ວັນພຸດ, 18 ພະຈິກ 2026

40 ກວ່າປະເທດ ຝຶກຊ້ອມ ຮັບມືກັບລະເບີດ ຢູ່ໃຕ້ທະເລ (ວີດີໂອ)

ຫລາຍກວ່າ 40 ປະເທດ ຊ້ອມການຕອບ ໂຕ້ຕໍ່ລະເບີດ ຢູ່ໃຕ້ທະເລ

No media source currently available

ຫລາຍກວ່າ 40 ປະເທດ ຊ້ອມການຮັບມືກັບລະເບີດ ທີ່ຫ້າງໄວ້ ຢູ່ໃຕ້ທະເລສາກົນ ທີ່ຈັດຂຶ້ນໂດຍສະຫະລັດ ຢູ່ປະເທດ Bahrain.

ທະຫານຈາກຫລາຍກວ່າ 40 ປະເທດ ໄດ້ໄປເຕົ້າໂຮມກັນ
ຢູ່ທີ່ປະເທດ Bahrain ເພື່ອເຂົ້າຮ່ວມການຝຶກຊ້ອມ ​ເອົາ
ມາດຕະການຕອບໂຕ້ຕໍ່ລະເບີດທີ່​ຫ້າງ​ໄວ້ຢູ່ໃຕ້ ທະເລສາກົນ.
ການຝຶກຊ້ອມຄັ້ງນີ້ ຈະເປັນການຝຶກຊ້ອມຄັ້ງໃຫຍ່ທີ່ສຸດເທົ່າ
ທີ່ເຄີຍມີມາ ຢູ່ໃນຂົງເຂດດັ່ງກ່າວ ແລະມີ​ເປົ້າ​ໝາຍ​ເພື່ອປົກ
ປ້ອງ​ແລະ​ຮັກ​ສາຄວາມປອດໄພ​ໃຫ້ ແກ່ ການຄ້າສາກົນ.

ການຝຶກຊ້ອມແມ່ນຈັດຂຶ້ນ ໂດຍທັບ​ເຮືອ ທີ 5 ຂອງກອງບັນຊາການກາງ ຂອງກອງ
ທັບເຮືອສະຫະລັດ ທີ່ຕັ້ງຢູ່ໃນປະ​ເທດ Bahrain.

ນາຍພົນເຮືອຈັດຕະວາ Simon Ancona ເວົ້າວ່າ ຂໍ້ຫຍຸ້ງຍາກ ທີ່ສຸດກໍຄືວ່າ ທິມງານ
ຈາກທຸກປະເທດໃນໂລກ ຈະສາມາດເຮັດວຽກຮ່ວມກັນໄດ້ ຫລືບໍ່. ທ່ານນາຍພົນເຮືອ
ຈັດຕະວາ Simon Ancona ຊຶ່ງເປັນຜູ້ບັນຊາການ ພາກສ່ວນນາວີກະໂຍທິນ ຂອງ​ກອງທັບອັງກິດ ແລະຮອງຜູ້ບັນຊາການຂອງກອງທັບນາວີກະໂຍທິນປະສົມກ່າວ
ຕໍ່ຜູ້ສື່ຂ່າວວ່າ:

“ມີຫລາຍກວ່າ 40 ປະເທດ, ກໍ່າປັ່ນ 35 ລໍາ, ທີມງານ 18 ທີມ ແຕກຕ່າງກັນ ທີ່ໄດ້ມາຮ່ວມ​ໃນ​ການ​ຝຶກ​ຊ້ອມ​ຄັ້ງ​ນີ້ ຊຶ່ງສ່ວນໃຫຍ່​ແມ່ນ​ຈະ​ພາກັນຝຶກ​ແອບໃຊ້
ເຄື່ອງມືໃນອະນາຄົດ ສໍາລັບການຕ້ານຢັນລະເບີດໃນທະເລ ຊຶ່ງກໍ​ຄື​ການ​
ຄວບ​ຄຸມຍານພາຫະນະ ທີ່ແລ່ນຢູ່ໃຕ້ພື້ນທະເລ ໂດຍບໍ່ມີຄົນຂັບ. ລວມ​ແລ້ວ ​
ແມ່ນ​ມີທະຫານ 6,500 ຄົນ ທັງຍັງແລະຊາຍ ເຂົ້າຮ່ວມດໍາເນີນການຝຶກຊ້ອມ
ຄັ້ງນີ້.”


ການຝຶກຊ້ອມດັ່ງກ່າວ ຈະສິ້ນສຸດລົງໃນທ້າຍເດືອນນີ້.
​
XS
SM
MD
LG