ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອາກາດບໍ່ດີ ເຮັດໃຫ້ການຊອກຫາ ຜູ້ເຄາະຮ້າຍ AirAsia ປະສົບ ຄວາມຫຍຸ້ງຍາກ


ເຈົ້າໜ້າທີ່ຊອກຫາ ແລະກູ້ໄພແຫ່ງຊາດ ແລະເຈົ້າໜ້າທີ່ ກອງທັບອາກາດອິນໂດເນເຊຍ ກຳລັງຂົນຊາກສົບ ຜູ້ເຄາະຮ້າຍ ອອກຈາກເຮືອບິນເຮຣີຄອບເຕີ້.
ເຈົ້າໜ້າທີ່ຊອກຫາ ແລະກູ້ໄພແຫ່ງຊາດ ແລະເຈົ້າໜ້າທີ່ ກອງທັບອາກາດອິນໂດເນເຊຍ ກຳລັງຂົນຊາກສົບ ຜູ້ເຄາະຮ້າຍ ອອກຈາກເຮືອບິນເຮຣີຄອບເຕີ້.

ບັນດາ​ເຈົ້າ​ໜ້າ​ທີ່ອິນ​ໂດ​ເນ​ເຊຍເຊື່ອ​ວ່າ ​ເຂົາ​ເຈົ້າ​ໄດ້​ພົບ​ເຫັນ​
ລຳໂຕຂອງເຮືອບິນ ອາຍພົ່ນໂດຍສາຍ ຂອງ​ສາຍການ​ບິນ
​AirAsia ທີ່ປະສົບອຸບັດເຫດ ຕົກ​ຢູ່​ທະ​ເລ Java ​ໃນ​ຂະນະ
​ທີ່​ການ​ຊ​ອກຫາ​ບັນດາ​ຜູ້​ເຄາະ​ຮ້າຍ ​ໄດ້​ປະສົບບັນຫາ ຍ້ອນ
​ດິນ​ຟ້າ​ອາກາດ​ບໍ່​ດີ.

ບັນດາ​ເຈົ້າ​ໜ້າ​ທີ່ ຈາກ​ອົງການ​ຊອກ​ຫາ ​ແລະ​ກູ້​ໄພ ກ່າວໃນ
​ວັນ​ພຸດ​ມື້​ນີ້​ວ່າ ຄື້ນຟອງ​ສູງ​ເຖິງ​ສາມ​ແມັດ ລົມ​ແຮງ ​ແລະ​ຝົນ
​ຕົກ​ໜັກໄດ້​ຂັດ​ຂວງ​ຄວາມ​ພະຍາ​ມຢ່າງ​ເຕັມ​ທີ່ໃນການຊອກ
​ຫາ​ທາງ​ອາກາດຢູ່​ທີ່​ບ່ອນ​ເຮືອບິນ​ຕົກ​ໃກ້​ກັບ​ເກາະ Borneo.

ພວກ​ເຈົ້າ​ໜ້າ​ທີ່​ ສາມາດ​ດຶງ​ເອົາ​ສີ່​ສົບ ຂຶ້ນມາຈາ​ກ​ນຳ້ ບ່ອນທີ່ຂ້ອນຂ້າງຕື້ນ ​ໃນ​ວັນ​ພຸດ​ມື້​
ນີ້ິ​ໂດຍເຮັດໃຫ້ຈຳນວນຊາກ​ສົບ​ ທີ່ກູ້ຂຶ້ນມາ​ໄດ້​ທັງ​ໝົດ ເພີ້ມຂຶ້ນເປັນເຈັດສົບ​ແລ້ວ. ສົບຈຳ
ນວນ​ນຶ່ງແມ່ນຍັງນຸ່ງ​ເຄື່ອງ​ເຕັມຮ່າງກາຍແລະ​ອີກ​ຈຳນວນ​ນຶ່ງແມ່ນ​ເກືອບເປືອຍ​ໂຕ.

​ເຈົ້າ​ໜ້າ​ທີ່​ຕຳຫລວດ ທ່ານ Bambang Hermanu ກ່າວ​ວ່າ ຊາ​ກສົບ​ຂອງ​ຊາຍໜຸ່ມຜູ້ນຶ່ງ
​ແລະ​ຜູ້ຍິງ​ຄົນນຶ່ງ ໄດ້​ຖືກ​ສົ່ງ​ໄປເມືອງ Surabaya ຂອງ​ອິນ​ໂດ​ເນ​ເຊຍ ຊຶ່ງບ່ອນ​ທີ່ເຮືອບິນ
ໄດ້​ບິນຂຶ້ນນັ້ນ.

ຜູ້​ໂດຍສານແລະພະນັກງານ 162 ຄົນ ຢູ່ເທິງ​ເຮືອບິນ ບໍ່ປາກົດວ່າມີຜູ້ໃດລອດ​ຊີວິດ
ມາໄດ້.

ຮ່ອງ​ຮອຍອັນທຳອິດຂອງ​ເຮືອບິ​ນ ​ໄດ້​ພົບ​ເຫັນ​ໃນ​ວັນ​ອັງຄານ​ວານ​ນີ້ ບໍ່​ໄກ​ປານ ໃດຈາກ​
ບ່ອນທີ່ເຮືອບິນ Airbus A320 ​ໄດ້​ຫາຍ​ສາບ​ສູນ​ໄປ ​ໃນ​ຂະນະເກີດ​ພາຍຸ ລະຫວ່າງທີ່
​ກຳລັງ​ບິນ​ຈາກ​ເມືອງ Surabaya ຂອງ​ອິນ​ໂດ​ເນ​ເຊຍ ​ໄປ​ຫາ ສິງກະ​ໂປ.

ຮູບ​ພາບ​ຈາກ​ເຄື່ອງໂຊນາ ແນະໃຫ້ເຫັນວ່າ ເປັນ​ລຳໂຕຂອງເຮືອບິນ​ນອນ​ປີ້ນ​ຢູ່​ພື້ນ​ທະ​ເລ
ໃນບໍລິເວນ​ທີ່​ພວກ​ເຈົ້າ​ໜ້າ​ທີ່​ກ່າວ​ວ່າ ມີຄວາມ​ເລິກ​ພຽງແຕ່ 30 ຫາ 50 ​ແມັດ​ເທົ່າ​ນັ້ນ.

ບັນດາ​ເຈົ້າໜ້າທີ່​ສອບ​ສວນ​ຫວັງ​ວ່າ ຈະ​ສາມາດລົງຄວາມເຫັນກ່ຽວກັບສາ​ເຫດ​ທີ່ພາໃຫ້
​ເຮືອບິນ​ຕົກ ​ເວລາ​ໃດ​ທີ່​ພວກມະນຸດ​ກົບ ພົບ​ເຫັນ ​ແລະ​ນຳ​ເອົາເຄື່ອງ ບັນທຶກສຽງ ແລະ
ຂໍ້ມູນ ຢູ່​ຫ້ອງຂັບ​ຂອງ​ນັກ​ບິນ ຂຶ້ນມາໄດ້ແລ້ວ.

ASIA MISSING PLANE VOSOT
please wait

No media source currently available

0:00 0:01:53 0:00

XS
SM
MD
LG