ປ. ຊູ​ດານ ແລະ ປ. ຊູ​ດານ​ໃຕ້ ​ຫາ​ລື ກ່ຽວ​ກັບ ຄວາມ​ວຸ້ນ​ວາຍ ໃນຊູດານໃຕ້ (ວີ​ດີ​ໂອ)

ປະທານາທິບໍດີ Omar al-Bashir ​ແຫ່ງ​ຊູ​ດານເດີນທາງ​ໄປ
​ຮອດຊູ​ດານ​ໃຕ້​ແລ້ວ ​ເພື່ອທຳ​ການ​ໂອ້​ລົມ​ສົນທະນາ​ກັນ​ເລື້ອງ​
ຄວາມ​ວຸ້ນວາຍ​ທີ່​ກຳລັງ​ດຳ​ເນີນ​ໄປ​ໃນ​ປະ​ເທດ ​ໃນ​ຂະນະ​ທີ່​
ພວກ​ນັກ​ເຈລະຈາ​ສຳລັບ​ປະທານາທິບໍດີ Salva Kiir ​ແລະ​
ທ່ານ Riek Machar ຜູ້ນຳ​ຝ່າຍ​ກະບົດ​ກຳລັງ​ດີ້ນຮົນ​ເພື່ອ​
ຫາ​ທາງ​ໃຫ້​ມີ​ການ​ພົບ​ປະ​ເຈລະຈາ​ສັນຕິພາບອັນ​ແທ້​ຈິງ​ເກີດ
ຂຶ້ນ​ນັ້ນ.

ທ່ານ Bashir ກ່າວ​ຖ້ອຍຖະ​ແຫລ​ງດັ່ງກ່າວ ​ເວລາ​ເດີນທາງ
​ໄປ​ຮອດ​ໃນ​ວັນ​ຈັນ​ມື້​ນີ້ ກ່ອນ​ຈະມຸ້ງ​ໜ້າ​ໄປ​ພົບປະກັນ​ກັບ​ທ່ານ
Kiir ນັ້ນ.

ທ່ານ Ahmed Bilal ລັດຖະມົນຕີ​ຖະ​ແຫຼ​ງຂ່າວ​ຊູ​ດານ ກ່າວ​ຕໍ່​ວີ​ໂອ​ເອວ່າ ປະ​ເທດຂອງທ່ານ
​ມີ​ຄວາມ​ກະຕືລື​ລົ້ນ​ແລະ​ເປັນຫ່ວງ​ຫຼາຍ ກ່ຽວກັບ​ສະຖານະ​ການ ​ແຕ່​ວ່າ​ທ່ານ​ຄຶດ​ວ່າ ທ່ານ
Bashir ສາມາດ​ຫລິ້ນ​ບົດບາດ​ໄດ້​ໃນ​ການ​ຊ່ອຍ​ສອງ​ຝ່າຍ​ໃນ​ຊູ​ດານ​ໃຕ້​ພົບ​ຊອງ​ທາງ​ແກ້​ໄຂ​
ບັນຫາ​ກັນ​ໄດ້.

ການ​ເຈລະຈາ​ເພື່ອ​ຍຸດຕິ​ການ​ສູ້​ລົບ​ກັນ​ທີ່​ໄດ້​ເລີ້ມ​ຂຶ້ນ​ໃນ​ກາງ​ເດືອນ​ທັນວາ​ຜ່ານ​ມາ ມີ​ໝາຍກຳ
ນົດ​ທີ່​ຈະ​ເລີ້ມ​ຂຶ້ໜ​ໃນ​ປະ​ເທດເອທິ​ໂອ​ເປຍ​ໃນ​ສັບປະດາ​ແລ້ວ​ນີ້ ​ແຕ່​ຄະນະ​ຜູ້ຕາງໜ້າ​ບໍ່ສາມາດ​
ບັນ​ລຸ​ຂໍ້​ຕົກລົງ​ຕ່າງໆ​ກັນ​ໄດ້ ​ເຊັ່ນ​ຄຳ​ຂໍ​ຮ້ອງ​ຂອງ​ຝ່າຍ​ກະບົດ​ທີ່​ຢາກ​ໃຫ້​ມີ​ການ​ປ່ອຍ​ໂຕ​ພວກ​
ນັກ​ການ​ເມືອງ​ທີ່​ຖືກ​ກັກ​ຂັງ​ຢູ່​ນັ້ນ.

ທ່ານ Michael Makui ລັດຖະມົນຕີ​ຖະ​ແຫຼ​ງຂ່າວ​ຊູ​ດານ​ໃຕ້​ກ່າວ​ໃນ​ວັນ​ອາທິດ​ວານ​ນີ້​ວ່າລັດ
ຖະບານ​ຈະ​ບໍ່​ປ່ອຍ​ໃຫ້​ພວກ​ນັກ​ການ​ເມືອງ​ທີ່​ຖືກ​ກັກ​ຂັງ​ເຫຼົ່າ​ນີ້​ອອກ​ຈາກ​ທີ່​ກັກ​ຂັງ​ໃນ​ຖານະ​ເປັນ​ພາກສ່ວນ​ນຶ່ງ​ຂອງ​ການ​ເຈລະຈາ​ກັນ​ນີ້.

ການ​ສູ້​ລົບ​ກັນ​ໄດ້​ສັງຫານ​ປະຊາຊົນ​ໄປ​ແລ້ວ​ຫຼາຍ​ກວ່າ 1 ພັນ​ຄົນ​ແລະ​ຍັງດຳ​ເນີນ​ສືບຕໍ່​ມາ​
ໃນ​ວັນ​ອາທິດ​ວານ​ນີ້​ໃນ​ຂະນະ​ທີ່​ທະຫານ​ຂອງ​ຝ່າຍ​ລັດຖະບານ​ດຳ​ເນີນ​ການ​ເພື່ອ​ຍຶດ​ເອົາ​
ເມືອງ Bor ຄືນທີ່ຢູ່​ພາຍ​ໃຕ້​ການ​ຍຶດຄອງ​ຂອງ​ຝ່າຍ​ກະບົດ​ນັ້ນ.