ພວກປະທ້ວງຕໍ່ຕ້ານລັດຖະບານ ຈໍານວນຫຼາຍກວ່າ 1
ແສນຄົນ ໄດ້ພາກັນລົງສູ່ ຖະໜົນປະທ້ວງ ໃນວັນອັງຄານ
ວານນີ້ ເດີນຂະບວນໃນນະຄອນຫຼວງ Manana ຂອງ
ປະເທດ Bahrain ໃນການສະແດງພະລັງຢ່າງຂະໜານ
ໃຫຍ່ ຕໍ່ຕ້ານລະບອບລາຊາທິປະໄຕທີ່ກໍາລັງປະສົບກັບ
ບັນຫາໜັກຢູ່ນັ້ນ ເຖິງແມ່ນວ່າກະສັດຂອງ Bahrain
ໄດ້ປ່ອຍພວກນັກໂທດທາງການເມືອງຈໍານວນຫຼາຍສິບຄົນ
ໃນການອ່ອນຂໍ້ຫຼືຍິນຍອມຕໍ່ພວກຝ່າຍຄ້ານ ອີກຄັ້ງນຶ່ງ.
ພວກຈັດຕັ້ງການຊຸມນຸມດັ່ງກ່າວ ໄດ້ເອີ້ນການຮວມຊຸມນຸມໃນວັນອັງຄານນີ້ວ່າເປັນການ
ປະທ້ວງເພື່ອປະຊາທິປະໄຕຄັ້ງໃຫຍ່ສຸດທີ່ເຄີຍເຫັນມາ ໃນປະເທດເກາະນ້ອຍໆ ທີ່ຕັ້ງ
ຢູ່ໃນເຂດອ່າວເປີເຊຍ ທີ່ມີປະຊາກອນພຽງແຕ່ 5 ແສນເທົ່ານັ້ນ.
ພວກຜູ້ຊາຍ, ແມ່ຍິງແລະພວກເດັກນ້ອຍຫລາຍພັນຄົນທີ່ແກ່ວງທຸງຊາດໄປມາ ຊຶ່ງສ່ວນ
ໃຫຍ່ເປັນພວກຊົນກຸ່ມໃຫຍ່ຍ ຊາວ Shi’ite ນັ້ນ ໄດ້ຍຶດນະຄອນຫຼວງ Manama ໝົດມື້ ແລະໄດ້ເດີນຂະບວນວົນວຽນ ອ້ອມຮອບເຂດການເງິນແລະຫ້າງສັບພະສິນຄ້າຂອງ
Bahrain ເພື່ອຮຽກຮ້ອງໃຫ້ລົ້ມເລີກລັດຖະບານ ໃນການເດີນຂະບວນທີ່ສະແດງອອກ
ເຖິງຄວາມເປັນເອກະພາບແຫ່ງຊາດ.
