ລິ້ງ ສຳຫລັບເຂົ້າຫາ

ວັນພຸດ, 05 ຕຸລາ 2022

ທ່ານ Beau Biden ລູກຊາຍກົກ ຂອງຮອງປະທານາທິບໍດີ ສຫລ ເສຍຊີວິດແລ້ວ


ທ່ານ Beau Biden ສະເໜີຊື່ ພໍ່ຂອງຜູ້ກ່ຽວ ຄືທ່ານ Joe Biden ເພື່ອເປັນຮອງປະທານາທິບໍດີ ຢູ່ທີ່ ກອງປະຊຸມພັກເດໂມແຄຣັດ ທົ່ວປະເທດ ໃນນະຄອນ Charlotte ລັດ North Carolina, ວັນທີ 6 ກັນຍາ 2012.

ທ່ານ Beau Biden ລູກ​ຊາຍ​ຂອງ​ຮອງ​ປະທານາທິບໍດີ
ສະຫະລັດ ທ່ານ Joe Biden ​ໄດ້​ເສຍ​ຊີວິດ​ແລ້ວ.

ທ່ານ Beau Biden ເປັນອະດີດ ​ໄອ​ຍະການ​ໃຫຍ່​ຂອງ​ລັດ
Delaware ຢູ່ທາງພາກ​ຕາ​ເວັນ​ອອກສຽງ​ເໜືອ ​ຂອງ​ສະຫະລັດ ​
ໄດ້​ເສຍ​ຊີວິດ​ໃນ​ວັນ​ເສົາ​ວານ​ນີ້ ຫຼັງຈາກທີ່​ໄດ້​ຕໍ່ສູ້​ກັບ ພະຍາດ​
ມະ​ເຮັງ​ຢູ່​ໃນ​ສະໝອງ​ມາ​ໄດ້ຫຼາຍປີ​ແລ້ວ ມີ​ອາຍຸ​ລວມ​ໄດ້ 46 ປີ.
ລູກ​ຊາຍ​ກົກ​ຂອງ​ຮອງ​ປະທານາທິບໍດີ ຍັງ​ໄດ້​ສະມັກ​ເຂົ້າ​ເປັນ
​ທະຫານປະຕິບັດ​ໜ້າ​ທີ່ ຢູ່​ໃນ​ອີຣັກ​ເປັນເວລາ​ນຶ່ງ​ປີ.

ຮອງ​ປະທານາທິບໍດີ Biden ກ່າວໃນ​ຖະ​ແຫລ​ງການສະບັບ​ນຶ່ງ​ວ່າ
“ມັນ​ເປັນ​ການ​ເສຍ​ອົກ​ເສຍ​ໃຈຫຼາຍ” ທີ່​ທ່ານ ​ພ້ອມ​ດ້ວຍຄອບ​ຄົວ “ປະກາດ​ກ່ຽວກັບ
ການຈາກ​ໄປ​ຂອງ​ຜູ້​ເປັນ​ສາມີ ​ເປັນ​ອ້າຍ ​ເປັນ​ລູກ​ກໍ​ຄື ທ່ານ Beau ຫຼັງຈາກ​ທີ່​ລາວ
ໄດ້​ສູ້​ຊົນ​ກັບພະຍາດ​ມະ​ເຮັງ​ໃນ​ສະໝອງ ດ້ວຍ​ຄວາມສະຫງ່າ ​ກ້າຫານ ​ແລະ
ເຂັ້ມແຂງແບບ​ດຽວ​ກັນ​ກັບ​ທີ່ລາວ ໄດ້​ປະຕິ​ບັດ​ມາ​ ໃນແຕ່​ລະ​ມື້​ ຂອງຊີວິດ​ຂອງ​ລາວ.”

ທ່ານ Beau Biden ​ໄດ້​ຮັບ​ການ​ຮັກສາ​ປິ່ນປົວ ພະຍາດ​ດັ່ງກ່າວ ໃນ​ເດືອນນີ້ ​ຢູ່​ທີ່ໂຮງ
ພະຍາບານທະຫານ Walter Reed ທີ່ຕັ້ງຢູ່ນອກ​ນະຄອນຫຼວງວໍ​ຊິງ​ຕັນ​.

ຮອງ​ປະທານາທິບໍດີ Biden ກ່າວ​ວ່າ “ຄອບຄົວ​ຂອງ Biden ທັງ​ໝົດ ​ແມ່ນ​ມີ​ຄວາມ​ເສົ້າສະຫ​ລົດ​ໃຈ ເກີນ​ກວ່າ​ຈະ​ພັນ​ລະນາ​ໄດ້. ພວກ​ເຮົາ​ຮູ້​ດີ​ວ່າ ຈິດວິນ​ຍານ​ຂອງທ່ານ Beau ຈະຍັງ​ຄົງ​ມີ​ຢູ່​ກັບ​ພວກ​ເຮົາ​ໝົດ​ທຸກ​ຄົນ ​ໂດຍ​ສະ​ເພາະ​ແລ້ວ ​ແມ່ນ ນາງ Haile ​ພັນ​ລະ​ຍາ​ທີ່​ກ້າຫານ ​ແລະ ລູກນ້ອຍ​ທີ່​ປະ​ເສີດ​ທັງ​ສອງ​ຄົນຄື ນາງ Natalie ​ແລະ ທ້າວ Hunter.”

ຮອງ​ປະທານາທິບໍດີ Biden ​ເວົ້າເຖິງ​ລູກ​ຊາຍ​ຂອງ​ທ່ານອີກ​ວ່າ “ລາວ ຊັ່ງ​ຊາໂຕ​ລາວ​
ເອງ ໃຫ້ເປັນ​ເຊັ່ນ​ກັບສາມີ ​ເປັນພໍ່ ​ເປັນລູກ​ຊາຍ ​ແລະ ​ເປັນອ້າຍ ຫຼາຍກວ່າ​ສິ່ງ​ຕ່າງໆ ​ທີ່ລາວ​ໄດ້​ປະສົບ​ຜົນສຳ​ເລັດ​ ໃນ​ດ້ານ​ວຽກການ​ງານຂອງ​ລາວ. ກຽດສັກສີອັນ​ເດັດ ດ່ຽວ​ຂອງ​ລາວ ​ໄດ້​ເຮັດ​ໃຫ້​ລາວ ເປັນ​ແບບຢ່າງ​ທີ່​ດີ ໃຫ້​ແກ່​ຄອບ​ຄົວ​ຂອງ​ພວກ​ເຮົາ. ທ້າວ Beau ເຮັດໃຫ້​ຄຳ​ເວົ້າ​ພໍ່​ຂ້າພະ​ເຈົ້າເປັນຈິງຂຶ້ນມາ ທີ່​ວ່າ ຜູ້ປົກຄອງ ​ຮູ້​ວ່າ​ໄດ້​ເຮັດສຳ​ເລັດໜ້າ​ທີ່ ​ໃນເມື່ອລູກ​ຂອງ​ລາວ​ນັ້ນ ​ປະສົບ​ຜົນສຳ​ເລັດຫຼາຍກວ່າ ລາວ​ເອງ.”

Beau Biden Obituary
please wait
Embed

No media source currently available

0:00 0:00:30 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG