ທ່ານນາງ Stephanie Rawlings-Blake ເຈົ້າຄອງກຳແພງ
ນະຄອນ Baltimore ໄດ້ລົບລ້າງການຫ້າມສັນຈອນໄປມາຍາມ
ກາງຄືນໃນທົ່ວໂຕເມືອງແລ້ວ ໃນວັນອາທິດວານນີ້ ຂະນະທີ່
ພວກປະທ້ວງພາກັບໂຮມຊຸມນຸມກັນ ຕໍ່ຕ້ານການໃຊ້ຄວາມຮຸນ
ແຮງຂອງຕຳຫຼວດ ອີກມື້ນຶ່ງ ຢູ່ຂ້າງນອກໂຮງການເມືອງນັ້ນ.
ນະຄອນ Baltimore ໄດ້ຕົກຢູ່ໃນສະພາບສັບສົນວຸ້ນວາຍ
ຫຼັງຈາກ ພິທີສົ່ງສະການທ້າວ Freddie Gray ຄົນອະເມຣິກັນ
ເຊື້ອສາຍອາຟຣິກາ ທີ່ເສຍຊີວິດໄປໃນເດືອນແລ້ວນີ້ ໃນລະ
ຫວ່າງທີ່ຖືກຕຳຫຼວດ ຄວບຄຸມຕົວໄປ.
ທ່ານນາງ Rawlings-Blake ກ່າວວ່າ ທ່ານນາງບໍ່ຢາກໃຫ້ມີ ການຫ້າມສັນຈອນໃນຍາມກາງຄືນ ດົນກ່ວາທີ່ຈຳເປັນ ຊຶ່ງທ່ານນາງກ່າວ ວ່າ "ບູລິມະສິດນ້ຳເບີໜຶ່ງຂອງທ່ານນາງ
ໃນການຫ້າມສັນຈອນໄປມານັ້ນ ກໍແມ່ນເພື່ອຮັບປະກັບຄວາມສະຫງົບ ຄວາມປອດໄພ ສຸຂະພາບແລະ ສະວັດດີການຂອງພົນລະເມືອງ Baltimore.”
ສະຫະພັນອິດສະລະພາບພົນລະເຮືອນອະເມຣິກັນ ແລະພວກເຈົ້າຂອງທຸລະກິດ ໂດຍສະ
ເພາະພວກຮ້ານອາຫານ ໄດ້ຕຳໜິຕິຕຽນການຫ້າມຜູ້ຄົນສັນຈອນໃນຍາມກາງຄືນນັ້ນ.
ບໍ່ດົນຫຼັງຈາກເຈົ້າຄອງກຳແພງເມືອງ ປະກາດຍົກເລີກການຫ້າມຜູ້ຄົນສັນຈອນໃນຍາມກາງຄືນແລ້ວ ທ່ານ Larry Hogan ຜູ້ວ່າການລັດ Maryland ກ່າວວ່າ ພວກທະຫານ
ແລະຕຳຫຼວດປະມານ 4 ພັນຄົນທີ່ມາຈາກລັດອື່ນໆ ໄດ້ເລີ້ມອອກຈາກ Baltimore ໄປ
ແລ້ວ. ທ່ານ Hogan ກ່າວວ່າ ພາວະສຸກເສີນໃນເມືອງ Baltimore ຈະບໍ່ຖືກຍົກເລີກ ຈົນກວ່າພວກທະຫານທັງໝົດໄດ້ອອກຈາກຕົວເມືອງໄປ.
ພວກເດີນຂະບວນປະທ້ວງ ໄດ້ສວຍໂອກາດເອົາມື້ທີ່ດິນຟ້າອາກາດດີຂອງລະດູບານໃໝ່ ໂຮມຊຸມນຸມກັນຢ່າງສັນຕິຢູ່ຂ້າງນອກໂຮງການເມືອງໃນວັນອາທິດວານນີ້ ຊຶ່ງຫຼາຍຄົນໄດ້
ໄຫວ້ວອນເພື່ອສັນຕິພາບ.
ພວກຮ້ານຄ້າຢູ່ສູນການຄ້າໃນຄຸ້ມ ທີ່ໄດ້ຖືກລັກຂະໂມຍສິນຄ້າໄປໃນລະຫວ່າງເກີດການ
ຈະລາຈົນຂຶ້ນໃນວັນຈັນຜ່ານມານັ້ນ ໄດ້ໄຂຄືນເປັນເທື່ອທຳອິດໃນວັນອາທິດວານນີ້ ອຳ
ນວຍໂອກາດໃຫ້ພວກຊາວເມືອງໄດ້ຕ້ອງການຊື້ເຂົ້າປາອາຫານແລະສິນຄ້າ ທີ່ເຂົາເຈົ້າ
ຕ້ອງການເປັນທີ່ສຸດນັ້ນ.
