ສານພິເສດ ໃນບັງກລາແດັສ ໄດ້ຕັດສິນລົງໂທດ ປະຫານຊີວິດ
ຜູ້ນຳອະວຸໂສຄົນນຶ່ງ ຂອງພັກສາສະໜາອິສລາມ ທີ່ໃຫຍ່ທີ່ສຸດ
ຂອງປະເທດ ຍ້ອນກໍ່ອາຊະຍາກຳສົງຄາມ.
ສານອາຊະຍາກຳສົງຄາມ ໃນນະຄອນຫລວງດາກາ ໄດ້ພົບວ່າ
ທ່ານ Mir Quasem Ali ມີຄວາມຜິດ ໃນວັນອາທິດມື້ນີ້ ໃນຂໍ້ຫາ
ຫຼາຍກະໂທງ ທີ່ເກີດຈາກສົງຄາມເພື່ອຄວາມເປັນເອກະລາດ
ຂອງປະເທດແຍກ ອອກຈາກປາກິສຖານ ໃນປີ 1971.
ນັກທຸລະກິດດ້ານສື່ມວນຊົນທີ່ລ້ຳລວຍ ໄວ 62 ປີ ທ່ານນີ້ ແມ່ນເຊື່ອກັນວ່າ ເປັນຜູ້ສຳຄັນຄົນນຶ່ງ ທີ່ໃຫ້ການສະໜັບສະໜຸນດ້ານການເງິນ ແກ່ພັກ Jamaat-e-Islami.
ບັງກລາແດັສ ໄດ້ກ່າວຫາ ທະຫານປາກິສຖານ ແລະ ພວກໃຫ້ຄວາມຮ່ວມໄມ້ຮ່ວມມື
ທ້ອງຖິ່ນ ເປັນຜູ້ຮັບຜິດຊອບຕໍ່ການເສຍຊີວິດຂອງປະຊາ ຊົນ 3 ລ້ານຄົນ ໃນລະຫວ່າງ
ສົງຄາມ ທີ່ແກ່ຍາວມາ ເປັນເວລາ 9 ເດືອນ.
