ຜູ້ບັນຊາການຕຳຫລວດເມືອງ Baltimore ກ່າວວ່າ ເມືອງທີ່ຕັ້ງ
ຢູ່ໃນພາກຕາເວັນອອກຂອງສະຫະລັດແຫ່ງນີ້ ມີຄວາມທຸ່ນທຽງ
ໃນຂະນະທີ່ບັນດາເຈົ້າໜ້າທີ່ບັງຄັບໃຊ້ການຫ້ອມອອກນອກ
ບ້ານເຮືອນໃນຍາມກາງຄືນຫລັງຈາກ ທີ່ໄດ້ເກີດຄວາມວຸ້ນວາຍ
ຢ່າງຮ້າຍແຮງໃນຄືນວັນຈັນ ຍ້ອນການເສຍຊີວິດຂອງຊາຍໜຸ່ມ
ຜີວດຳຄົນນຶ່ງ ໃນລະຫວ່າງການຈັບກຸມຂອງຕຳຫລວດເມື່ອຕົ້ນ
ເດືອນເມສາ ນີ້.
ຕຳຫລວດ ທີ່ຢູ່ໃນຊຸດປາບຈະລາຈົນ ໄດ້ປະເຊີນໜ້າກັບພວກ
ປະທ້ວງນ້ອຍໆກຸ່ນນຶ່ງທີ່ຍັງພາກັນຢູ່ຕາມຖະໜົນຫົນທາງໂດຍ
ທ້າທາຍຕໍ່ຄຳປະກາດຫ້າມອອກນອກເຮືອນທີ່ເລີ້ມມີຜົນບັງຄັບ
ໃຊ້ແຕ່ 10 ໂມງແລງ ຕາມເວລາທ້ອງຖິ່ນໃນວັນອັງຄານວານນີ້. ຝູງຊົນພາກັນເຕົ້າໂຮມ
ກັນຢູ່ ທາງແຍກແຫ່ງນຶ່ງ ຢູ່ພາກຕາເວັນຕົກຂອງເມືອງ Baltimore ບ່ອນທີ່ການຈະລາ
ຈົນຮ້າຍແຮງທີ່ສຸດເກີດຂື້ນໃນແລງວັນຈັນ.
ເວລາຕຳຫຼວດສັ່ງໃຫ້ຝູງຊົນແຍກຍ້າຍກັນນັ້ນບາງຄົນໄດ້ຕອບໂຕ້ດ້ວຍການແກວ່ງແກ້ວ
ເຂົ້າໃສ່ແລະເຍາະເຍີ້ຍຕຳຫຼວດ. ແຕ່ວ່າ ປະມານນຶ່ງຊົ່ວໂມງ ຫລັງຈາກຄຳສັ່ງຫ້າມອອກນອກເຮືອນ ມີຜົນບັງຄັບໃຊ້ແລ້ວ ພວກປະທ້ວງສ່ວນໃຫຍ່ ກໍໄດ້ແຍກຍ້າຍກັນ ໜີອອກ
ຈາກເຂດດັ່ງກ່າວ.
ລາຍງານຂ່າວໂທລະພາບ ສະແດງໃຫ້ເຫັນວ່າ ກອງທະຫານພິທັກຊາດ ກຳລັງລາດຕະ
ເວນຢູ່ຕາມຖະໜົນຫົນທາງ ດ້ວຍລົດທະຫານ ໃນຂະນະທີ່ການຫ້າມອອກນອກເຮືອນ
ເລີ້ມມີຜົນບັງຄັບໃຊ້.
ຊາວເມືອງ Baltimore ທຸກຊົນຊາດຊົນເຜົ່າ ໃນວັນອັງຄານວານນີ້ ໄດ້ພາກັນອອກມາ
ທຳຄວາມສະອາດ ເກັບຂີ້ເຫຍື້ອ ແລະຮ້ອງໄຫ້ເສຍໃຈໃນການເຜົາຮ້ານຄ້າຕ່າງໆ ແລະ
ລັກເອົາສິ່ງຂອງຈາກຮ້ານສັບພະສິນຄ້າທີ່ຮວມທັງຕະຫຼາດໃຫຍ່ຊູເປີ້ມາກເກັດແລະຮ້ານ
ຄ້າທີ່ມີຊື່ສຽງ ທີ່ເປັນບ່ອນບໍລິການສຳຄັນສຳຫລັບຄຸ້ມທີ່ທຸກຍາກຂອງເມືອງດັ່ງກ່າວ.
ໃນຂະນະທີ່ຕາເວັນຕົກດິນ ໃນວັນອັງຄານວານນີ້ ຖະໜົນຫົນທາງເຕັມໄປດ້ວຍພວກກໍ່
ຄວາມວຸ້ນວາຍເມື່ອ 24 ຊົ່ວໂມງກ່ອນນັ້ນບັດນີ້ໄດ້ເຕັມໄປດ້ວຍສຽງດົນຕີ ເຕັ້ນລຳແລະ
ຜູ້ຄົນກອດຫອມກັນ.
ເຈົ້າຄອງກຳແພງເມືອງ Baltimore ທ່ານນາງ Stephanie Rawlings-Blake ໄດ້ໃຊ້
ເວລາສ່ວນໃຫຍ່ໃນມື້ວານນີ້ ຢ້ຽມຢາມບັນດາຄຸ້ມບ້ານຈຳນວນນຶ່ງ. ທ່ານນາງກ່າວວ່າ
ທ່ານໄດ້ເຫັນວ່າ ເມືອງ Baltimore ເປັນຢ່າງໃດກັນແທ້ ປະຊາຊົນພາກັນກູ້ເອົາຄືນມາ
ແລະປົວແປງເມືອງດັ່ງກ່າວຄືນໃໝ່
Unrest in Baltimore
