ບໍ່ມີກ້ອງຖ່າຍວິດີໂອ ຫຼືນັກຂ່າວຄົນໃດຖືກອະນຸຍາດໃຫ້ເຂົ້າໄປໃນຫ້ອງຊັ້ນລຸ່ມ ຫຼື Map room ຂອງທຳນຽບຂາວໃນວັນພຸດວານນີ້ເພື່ອຖ່າຍ ທຳການປະຊຸມ ຄັ້ງທີ 4 ລະຫວ່າງ ຜູ້ນຳທາງສາສະໜາທີ່ລີ້ໄພຢູ່ໃນຕ່າງປະເທດຂອງ Tibet ອົງດາໄລລາມະ ແລະ ປະທາ ນາທິບໍດີ ໂອບາມາ.
ແຕ່ຫຼັງຈາກນັ້ນ, ຮູບພາບກໍໄດ້ປະກົດໃຫ້ເຫັນ, ທຳອິດແມ່ນໃນໜ້າ Instagram ຂອງອົງ ດາໄລລາມະ ແລະ ຕໍ່ມາໄດ້ຖືກເປີດເຜີຍໂດຍທຳນຽບຂາວ, ສະແດງ ໃຫ້ເຫັນທັງສອງ ທ່ານຫັນໜ້າເຂົ້າຫາກັນ, ໂອບກອດກັນ ເຊິ່ງສະແດງໃຫ້ເຫັນ ເຖິງຄວາມອົບອຸ່ນ ກ່ຽວກັບ ສາຍພົວພັນຂອງພວກເພິ່ນ.
ໃນການສຳພາດກັບວີໂອເອ, ໂຄສົກສະພາຄວາມໝັ້ນຄົງແຫ່ງຊາດສຳລັບເຂດ ເອເຊຍ ທ່ານ Myles Caggins ໄດ້ກ່າວວ່າ ການພົບປະຂອງປະທານາທິບໍດີ ກັບອົງດາໄລ ລາມະ ແມ່ນເປັນສ່ວນຕົວໂດຍທຳມະຊາດ.
ທ່ານໄດ້ກ່າວວ່າ “ໃນກໍລະນີນີ້ ມັນເປັນເລື່ອງສ່ວນຕົວ ເພາະວ່າທ່ານປະທານາ ທິບໍດີ, ໃນຂະນະທີ່ທ່ານຕ້ອນຮັບອົງດາໄລລາມະ ໃນຫ້ອງຊັ້ນລຸ່ມຂອງທຳ ນຽມຂາວນັ້ນ, ທ່ານໄດ້ທັກທາຍກັບພະອົງ ໃນຖານະຜູ້ ນຳຄົນໜຶ່ງ, ຊຶ່ງເປັນທີ່ຍອມຮັບໂດຍສາກົນ ວ່າເປັນຜູ້ນຳທາງສາສະໜາ ແລະ ຜູ້ນຳດ້ານວັດທະນະ ທຳຂອງ Tibet. ແຕ່ໃນທາງ ກົງກັນຂ້າມ, ການຢ້ຽມຢາມຢ່າງເປັນທາງການ ຈະລວມມີການເຊີນຍ່າງຕາມປົກກະ ຕິທີ່ເດີ່ນຫຍ້າດ້ານໃຕ້ຂອງທຳນຽບຂາວ, ແລະ ມີຄວາມເປັນໄປໄດ້ວ່າຈະປະຊຸມກັນທີ່ຫ້ອງ Oval office ແລະ ການລ້ຽງ ຮັບຮອງອາຫານຄ່ຳຢ່າງເປັນທາງການ.”
ກ່ອນໜ້ານີ້, ຈີນ ໄດ້ເຕືອນ ສະຫະລັດ ຕໍ່ການພົບປະກັບອົງດາໄລລາມະ ໂດຍກ່າວວ່າ ມັນອາດຈະເຮັດໃຫ້ຄວາມໄວ້ເນື້ອເຊື່ອກັນຂອງ ທັງສອງຝ່າຍໄດ້ ຮັບຄວາມເສຍຫາຍ. ຈີນມອງເຫັນອົງດາໄລລາມະ ວ່າ ເປັນພວກແບ່ງແຍກ ດິນແດນທີ່ບັນເປັນອັນຕະລາຍ.
ທ່ານ ໂອບາມາ ໄດ້ພົບປະກັບອົງດາໄລລາມະ 4 ຄັ້ງໃນລະຫວ່າງການດຳລົງຕຳແໜ່ງ ປະທານາທິບໍດີຂອງທ່ານ ແລະໄດ້ກ່າວເຖພິງພະອົງວ່າ ເປັນເພື່ອນ ສະໜິດຂອງທ່ານ. ແຕ່ຈີນຢ້ານວ່າ ການພົບປະດັ່ງກ່າວນີ້ ຈະເປັນການສົ່ງ ຂໍ້ຄວາມທີ່ຜິດພາດຕໍ່ປະຊາຊົນ ຊາວ Tibet.
