ໃນວັນອັງຄານມື້ນີ້ ບັນດາເຈົ້າໜ້າທີ່ກວດຄົນເຂົ້າເມືອງທີ່ກຸງປັກກິ່ງໄດ້ເລີ້ມທໍາການ
ປາບປາມຊາວຕ່າງປະເທດທີ່ພາກັນລັກເຮັດວຽກແລະອາໄສຢູ່ຢ່າງຜິດກົດໝາຍ ໃນ
ເມືອງຫລວງຂອງຈີນ.
ບັນດາເຈົ້າໜ້າທີ່ກ່າວວ່າ ການປາບປາມທີ່ວ່ານີ້ແມ່ນແນໃສ່ພວກຊາວຕ່າງດ້າວທີ່ພາ
ກັນຢູ່ເກີນກໍານົດວິຊ່າ ແລະເຮັດວຽກໂດຍບໍ່ໄດ້ຮັບອະນຸຍາດ ຊຶ່ງເປັນການເພີ້ມບັນ
ຫາໃຫ້ແກ່ຈີນແລະເສດຖະກິດທີ່ພວມໄດ້ ຮັບການພັດທະນາ.
ເຈົ້າໜ້າທີ່ຕໍາຫລວດກ່າວວ່າ ເຂົາເຈົ້າຈະພາກັນສຸ່ມກວດຄົ້ນ ຢູ່ຕາມບ່ອນທີ່ຊາວຕ່າງ
ດ້າວມັກໄປ ຮວມທັງບາຣ໌ ໂຮງແຮມ ຮ້ານອາຫານ ແລະມະຫາວິທະຍາໄລຕ່າງໆ.
ນອກນັ້ນ ຍັງຊຸກຍູ້ໃຫ້ປະຊາຊົນທ້ອງຖິ່ນລາຍງານການກະທຳຜິດ ຂອງພວກທີ່ສົງໄສ
ເປັນຊາວຕ່າງດ້າວໃຫ້ແກ່ເຈົ້າໜ້າທີ່ຕໍາຫລວດຊາບ ໂດຍທາງໂທລະສັບສາຍດ່ວນ.
ບັນດາເຈົ້າໜ້າທີ່ຕໍາຫລວດ ໄດ້ເຕືອນພວກຊາວຕ່າງດ້າວໃຫ້ພາກັນຖືໜັງສືຜ່ານແດນ
ແລະເອກກະສານສໍາຄັນຕ່າງໆຕິດຕົວເອົາໄວ້ ຢູ່ຕະ ຫລອດເວລາ ອັນເປັນກົດລະ
ບຽບບັງຄັບຂອງຈີນ.
ນີ້ແມ່ນຄັ້ງທໍາອິດທີ່ຈີນ ໄດ້ແນການປາບປາມໃສ່ຜູ້ທີ່ເຂົ້າໄປອາໄສຢູ່ຢ່າງຜິດກົດໝາຍ
ໃນກຸງປັກກິ່ງ. ສ່ວນບັນດາຫົວເມືອງອື່ນໆຂອງຈີນ ກໍຄາດວ່າຈະພາກັນຈັດຕັ້ງປະຕິ
ບັດການປາບປາມແບບດຽວກັນນີ້ໃນຂະນະທີ່ບັນດາເຈົ້າໜ້າທີ່ກໍາລັງຮັບມື ກັບການ
ຫຼັ່ງໄຫຼຂອງຊາວຕ່າງດ້າວທີ່ມາຈາກປະເທດທີ່ທຸກຍາກ ເຂົ້າໄປໃນຈີນຫຼາຍຂຶ້ນນັບມື້.