ຄວາມບໍ່ແຈ່ມແຈ້ງຂອງປັກກິ່ງ ທີ່ກ່າວວ່າ ຕົນຈະຍົກເລີກມາດຕະການລົງໂທດຕ່າງໆທີ່ວາງໄວ້ກັບ ທ່ານ ມາຣ໌ໂກ ຣູບີໂອ (Marco Rubio) ໃນກ່ອນໜ້ານັ້ນ ຫຼືບໍ່, ເຊິ່ງໄດ້ເປັນລັດຖະມົນຕີ ກະຊວງການຕ່າງປະເທດ ສະຫະລັດຄົນໃໝ່ ແລະເປັນຜູ້ຕໍ່ຕ້ານ ຈີນ, ສົ່ງຜົນເຮັດໃຫ້ເກີດການຄາດເດົາຢູ່ໃນເວັບໄຊທ໌ສື່ສັງຄົມຂອງຈີນ ວ່າ ທ່ານ ຣູບີໂອ ຈະກາຍເປັນນັກການທູດສະຫະລັດຄົນທໍາອິດໃນຕໍາແໜ່ງນີ້ ທີ່ບໍ່ສາມາດເດີນທາງໄປຢ້ຽມຢາມ ຈີນ.
ໃນສື່ສັງຄົມອອນລານ ບາຍດູ (Baidu), ເຊິ່ງເປັນເຄື່ອງມືທີ່ໃຊ້ໃນການຊອກຄົ້ນຫາທີ່ນິຍົມໃຊ້ກັນຫຼາຍທີ່ສຸດຂອງ ຈີນ, ຢູ່ໃນອັນດັບສູງສຸດໃນການຕັ້ງຄໍາຖາມເມື່ອຕອນແລງວັນອັງຄານທີ່ຜ່ານມາວ່າ “ຈີນ ຈະຍົກເລີກມາດຕະການລົງໂທດຕໍ່ລັດຖະມົນຕີການຕ່າງປະເທດຄົນໃໝ່ຂອງ ສະຫະລັດ ຫຼື ບໍ່?”
ໃນສື່ສັງຄົມອອນລາຍ ວີໂບ (Weibo), ເຊິ່ງເປັນເວັບໄຊທ໌ ໃຊ້ໃນການຂຽນບົດຄວາມແບບສັ້ນໆ ທີ່ເອີ້ນວ່າ ໄມໂຄຣບລັອກກິງ (microblogging) ຂອງຈີນ ທີ່ຄ້າຍຄືກັບ X, ບັນດາຜູ້ໃຊ້ອິນເຕີເນັດພາກັນສົງໄສວ່າ ທ່ານ ຣູບີໂອ ຈະກາຍມາເປັນລັດຖະມົນຕີການຕ່າງປະເທດສະຫະລັດຄົນທໍາອິດ ທີ່ບໍ່ສາມາດເຂົ້າມາປະເທດຈີນໄດ້.
ຜູ້ໃຊ້ສື່ສັງຄົມ Weibo ຄົນນຶ່ງ ໄດ້ສະແດງຄຳເຫັນວ່າ “ຜູ້ຊາຍຄົນນີ້ຖືກຫ້າມບໍ່ໃຫ້ເຂົ້າໄປໃນປະເທດຈີນແລ້ວ, ດັ່ງນັ້ນ ຈຶ່ງບໍ່ຕ້ອງເວົ້າເຖິງທີ່ຈະໄປຢ້ຽມຢາມຈີນ. ນະເວລານີ້, ຄຳຖາມກໍຄືວ່າ ລາວຈະຈັດການກັບ ຈີນ ໄດ້ແນວໃດ.”
ທ່ານ ຣູບີໂອ, ເປັນສະມາຊິກຄະນະລັດທະມົນຕີ ຄົນທໍາອິດຂອງລັດຖະບານສະໄໝທີສອງຂອງ ທ່ານ ທຣໍາ ທີ່ໄດ້ຮັບການຮັບຮອງຈາກສະພາສູງ, ທ່ານໄດ້ທໍາການສາບານຕົນໃນວັນອັງຄານທີ່ຜ່ານມາ. ແລະທ່ານກໍເປັນນຶ່ງໃນບັນດາສະມາຊິກລັດຖະສະພາທີ່ເຂັ້ມງວດທີ່ສຸດກ່ຽວກັບ ຈີນ ໃນໄລຍະດຳລົງຕຳແໜ່ງສະມາຊິກສະພາສູງ ເປັນເວລາ 14 ປີຂອງທ່ານ.
ທ່ານ ຣູບີໂອ, ໄດ້ນຳສະເໜີຮ່າງກົດໝາຍ, ໂດຍອອກຖະແຫຼງການ ແລະໄດ້ເຮັດວຽກຮ່ວມກັບບັນດາກຸ່ມສິດທິມະນຸດຕ່າງໆ ທີ່ໄດ້ຕໍາໜິວິຈານຕໍ່ປະຫວັດທາງດ້ານສິດທິມະນຸດຂອງ ຈີນ ຫຼາຍທີ່ສຸດ ພ້ອມທັງອິດທິພົນທີ່ກໍາລັງເພີ້ມຂຶ້ນຢູ່ໃນທົ່ວໂລກ. ບົດລາຍງານນຶ່ງຂອງສື່ມວນຊົນລັດຖະບານຈີນ ເຄີຍຮ້ອງທ່ານວ່າ “ນັກການເມືອງຫົວຮຸນແຮງທີ່ຕໍໍ່ຕ້ານ ຈີນ ຫຼາຍທີ່ສຸດຂອງອາເມຣິກາ.”
ໃນປີ 2020, ພາຍໃນໄລຍະເວລານຶ່ງເດືອນ, ທ່ານ ຣູບີໂອ ໄດ້ຖືກມາດຕະການລົງໂທດສອງຄັ້ງ ໂດຍລັດຖະບານ ຈີນ.
ຄັ້ງທໍາອິດ ໄດ້ຖືກປະກາດໃນເດືອນກໍລະກົດຂອງປີນັ້ນ ເພື່ອຕອບໂຕ້ຕໍ່ມາດຕະການລົງໂທດຕ່າງໆຂອງລັດຖະບານ ສະຫະລັດ ກ່ຽວກັບໜ່ວຍງານຂອງລັດຖະບານຈີນ ແລະເຈົ້າໜ້າທີ່ຈີນ 4 ຄົນຢູ່ ແຂວງ ຊິນຈຽງ ໃນຂໍ້ຫາທໍາການລະເມີດສິດທິມະນຸດ ເຊິ່ງເກີດຂື້ນຢູ່ໃນພາກພື້ນດັ່ງກ່າວ. ຄັ້ງທີສອງ ຖືກປະກາດໃນເດືອນສິງຫາ ລຸນຫຼັງວໍຊິງຕັນ ໄດ້ວາງມາດຕະການລົງໂທດຕໍ່ເຈົ້າໜ້າທີ່ ຈີນ ແລະ ຮົງກົງ 11 ຄົນ.
ອ່ານຂ່າວດ້ານລຸ່ມນີ້ເປັນພາສາອັງກິດ
Beijing’s ambiguity on whether it would lift sanctions previously placed on Marco Rubio — the new U.S. secretary of state and a China hawk — has sparked speculation on Chinese social media sites about whether Rubio will become the first American diplomat in his position who can’t visit China.
On Baidu, China’s most popular search engine, sitting atop the trending chart Tuesday night was the question, “Will China remove sanctions on the new U.S. Secretary of State?”
On Weibo, China’s microblogging site similar to X, netizens wonder if Rubio will become the first U.S. secretary of state who won’t be able to come to China.
“This guy has been barred from entering China, let alone visiting China,” one Weibo user commented. “It’s now a question how he will be able to deal with China.”
Rubio, the first Cabinet member of the second Trump administration to be confirmed by the Senate, was sworn in Tuesday. He was one of the toughest congressional lawmakers on China during his 14-year tenure as a senator.
Rubio introduced bills, made statements and worked with rights groups that were highly critical of China’s human rights record and growing influence around the world. A Chinese state media article once called him “one of America's most radical anti-China politicians.”
In 2020, within a period of one month, Rubio was sanctioned twice by the Chinese government.
The first was announced in July of that year as part of the retaliation against the U.S. government’s sanctions of a Chinese government department and four officials in Xinjiang for the alleged human rights violations that took place in the region. The second one was announced in August after Washington sanctioned 11 Chinese and Hong Kong officials.
ຟໍຣັມສະແດງຄວາມຄິດເຫັນ