້ນຍັງຖືກຈໍາຄຸກຢູ່.
ທ່ານ Lukashenko ໄດ້ຊະນະການເລືອກຕັ້ງເຂົ້າຮັບຕຳແໜ່ງຕື່ມອີກສະໄໝນຶ່ງ ຈາກ
ການປ່ອນບັດທີ່ພວກຝ່າຍຄ້ານຫລາຍຄົນກ່າວວ່າ ເຕັມໄປດ້ວຍການສໍ້ໂກງຄະແນນນັ້ນ.