ອີກເທື່ອນຶ່ງ ສະພາບດິນຟ້າອາກາດປັ່ນປ່ວນ ໄດ້ເປັນອຸບປະ
ສັກຂັດຂວາງ ຕໍ່ການປະຕິບັດງານ ຊອກຄົ້ນຫາເຮືອບິນໂດຍ
ສານຂອງສາຍການບິນ AirAsia ໂດຍທີ່ເຈົ້າໜ້າທີ່ອິນໂດເນ
ເຊຍຄົນນຶ່ງເຕືອນວ່າ ອາດຈະໃຊ້ເວລາເຖິງນຶ່ງອາທິດກ່ອນທີ່
ຈະສາມາດຮູ້ໄດ້ວ່າ ເຮືອບິນທີ່ຕົກນັ້ນ ຢູ່ບ່ອນໃດແທ້.
ເຈົ້າໜ້າທີ່ອິນໂດເນເຊຍ ໄດ້ຫວັງວ່າ ສະພາບດິນຟ້າອາກາດ
ທີ່ດີຂຶ້ນໃນຕອນເຊົ້າຂອງວັນພະຫັດມື້ນີ້ ຈະຊ່ອຍອຳນວຍໃຫ້
ດຳເນີນຄວາມພະຍາຍາມໃນການຊອກຄົ້ນຫາ ໄປໄວຂຶ້ນໄດ້.
ແຕ່ຕົກມາຮອດຕອນບ່າຍໄດ້ມີຝົນຕົກໜັກຢ່າງກະທັນຫັນຄັ້ງ
ໃໝ່ ແລະລົມແຮງ ເຮັດໃຫ້ ການຊອກຄົ້ນຫາຊາກຫັກພັງແລະ
ສົບຜູ້ເຄາະຮ້າຍ ໂດຍທາງເຮືອບິນເຮຣີຄອບເຕີ້ ຕ້ອງໄດ້ຢຸດ
ຊະງັກລົງ.
ມາຮອດປັດຈຸບັນນີ້ ມີແຕ່ 7 ສົບຂອງພວກຜູ້ໂດຍສານແລະພະນັກງານເຮືອບິນທັງໝົດ ຈຳນວນ 162 ຄົນໄດ້ຖືກນຳຂຶ້ນມາຈາກທະເລ Java ໃກ້ໆກັບເກາະບໍນຽວບ່ອນທີ່ເຮືອ
ບິນ Airbus 320 ໄດ້ປະສົບອຸບັດຕິເຫດຕົກໃນມື້ວັນອາທິດທີ່ຜ່ານມາຍ້ອນສະພາບດິນ ຟ້າອາກາດປັ່ນປ່ວນ.
ເຈົ້າໜ້າທີ່ ກ່າວໃນວັນພະຫັດມື້ນີ້ວ່າ ມີຢ່າງໜ້ອຍ 1 ສົບແລ້ວໄດ້ຖືກລະບຸ ແຕ່ບໍ່ໄດ້ເປີດ ເຜີຍໃຫ້ຊາບກ່ຽວກັບຊື່ສຽງຂອງຜູ້ກ່ຽວ.
ທ່ານ Toos Sanityyoso ເຈົ້າໜ້າທີ່ສືບສວນດ້ານຄວາມປອດໄພທາງອາກາດຂອງອິນ ໂດເນເຊຍ ກ່າວວ່າ ບູລິມະສິດອັນສຳຄັນສຸດ ກໍຄືຊອກຫາຈຸດຫລັກ ບ່ອນທີ່ເຮືອບິນຕົກ ແຕ່ກໍເຕືອນວ່າ ມັນອາດຈະໃຊ້ເວລາຢ່າງໜ້ອຍນຶ່ງອາທິດ ກ່ອນທີ່ຈະພົບເຫັນເຄື່ອງບັນ ທຶກຂໍ້ມູນ ແລະສຽງຈາກຫ້ອງຄົນຂັບເຮືອບິນ ທີ່ເອີ້ນວ່າ Black Box ນັ້ນ.
ພວກເຈົ້າໜ້າທີ່ສືບສວນແມ່ນໃຫ້ຄວາມສົນໃຈເປັນພິເສດ ແກ່ການກວດກາເບິ່ງຢ່າງລະ ອຽດໃນບໍລິເວນທີ່ການຊອກຄົ້ນຫາທາງອາກາດໃນມື້ວັນພຸດຜ່ານມາໄດ້ພົບເຫັນໃນອັນ ທີ່ປາກົດວ່າ ເປັນເງົາຂະໜາດໃຫຍ່ ຢູ່ໃນບໍລິເວນທີ່ນ້ຳທະເລຂ້ອນຂ້າງຕື້ນ.
ແຕ່ເຈົ້າໜ້າທີ່ກໍກ່າວເນັ້ນວ່າ ຍັງບໍ່ທັນມີການຢືນຢັນເທື່ອວ່າ ເງົາດັ່ງກ່າວເປັນລຳໂຕຂອງ ເຮືອບິນ ດັ່ງທີ່ບາງຄົນໄດ້ຄາດຄະເນກັນນັ້ນ.
