ຝົນຕົກໜັກ ໄດ້ເຮັດໃຫ້ດິນເຈື່ອນໃນ Bangladesh ທີ່ຍັງຜົນໃຫ້ມີຢ່າງນ້ອຍ 43 ຄົນ
ເສຍຊີວິດ.
ເຈົ້າໜ້າທີ່ ໄດ້ເຕືອນໃນວັນອັງຄານມື້ນີ້ວ່າ ຈຳນວນຂອງການບາດເຈັບລົ້ມຕາຍ ຈະມີ
ເພີ່ມຂຶ້ນ ໃນຂະນະທີ່ໄດ້ມີການຊ່ອຍກູ້ໄພແລະຊອກຄົ້ນຫາ ໃນຫຼາຍໆເຂດກວ້າງອອກ
ໄປໃນເຂດທີ່ເປັນໂນນ ຮ່ອມພູ ທາງພາກໃຕ້ຂອງປະເທດນັ້ນ.
ຂີ້ຕົມໄດ້ທັບຖົມບ້ານເຮືອນທັງຫຼາຍ ຫຼັງຈາກທີ່ຝົນໄດ້ເລີ່ມຕົກລົງມາໃນວັນຈັນວານນີ້.
ເຂດ Rangamati ທີ່ໃກ້ໆກັບຊາຍແດນອິນເດຍ ແມ່ນກະທົບຮ້າຍແຮງສຸດ.
ໃນເດືອນແລ້ວນີ້ ພາຍຸ ໄຊໂຄລນ ໄດ້ສັງຫານ 7 ຄົນ ແລະທຳລາຍບ້ານເຮືອນຫຼາຍໆ
ພັນຫຼັງ ທາງພາກຕາເວັນອອກສຽງໃຕ້ຂອງ Bangladesh.
