ລິ້ງ ສຳຫລັບເຂົ້າຫາ

ບັງ​ກລາ​ແດັສ ​ຕັດສິນ ​ປະຫານ​ຊີວິດ​ ຜູ້ນໍາ ພັກຝ່າຍ​ຄ້ານ​​


ຊາວໜຸ່ມບັງກລາແດັສ ຮ້ອງໂຮດີໃຈ ທີ່ສານຕັດສິນປະຫານຊີວິດ ນາຍ Sayedee
ສານ​ອາດຊະ​ຍາ​ກຳ​ສົງຄາມ​ບັງ​ກລາ​ແດັສ ​ໄດ້​ຕັດສິນ​ປະຫານ​ຊີວິດ​ຜູ້ນໍາ ອາວຸ​ໂສ ພັກຝ່າຍ​ຄ້ານ​ອີສລາມ ​ໃນ​ຂໍ້​ຫາ​ກໍ່​ອາດຊະຍາ​ກໍາ ​ໃນ​ລະຫວ່າງ​ສົງຄາມ​ປີ 1971 ຕໍ່ຕ້ານ​ປາ​ກີ​ສຖານ ​ເພື່ອຄວາມ​ເອກ​ກະລາດ​ຂອງ​ບັງ​ກລາ​ແດັສນັ້ນ.

​ເມື່ອ​ວັນ​ພະຫັດ​ມື້ນີ້ ສານ​ທີ່​ນະຄອນ Dhaka ​ໄດ້ຕັດສິນ​ໂທດປະຫານ​ຊີວິດທ່ານ Delwar Hossain Sayedee ສະມາຊິກ​ອາວຸ​ໂສ​ຂອງ​ພັກ Jamaat-e-Islami ​ໃນ​ຂໍ້​ຫາ​ກໍ່​ໂທດ​ກຳຕ່າງໆ ​ໂຮ​ມທັງການຂົ່ມຂືນ ​ແລະ​ການ​ສັງຫານ​ໝູ່.

ພັກ Jamaat-e-Ismali ​ໄດ້​ຮຽກຮ້ອງ​ໃຫ້​ມີ​ການ​ນັດ​ຢຸດ​ງານ​ທົ່ວໄປ​ເມື່ອ ວັນ​ພະຫັດ​ມື້​ນີ້ ​ເພື່ອ​ປະນາມ​ຕໍ່​ການ​ຕັດສິນ​ຄະດີ ​ແລະທວງ​ໃຫ້ປ່ອຍ​ທ່ານ Sayedee ເປັນສະຫຼະ.

ປະ​ເທດ​ບັງ​ກລາ​ແດັສ​ໄດ້​ສູ້​ລົບ​ໃນ​ສົງຄາມ​ເປັນ​ເວລາ​ເກົ້າ​ເດືອນ ກັບປາ​ກີ​ສຖານ​ໃນ​ປີ 1971 ​ເພື່ອ​ເປັນ​ເອກ​ກະ​ລາດ.
XS
SM
MD
LG