ປະທານາທິບໍດີ Omar al-Bashir ແຫ່ງຊູດານ ໄດ້ຊະນະ
ການເລືອກຕັ້ງໃຫ້ດຳລົງຕຳແໜ່ງອີກສະໄໝໜຶ່ງ ໂດຍໄດ້ຮັບ
ສຽງສະໜັບສະໜຸນ 94 ເປີເຊັນຂອງຈຳນວນຄະແນນສຽງ
ທັງໝົດ ໃນການເລືອກຕັ້ງ ທີ່ຝ່າຍຄ້ານບໍ່ຍອມເຂົ້າຮ່ວມນຳ.
ບັນດາເຈົ້າໜ້າທີ່ເລືອກຕັ້ງ ປະກາດຜົນຂອງການເລືອກຕັ້ງ
ໃຫ້ຮູ້ໃນວັນຈັນມື້ນີ້ ຈາກການປ່ອນບັດເປັນເວລາ 4 ມື້ໃນຕົ້ນເດືອນນີ້ ທີ່ໄດ້ມີການຄາດ
ຄິດກັນມາຢ່າງແຜ່ຫຼາຍ ວ່າຈະເຮັດໃຫ້ທ່ານ Bashir ດຳລົງຕຳແໜ່ງປະທານາທິບໍດີຕໍ່ໄປ ຫຼັງຈາກໄດ້ຄອງອຳນາດ ຕັ້ງແຕ່ປີ 1989 ເປັນຕົ້ນມານັ້ນ.
ຫົວໜ້າຄະນະກຳມະການເລືອກຕັ້ງຂອງປະເທດ ກ່າວວ່າ ຈຳນວນຄົນອອກໄປປ່ອນບັດ
ມີ 46 ເປີເຊັນ.
ສະຫະພາບຢູໂຣບ ສະຫະລັດ ອັງກິດ ແລະນໍເວ ທັງໝົດພາກັນຕຳໜິຕິຕຽນການເລືອກ
ຕັ້ງດັ່ງກ່າວ ໂດຍກ່າວວ່າ ການຂາດການໂອ້ລົມສົນ ທະນາລະດັບຊາດ ທີ່ລັດຖະບານໄດ້
ໃຫ້ຄຳໝັ້ນສັນຍາໄວ້ນັ້ນ ເຮັດໃຫ້ຊູດານບໍ່ມີຂັ້ນຕອນດ້ານການເມືອງ ທີ່ມີຫລາຍພັກຝ່າຍ
ເຂົ້າຮ່ວມນຳ.
ທ່ານ Bashir ຊຶ່ງສານອາຍາສາກົນຕ້ອງການໂຕໄປດຳເນີນຄະດີ ໃນຂໍ້ຫາກໍ່ອາຊະຍາ
ກຳສົງຄາມ ໄດ້ປະເຊີນກັບການແຂ່ງຂັນຈາກຜູ້ສະໝັກ ທີ່ບໍ່ສຳຄັນບໍ່ເທົ່າໃດຄົນ ໂດຍທີ່
ກຸ່ມຝ່າຍຄ້ານສຳຄັນ ພາກັນຂວ້ຳບາດການປ່ອນບັດ.
ທ່ານ Omar al-Bashir ໄດ້ໃຫ້ຄຳໝັ້ນສັນຍາທີ່ຈະດຳເນີນງານເພື່ອສັນຕິພາບ ການພັດທະນາ ແລະປັບປຸງເສດຖະກິດຂອງປະເທດ ໃຫ້ດີຂຶ້ນ.
