ໃນວັນພະຫັດວານນີ້ ກຳລັງເຄີດ ໄດ້ປ້ອງກັນເປັນເດືອນທີ່
ສອງ ຢູ່ຊາຍແດນພາກເໜືອຂອງຊິເຣຍ ເມືອງ Kobani ຈາກ
ພວກຫົວຮຸນແຮງອິສລາມ ໂດຍໄດ້ປະຕິບັດງານເພີ້ມຂື້ນຮ່ວມ
ກັບສະຫະລັດ ນຳພາກຳລັງປະສົມ ເພື່ອຕີໂຕ້ຕອບກຸ່ມຫົວຮຸນ
ແຮງດັ່ງກ່າວ.
ຫ້ອງການສີ້ງຊອມສິດທິມະນຸດອັງກິດ ໃນຊິເຣຍ ລາຍງານວ່າ
ຫລາຍກວ່າ 660 ຄົນໄດ້ຖືກສັງຫານ ນັບຕັ້ງແຕ່ພວກ IS ໄດ້
ເລີ້ມບຸກໂຈມຕີ ຢູ່ໃນຂົງເຂດ ຢູ່ເລາະຕາມແນວໜ້າຂອງເທິກີ
ໃນວັນທີ 16 ເດືອນກັນຍາ. ຫ້ອງການສີ້ງຊອມສິດທິມະນຸດ
ໄດ້ໃຫ້ຂໍ້ສັງເກດເຖິງຈຳນວນຄົນຕາຍທັງໝົດ ວ່າອາດຈະເປັນ
ສອງເທົ້າທີ່ຄໍານວນໄວ້ ຍ້ອນອັນທີ່ຮ້ອງວ່າ “ເປັນຄວາມລັບທີ່ສຸດ”
ກ່ຽວກັບການໄດ້ຮັບບາດເຈັບຈາກທັງສອງຝ່າຍ.
ການສູ້ລົບໃນເມືອງ Kobani ຍັງດຳເນີນຕໍ່ມາ – ວັນສຸກ ທີ 17 ຕຸລາ
ການໂຈມຕີທາງອາກາດຂອງ ສະຫະລັດ ຕ້ານລັດອິສລາມ ໄດ້ເພີ້ມຂື້ນໃນເມືອງ Kobani
ອາທິດນີ້ ໃນຂະນະທີ່ ສະຫະລັດ ຮັບຮູ້ເຖິງ ການເຈລະຈາ ໂດຍກົງກັບ ພັກການເມືອງ
ຊິເຣຍ ເທີກີ ທີ່ເຊື່ອມຕໍ່ກັບ ກອງໂຈນເຄີດ ທີ່ ສະຫະລັດ ແລະເທີກີ ຮ້ອງວ່າ ພວກກໍ່ການ
ຮ້າຍນັ້ນ.
ໂຄສົກຍິງ ຂອງກະຊວງຕ່າງປະເທດ ສະຫະລັດ ທ່ານນາງ Jen Psaki ກ່າວວ່າ ເຈົ້າໜ້າທີ່
ຂັ້ນສູງສະຫະລັດ ຄົນນຶ່ງ ໄດ້ພົບກັບ ພັກສະຫະພັນ ເຄີດ ປະຊາທິປະໄຕ ທີ່ນະຄອນປາຣີ ໃນວັນເສົາທີ່ຜ່ານມາ ແຕ່ວ່າການປະຊຸມນີ້ບໍ່ໄດ້ ສະແດງໃຫ້ເຫັນການປະສານງານຕ້ານ
ລັດອິສລາມ.
ແນວໂຮມທີ່ນຳພາໂດຍສະຫະລັດ ເພີ້ມການໂຈມຕີ ຕໍ່ພວກ IS ໜັກຂຶ້ນ:
ພັກດັ່ງກ່າວພົວພັນກັບ PKK ຊຶ່ງເປັນ ເຄີດທີ່ແບ່ງແຍກ ຜູ້ທີ່ໂຈມຕີຫລາຍຄັ້ງຢູ່ໃນ ເທີກີ ອີຣ່ານ ອີຣັກ ແລະຊິເຣຍ ເພື່ອຄວາມເປັນເອກກະລາດຂອງຕົນ. ທານນາງ Psaki ກ່າວ
ວ່າ ສະຫະລັດ ເຂົ້າໃຈດີເຖິງການເຊື່ອໂຍມລະຫວ່າງ ເຄີດ ໃນຊິເຣຍ ແລະ PKK ທີ່ ວໍຊິງ
ຕັນ ຍັງເຫັນວ່າເປັນກຸ່ມກໍ່ການຮ້າຍນັ້ນ.
ແຕ່ວ່າ ທ່ານ Polat Can ໂຄສົກຂອງ ໜ່ວຍປ້ອງກັນປະຊາຊົນເຄີດ (YPG) ກ່່າວຕໍ່ ວີໂອ
ເອ ພະແນກພາສາເຄີດ ໃນຕອນຕົ້ນອາທິດນີ້ວ່າ ທະຫານບ້ານເຄີດ ໄດ້ “ພົວພັນໂດຍກົງ”
ກັບກຳລັງປະສົມ ສະຫະລັດ ແລະກຳລັງໃຫ້ການປະສານງານການໂຈມຕີທາງອາກາດ ຢູ່ໃນເມືອງ Kobani ແລະເປັນທີ່ຮູ້ກັນອີກວ່າ al-Arab ນັ້ນ.
ທຳນຽບຫ້າແຈ ສະຫະລັດ ກ່າວວ່າ ການຖີ້ມລະເບີດໄດ້ສັງຫານ ນັກລົບອິສລາມ “ຫລາຍ
ຮ້ອຍຄົນ” ຢູ່ໃນເມືອງ.
