ນັກຂຽນຂ່າວລົງອິນເຕີແນັດ ສະຫະລັດ ຄົນນຶ່ງ ຜູ້ທີ່ຂຽນຕໍ່ຕ້ານ
ພວກຫົວຮຸນແຮງທາງສາສະໜາ ໄດ້ຖືກຟັນຕາຍຢູ່ໃນ ນະຄອນ
ຫລວງ ບັງກລາແດັສ.
ຕຳຫລວດກ່າວວ່າ ທ້າວ Avijit Roy ແລະພັນລະຍາຂອງລາວ
ນາງ Rofida Ahmed ໄດ້ຖືກໂຈມຕີໃນຕອນແລງຂອງວັນພະ
ຫັດວານນີ້ ຫລັງຈາກໄດ້ອອກຈາກບ່ອນວາງສະແດງປື້ມອ່ານ
ທີ່ມະຫາວິທະຍາໄລ Dhaka. ນາງ Ahmed ໄດ້ຮັບບາດເຈັບ
ຢ່າງສາຫັດຈາກການໂຈມຕີ.
ໜັງສືພິມ The Bangladesh Daily Star ລາຍງານວ່າ ໄດ້ມີ
ບັນດາຜູ້ເຫັນເຫດການກ່ຽວກັບການໂຈມຕີດັ່ງກ່າວແຕ່ບໍ່ມີໃຜກ້າວອອກມາເພື່ອໃຫ້ການ ຊ່ວຍເຫລືອ ແກ່ຄູ່ຜົວເມຍ ຫລືຈັບພວກຜູ້ຮ້າຍ.
ຍັງບໍ່ທັນມີການອ້າງເອົາຄວາມຮັບຜິດຊອບ ກ່ຽວກັບການໂຈມຕີໃນທັນໃດເທື່ອ.
ນ້ອງຂອງທ້າວ Roy ກ່າວວ່າ ອ້າຍຂອງລາວ ຜູ້ທີ່ເກີດໃນ ບັງກລາແດັສ ໄດ້ກັບຄືນມາ
ຍັງປະເທດໃນຕົ້ນເດືອນນີ້ ແລະມີກຳນົດທີ່ຈະກັບຄືນມາ ສະຫະລັດ ໃນເດືອນໜ້ານີ້.
ໄດ້ມີການໂຈມຕີທີ່ຄ້າຍຄືກັນຕໍ່ບັນດານັກຂຽນ ຢູ່ໃນບັງກລາແດັສ ປະເທດທີ່ສ່ວນໃຫຍ່
ນັບຖືສາສະໜາອິສລາມ.
ບັນດານັກສືບສວນກ່າວວ່າ ພວກບ້າສາສະໜາ ແມ່ນເຊື່ອວ່າເປັນຜູ້ຮັບຜິດຊອບຕໍ່ການ
ໂຈມຕີຄັ້ງນີ້.
