ພວກນັກເຄື່ອນໄຫວດ້ານສິດທິຂອງຊີເຣຍກ່າວວ່າ ກອງກໍາລັງ
ລັດຖະບານໄດ້ຖີ້ມລະເບີດໃສ່ ເມືອງນຶ່ງທາງພາກເໜືອຂອງ
ຊີເຣຍ ໂດຍໄດ້ສັງຫານຢ່າງນ້ອຍ 12 ຄົນ.
ກຸ່ມສັງເກດການສິດທິມະນຸດຊີເຣຍ ທີ່ມີສໍານັກງານຢູ່ປະເທດ
ອັງກິດ ກ່າວວ່າ ຜູ້ເສຍຊີວິດໃນການໂຈມຕີໃນວັນຈັນມື້ນີ້ ທີ່ເມືອງ
Salqin ໃກ້ໆກັບເຂດຊາຍແດນ ເທີກີ ນັ້ນ ແມ່ນມີຮວມ ທັງເດັກ
ນ້ອຍ 5 ຄົນ.
ແຕ່ກຸ່ມພວກນັກເຄື່ອນໄຫວອີກກຸ່ມນຶ່ງ ຊື່ກຸ່ມຄະນະກໍາມະການ
ປະສານງານທ້ອງຖິ່ນ ເວົ້າວ່າ ການໂຈມຕີດັ່ງກ່າວ ໄດ້ເອົາຊີວິດ
30 ຄົນ.
ຍັງບໍ່ມີແຫຼ່ງຂ່າວເອກກະລາດໃດ ໃຫ້ການຢືນຢັນໂຕເລກພວກທີ່ໄດ້ບາດເຈັບລົ້ມຕາຍ
ຍ້ອນການຖິ້ມລະເບີດດັ່ງກ່າວນີ້ ເພາະວ່າ ຊີເຣຍຫ້າມນັກຂ່າວນາໆຊາດ ບໍ່ໃຫ້ເຂົ້າໄປ ເອົາຂ່າວ.
ສົງຄາມກາງເມືອງໃນຊີເຣຍ ປາກົດວ່າໄດ້ຂະຫຍາຍກ້ວາງອອກໄປ ສູ່ເຂດພາກຕາເວັນ
ອອກສຽງເໜືອຂອງປະເທດ ທີ່ມີຊົນເຜົ່າເຄີດອາໄສຢູ່ເປັນສ່ວນໃຫຍ່ຕິດກັບຊາຍແດນ
ເທີ ກີນັ້ນ ໃນວັນອາທິດວານນີ້ ໂດຍມີການໂຈມຕີສະລະຊີບດ້ວຍລະເບີດລົດຄັນນຶ່ງ ທີ່
ໄດ້ສັງຫານຜູ້ຄົນຫຼາຍຄົນ ໃນການໂຈມຕີທີ່ບໍ່ສູ້ມີ ໃນເມືອງ Qamishli ຂອງຊາວເຄີດ-
ຊີເຣຍ ຢູ່ໃກ້ໆ ກັບຊາຍແດນ ເທີກີ.
ສື່ຂອງລັດຊີເຣຍກ່າວວ່າ ມີຢ່າງນ້ອຍ 4 ຄົນ ໄດ້ຖືກສັງຫານ ໃນການໂຈມຕີທີ່ເມືອງ Qamishli ນັ້ນ ໃນຂະນະທີ່ທາງກຸ່ມສັງເກດການສິດທິມະນຸດຊີເຣຍ ກ່າວວ່າ ການວາງ ລະເບີດດັ່ງກ່າວໄດ້ສັງຫານພະນັກງານຮັກສາຄວາມປອດໄພຂອງຊີເຣຍ 8 ຄົນ ຢູ່ໃກ້ໆ ກັບຄ້າຍກໍາລັງຮັກສາຄວາມປອດໄພຂອງລັດຖະບານ.
ນີ້ແມ່ນການໂຈມຕີ ຄັ້ງທໍາອິດ ໃນເຂດທີ່ມີຊົນເຜົ່າເຄີດອາໄສຢູ່ສ່ວນໃຫຍ່ນັ້ນ ນັບແຕ່ໄດ້ ມີການລຸກຮືຂຶ້ນຂອງຊາວຊີເຣຍຕໍ່ຕ້ານການປົກຄອງແບບຜະເດັດການຂອງປະທານາທິບໍ
ດີ Bashar al-Assad ເປັນເວລາ 18 ເດືອນນັ້ນ. ໂດຍສ່ວນໃຫຍ່ແລ້ວ ຊາວເຄີດ-ຊີເຣຍ
ແມ່ນບໍ່ເຂົ້າມາຫຍຸ້ງກ່ຽວແຕ່ຢ່າງໃດ.
ໃນອີກດ້ານນຶ່ງນັ້ນ ທາງນາຍົກລັດຖະມົນຕີ ເທີກີ ທ່ານ Recep Tayyip Erdogan
ໄດ້ຮຽກຮ້ອງໃຫ້ທາງ ອີຣ່ານ, ຣັດເຊຍ ແລະຈີນ ຢຸດເຊົາໃນການໃຫ້ການສະໜັບສະໜູນ
ແກ່ ລັດຖະບານຂອງທ່ານ Assad. ທ່ານໄດ້ກ່າວໃນວັນອາທິດວານນີ້ວ່າ ປະຫວັດສາດ
ຈະບໍ່ໃຫ້ອະໄພ ພວກທີ່ຢືນຢູ່ຄຽງຂ້າງລະບອບການປົກຄອງທີ່ໂຫດຮ້າຍມາລຸນ.
ລັດຖະບານໄດ້ຖີ້ມລະເບີດໃສ່ ເມືອງນຶ່ງທາງພາກເໜືອຂອງ
ຊີເຣຍ ໂດຍໄດ້ສັງຫານຢ່າງນ້ອຍ 12 ຄົນ.
ກຸ່ມສັງເກດການສິດທິມະນຸດຊີເຣຍ ທີ່ມີສໍານັກງານຢູ່ປະເທດ
ອັງກິດ ກ່າວວ່າ ຜູ້ເສຍຊີວິດໃນການໂຈມຕີໃນວັນຈັນມື້ນີ້ ທີ່ເມືອງ
Salqin ໃກ້ໆກັບເຂດຊາຍແດນ ເທີກີ ນັ້ນ ແມ່ນມີຮວມ ທັງເດັກ
ນ້ອຍ 5 ຄົນ.
ແຕ່ກຸ່ມພວກນັກເຄື່ອນໄຫວອີກກຸ່ມນຶ່ງ ຊື່ກຸ່ມຄະນະກໍາມະການ
ປະສານງານທ້ອງຖິ່ນ ເວົ້າວ່າ ການໂຈມຕີດັ່ງກ່າວ ໄດ້ເອົາຊີວິດ
30 ຄົນ.
ຍັງບໍ່ມີແຫຼ່ງຂ່າວເອກກະລາດໃດ ໃຫ້ການຢືນຢັນໂຕເລກພວກທີ່ໄດ້ບາດເຈັບລົ້ມຕາຍ
ຍ້ອນການຖິ້ມລະເບີດດັ່ງກ່າວນີ້ ເພາະວ່າ ຊີເຣຍຫ້າມນັກຂ່າວນາໆຊາດ ບໍ່ໃຫ້ເຂົ້າໄປ ເອົາຂ່າວ.
ສົງຄາມກາງເມືອງໃນຊີເຣຍ ປາກົດວ່າໄດ້ຂະຫຍາຍກ້ວາງອອກໄປ ສູ່ເຂດພາກຕາເວັນ
ອອກສຽງເໜືອຂອງປະເທດ ທີ່ມີຊົນເຜົ່າເຄີດອາໄສຢູ່ເປັນສ່ວນໃຫຍ່ຕິດກັບຊາຍແດນ
ເທີ ກີນັ້ນ ໃນວັນອາທິດວານນີ້ ໂດຍມີການໂຈມຕີສະລະຊີບດ້ວຍລະເບີດລົດຄັນນຶ່ງ ທີ່
ໄດ້ສັງຫານຜູ້ຄົນຫຼາຍຄົນ ໃນການໂຈມຕີທີ່ບໍ່ສູ້ມີ ໃນເມືອງ Qamishli ຂອງຊາວເຄີດ-
ຊີເຣຍ ຢູ່ໃກ້ໆ ກັບຊາຍແດນ ເທີກີ.
ສື່ຂອງລັດຊີເຣຍກ່າວວ່າ ມີຢ່າງນ້ອຍ 4 ຄົນ ໄດ້ຖືກສັງຫານ ໃນການໂຈມຕີທີ່ເມືອງ Qamishli ນັ້ນ ໃນຂະນະທີ່ທາງກຸ່ມສັງເກດການສິດທິມະນຸດຊີເຣຍ ກ່າວວ່າ ການວາງ ລະເບີດດັ່ງກ່າວໄດ້ສັງຫານພະນັກງານຮັກສາຄວາມປອດໄພຂອງຊີເຣຍ 8 ຄົນ ຢູ່ໃກ້ໆ ກັບຄ້າຍກໍາລັງຮັກສາຄວາມປອດໄພຂອງລັດຖະບານ.
ນີ້ແມ່ນການໂຈມຕີ ຄັ້ງທໍາອິດ ໃນເຂດທີ່ມີຊົນເຜົ່າເຄີດອາໄສຢູ່ສ່ວນໃຫຍ່ນັ້ນ ນັບແຕ່ໄດ້ ມີການລຸກຮືຂຶ້ນຂອງຊາວຊີເຣຍຕໍ່ຕ້ານການປົກຄອງແບບຜະເດັດການຂອງປະທານາທິບໍ
ດີ Bashar al-Assad ເປັນເວລາ 18 ເດືອນນັ້ນ. ໂດຍສ່ວນໃຫຍ່ແລ້ວ ຊາວເຄີດ-ຊີເຣຍ
ແມ່ນບໍ່ເຂົ້າມາຫຍຸ້ງກ່ຽວແຕ່ຢ່າງໃດ.
ໃນອີກດ້ານນຶ່ງນັ້ນ ທາງນາຍົກລັດຖະມົນຕີ ເທີກີ ທ່ານ Recep Tayyip Erdogan
ໄດ້ຮຽກຮ້ອງໃຫ້ທາງ ອີຣ່ານ, ຣັດເຊຍ ແລະຈີນ ຢຸດເຊົາໃນການໃຫ້ການສະໜັບສະໜູນ
ແກ່ ລັດຖະບານຂອງທ່ານ Assad. ທ່ານໄດ້ກ່າວໃນວັນອາທິດວານນີ້ວ່າ ປະຫວັດສາດ
ຈະບໍ່ໃຫ້ອະໄພ ພວກທີ່ຢືນຢູ່ຄຽງຂ້າງລະບອບການປົກຄອງທີ່ໂຫດຮ້າຍມາລຸນ.
