ລິ້ງ ສຳຫລັບເຂົ້າຫາ

ວັນພະຫັດ, ໒໕ ເມສາ ໒໐໒໔

ຜູ້ປະທ້ວງ ຢູ່ບາງກອກ ຮຽກຮ້ອງໃຫ້ສະມາຊິກສະພາສູງ ແຕ່ງຕັ້ງນາຍົກລັດຖະມົນຕີ ຈາກພັກປະສົມ


ບັນດາຜູ້ສະໜັບສະໜຸນພັກກ້າວໄກ ພາກັນຖືປ້າຍທີ່ມີຮູບຂອງ ທ່ານພິທາ ລິ້ມຈະເຣີນຣັດ ຜູ້ນໍາພັກ, ໃນລະຫວ່າງການປະທ້ວງຢູ່ໃນບາງກອກ, ປະເທດໄທ, ວັນທີ 23 ກໍລະກົດ 2023.
ບັນດາຜູ້ສະໜັບສະໜຸນພັກກ້າວໄກ ພາກັນຖືປ້າຍທີ່ມີຮູບຂອງ ທ່ານພິທາ ລິ້ມຈະເຣີນຣັດ ຜູ້ນໍາພັກ, ໃນລະຫວ່າງການປະທ້ວງຢູ່ໃນບາງກອກ, ປະເທດໄທ, ວັນທີ 23 ກໍລະກົດ 2023.

ປະຊາຊົນຫຼາຍຮ້ອຍຄົນ ໂຮມຊຸມນຸມກັນຢູ່ບາງກອກ ນະຄອນຫຼວງຂອງໄທເພື່ອ ຮຽກຮ້ອງໃຫ້ສະມາຊິກສະພາ​ສູງຫົວອະນຸລັກນິຍົມ ຍຸຕິການຂັດຂວາງການແຕ່ງ ຕັ້ງນາຍົກລັດຖະມົນຕີທີ່ມາ​ຈາກພັກປະ​ສົມ ໃນການເລືອກຕັ້ງທົ່ວໄປເມື່ອເດືອນພຶດສະພາແລ້ວນີ້, ເຊິ່ງເປັນທ່າທີທີ່ມີຄວາມສ່ຽງ​ ພາ​ໃຫ້ເກີດສະ​ພາບ​ການ​ບໍ່​ໄປ​ບໍ່​ມາ ທີ່​ຂາດ​ສະ​ຖຽນ​ລະ​ພາບ, ອີງຕາມລາຍງານຂອງອົງການຂ່າວ AP.

ບັນດາຜູ້ປະທ້ວງພາກັນຢືນທ່າມກາງ​ສາຍຝົນທີ່ຕົກລົງມາຢ່າງໜັກ ເພື່ອສະແດງຄວາມບໍ່ພໍໃຈຂອງພວກເຂົາເຈົ້າ ຕໍ່ບັນດາສະມາຊິກສະພາສູງ ຜູ້ທີ່ໄດ້ຮັບການແຕ່ງຕັ້ງຈາກກອງທັບ ແລະສະແດງຄວາມພາກພູມໃຈຂອງຕົນເອງວ່າເປັນຜູ້ປົກປ້ອງສະຖາບັນດັ້ງເດີມຂອງລາດຊະວົງ.

ພັກກ້າວໄກ, ໄດ້ຮັບໄຊຊະນະໃນການເລືອກຕັ້ງທີ່ໜ້າເຫຼືອເຊື່ອ, ບໍ່ປະສົບຜົນສໍາເລັດເຖິງສອງຄັ້ງ ໃນຄວາມພະຍາຍາມທີ່ຈະແຕ່ງຕັ້ງ ຜູ້ນໍາພັກຂອງພວກເຂົາເຈົ້າ ທ່ານພິທາ ລິ້ມຈະເຣີນຣັດ ເປັນນາຍົກລັດຖະມົນຕີຂອງປະເທດຄົນຕໍ່ໄປ, ສ່ວນ​ໃຫ​ຍ່​ແລ້ວແມ່ນຂາດການສະໜັບສະໜຸນຈາກບັນດາສະມາຊິກສະພາສູງ ເຊິ່ງຖືກລົບກວນໂດຍ​ແຜນການປະຕິຮູບໃໝ່ທາງການເມືອງຂອງພັກ.

ອ່ານຂ່າວນີ້ເປັນພາສາອັງກິດ

XS
SM
MD
LG