ລິ້ງ ສຳຫລັບເຂົ້າຫາ

logo-print

ຫຼາຍພັນຄົນໄປຮ່ວມພິທີ ສົ່ງສະການ ຢູ່ Bahrain


ພວກໄວ້ທຸກຊາວ Bahrain ໄປຮ່ວມພິທີແຫ່ສົບຜູ້ເຄາະຮ້າຍ ທີ່ເສຍຊີວິດ ຢູ່ບ້ານ Karzakan (18 ກຸມພາ 2011)

ພວກໄວ້ທຸກຊາວ Bahrain ຈຳນວນຫຼາຍພັນຄົນໄດ້ໄປ
ເຕົ້າໂຮມກັນ ຢູ່ຕາມບ້ານຕ່າງໆ ນອກນະຄອນຫລວງ
Manama ເພື່ອຝັງສົບພວກເຄາະຮ້າຍ ທີ່ເສຍຊີວິດໃນ
ການປາບປາມ ພວກປະທ້ວງຕໍ່ຕ້ານລັດຖະບານ ໃນວັນ
ພະຫັດວານນີ້.

ໃນລະຫວ່າງພິທີສົ່ງສະການໃຫ້ພວກເຄາະຮ້າຍນັ້ນພວກ
ໄວ້ທຸກໄດ້ພາກັນຮ້ອງຄຳຂວັນ ຮຽກຮ້ອງໃຫ້ໂຄ່ນລົ້ມລັດ
ຖະບານ.

ມີຄວາມຢ້ານກົວກັນວ່າພິທີສົ່ງສະການເຫຼົ່ານີ້ອາດກາຍເປັນຄະນວນລະເບີດກໍ່ໃຫ້ເກີດຄວາມ
ຮຸນແຮງເພີ່ມຕື່ມຢູ່ໃນ Bahrain ແລະບ່ອນອື່ນໆທ່າມກາງຄື້ນຟອງຂອງການໂຮມຊຸມນຸມປະ
ທ້ວງຕໍ່ຕ້ານລັດຖະບານຢູ່ໃນບັນດາປະເທດອາຣັບ.

ໃນວັນພະຫັດວານນີ້ ກອງທັບ Bahrain ໄດ້ເຂົ້າຄວບຄຸມເຂດນະຄອນຫຼວງ ບໍ່ເທົ່າໃດຊົ່ວ
ໂມງລຸນຫຼັງຕຳຫຼວດປາບຈະລາຈົນໄດ້ຍິງລູກຫວ່ານ ລູກປືນຢາງ ແລະລະເບີດນໍ້າຕາເຂົ້າໃສ່
ຄ້າຍຂອງພວກປະທ້ວງຕໍ່ຕ້ານລັດຖະບານ. ມີຢ່າງ ນ້ອຍ 5 ຄົນ ເສຍຊີວິດແລະບໍ່ຕໍ່າກວ່າ
230 ຄົນໄດ້ຮັບບາດເຈັບ. ເວລານີ້ ພວກທະຫານໄດ້ຫ້າມບໍ່ມີການໂຮມຊຸມນຸມ ໃນທີ່ສາທາ
ລະນະ.

XS
SM
MD
LG