ອົງການສັນຕິບານກາງສະຫະລັດ ຫຼື ເອຟບີໄອ ກ່າວວ່າ ຜູ້ຕ້ອງສົງໃສກໍ່ເຫດເຮັດໃຫ້ມີຜູ້ເສຍຊີວິດຢ່າງນ້ອຍ 14 ຄົນ ໃນຄືນສະຫຼອງປີໃໝ່ທີ່ເມືອງ ນີວ ໂອລີນ ໂດຍດຳເນີນການພຽງຜູ້ດຽວແລະໄດ້ແຮງບັນດານໃຈມາຈາກກຸ່ມລັດ ອິສລາມ ຫຼື ISIS
ກ່ອນໜ້ານີ້ເຈົ້າໜ້າທີ່ກ່າວວ່າກຳລັງຕໍາຫຼວດສອບສວນຄວາມເປັນໄປໄດ້ທີ່ຜູ້ຕ້ອງສົງໃສມີຄົນຮ່ວມກໍ່ເຫດ
ເອຟບີໄອກ່າວກັບສື່ມວນຊົນໃນງານຖະແຫຼງຂ່າວເມື່ອວັນພະຫັດຜ່ານມາວ່າ ກຳລັງສອບສວນກໍລະນີດັ່ງກ່າວຊຶ່ງເປັນການ “ກໍ່ວິນາດສະກຳ” ທີ່ມີຊາຍອາຍຸ 42 ປີ ທີ່ຊື່ ແຊມຊັດ-ດິນ ຈັບບາຣ ເປັນຜູ້ຕ້ອງສົງໃສທີ່ຂັບລົດກະບະແລ່ນເຂົ້າຕໍາຄົນແລະໃຊ້ປືນຍິງຕໍ່ສູ້ທີ່ຖະ
ໜົນ ເບີເບີນ ຊຶ່ງເປັນເຂດທີ່ມີສື່ສຽງຂອງ ນີວ ອໍລີນ
ທ່ານ ຄຣິສໂພເຟີ ຈາກຝ່າຍຕໍ່ຕ້ານການກໍ່ການຮ້າຍເອຟບີໄອກ່າວທີ່ງານຖະແຫຼງຂ່າວວ່າ “ ເວລານີ້ເຮົາໝັ້ນໃຈວ່າບໍ່ມີຜູ້ສົມຮູ້ຮ່ວມຄິດ” ຫຼັງຈາກໄດ້ຂໍ້ມູນຈາກການສຳພາດ ແລະ ການກວດສອບການສື່ສານຫຼາຍຮ້ອຍຄັ້ງຂອງຜູ້ກໍ່ເຫດ
ຈັບບາຣ ຊາວອາເມຣິກັນ ຈາກ ລັດ ເທັກຊັສ ເສັຍຊີວິດໃນບ່ອນເກີດເຫດ ຂະນະທີ່ຍີງປືນຕໍ່ສູ້ກັບຕຳຫຼວດ ລາວເຄີຍສັງກັດກອງທັບບົກສະຫະລັດ ຫຼງຈາກນັ້ນລາວກໍ່ສັງກັດໜ່ວຍກຳລັງສຳຮອງຈົນເຖີງບໍ່ພໍເທົ່າໃດປີກ່ອນໜ້ານີ້
ປະທານາທິບໍດີ ທ່ານ ໂຈ ໄບເດັນ ກ່າວວ່າຈິດວິນຍານຂອງເມືອງ ນີວ ອໍ ຈະບໍ່ຍອມພ່າຍແພ້ການໂຈມຕີຄັ້ງນີ້ “ ຄົນທົ່ວໂລກຈຳນວນຫຼາຍຮັກເມືອງ ນີວ ອໍລີນ ເພາວ່າປະຫວັດຂອງເມືອງ ວັດທະນາທໍາຂອງເມືອງ ແລະ ຊາວເມືອງນີວ ອໍລີນ “ ທ່ານ ໂຈ ໄບເດັນ ກ່າວໃນໃນຄືນວັນພຸດຜ່ານມາ
“ຂ້າພະເຈົ້າຮູ້ ເຖີງຄົນນີ້ໄດ້ກໍ່ເຫດການຮ້າຍແຮງກັບເມືອງແຫ່ງນີ້ ຈິດວິນຍານຂອງເມືອງຈະບໍ່ມີວັນຍອມພ່າຍແພ້ມັນຈະສອ່ງສະຫວ່າງຕໍ່ໄປ”
ກ່ອນຄວາມຮຸນແຮງຈະເກີດຂື້ນເມື່ອປະມານເວລາ 03:15 ໂມງ ຂອງວັນພຸດ ຈັບບາຣ ໂພສຄລິບ 5 ຄລິບ ຢູ່ເຟສບຸກຄືນວັນອັງຄານຜ່ານມາ ຊຶ່ງເປັນຄລິບຂອງລາວເອັງທີ່ກຳລັງຂັບລົດຢູ່ແລະເວົ້າຕໍ່ຄອບຄົວຂອງລາວວ່າ
ລາວກ່າວວ່າຕົນຝັກໄຝ່ກຸ່ມລັດອິສລາມ ຫຼື ໄອເອສ ເອຟບີໄອກ່າວວ່າ ຫຼັງການໂຈມຕີພົບທຸງຂອງ ໄອເອສ ຢູ່ໃນລົດກະບະທີ່ ຈັບບາຣ ຂັບ
ທ່ານ ໄຣອາ ແຫ່ງ ເອຟບີໄອ ກ່າວວ່າ “ ນີ້ຄືການກໍ່ການຮ້າຍມັນຖືກວາງແຜນລ່ວງໜ້າ ແລະ ເປັນການກະທໍາທີ່ໂຫດຮ້າຍຫຼາຍ”
ເຈົ້າໜ້າທີ່ ເອຟບີໄອ ກ່າວຕື່ມວ່າ ຈັບບາຣ ວາງແຜນທຳຮ້າຍຍາດພີ່ນ້ອງ ແລະ ໝຸ່ເພື່ອນ ຂອງຕົນເອັງ ແຕ່ຕໍ່ມາກໍ່ລັງເລເພາະບໍ່ແນ່ໃຈວ່າສື່ຈະຕີຄວາມໝາຍໃນລາຍງານຂ່າວຢ່າງໃດ
ທ່ານ ໄຣອາ ກ່າວວ່າ ຈັບບາຣ “ ໄດ້ແຮງບັນດານໃຈຈາກ ກຸ່ມລັດອິສລາມ ຮ້ອຍເປີເຊັນ”
ເຫດການນີ້ເກີດທີ່ສີ່ແຍກຖະໜົນ ແຄເນລ ແລະ ເບີເບີ້ນ ໃນເຂດທີ່ເອີ້ນວ່າ ເຟຣນຄວາເຕິ້ ບໍລິເວນດັ່ງກ່າວເປັນແຫຼ່ງທ່ອງທ່ຽວທີ່ເຕັມໄປດ້ວຍ ບາຣ ແລະ ການຫຼີ້ນດົນຕຣີໂດຍສະເພາະໃນຄໍ່າຄືນສະຫຼອງປີໃໝ່
ຜູ້ກໍ່ເຫດຂັບລົດຕໍາຝູງຊົນຈາກນັ້ນອອກຈາກລົດເພື່ອຍີງປືນໃສ່ເຈົ້າໜ້າທີ່ຕໍາຫຼສດທີ່ເຂົ້າມາຍັງພື້ນທີ່ຕາມຂໍ້ມູນຂອງຕຳຫຼວດ
ໃນການຕໍ່ສູ້ກັບຕຳຫຼວດຜູ້ຕ້ອງສົງໄສຖືກຍິງເສັຍຊີວິດໂດຍຕໍາຫຼວດໄດ້ຮັບບາດເຈັບ 2 ຄົນ ແລະ ຂະນະນີ້ອາການປອດໄພ
ເຈົ້າໜ້າສືບສວນພົົບອາວຸດເພີ່ມຕື່ມແລະອຸປະກອນທີ່ອາດເປັນລະເບີດອີກນຶ່ງຊຸດໃນລົດ ນອກຈາັນ້ນຍັງພົບອຸປະກອນລັກສະນະດຽວກັນໃນສ່ວນອື່ນຂອງເຂດ ເຟຣນຄວາເຕິ້ ນໍາອີກ
ສ່ວນລົດກະບະທີ່ຜູ້ຕ້ອງສົງໃສໃຊ້ນັ້ນເປັນລົດເຊົ່າຕາມຂໍ້ມູນຂອງເອຟບີໄອ
ວາທີ່ປະທານາທິບໍດີ ທ່ານ ດໍໂນລ ທຣໍາ ປະນາມການໂຈມຕີນີ້ຜ່ານໂພສສື່ສັງຄົມອ໋ອນລາຍ Truth Social
“ ໃຈຂ້າພະເຈົ້ານຶກເຖີງເຫຍື່ອຜູ້ບໍລິສຸດທຸກຄົນແລະຄົນອັນເປັນທີ່ຮັກຂອງພວກເຂົາ ທ່ານ ທຣໍາ ກ່າວ ລັດຖະບານ ຂອງ ທ່ານ ດໍໂນລາ ທຣໍາຈະສະໜັບສະໜູນເມືອງ ນີວ ອໍລີນ ເຕັມທີ່ ຂະນະທີ່ມີການສອບສວນ ແລະ ຟື້ນຟູ ຈິດໃຈຈາກກການກະທຳທີ່ໂຫດຮ້າຍຫຍີ່ງຄັ້ງນີ້
ແລະໃນໂພສດຽວກັນ ທ່ານ ດໍໂນລ ທຣໍາ ກ່າວຢ່າງຜິດ ໆ ວ່່ ຜູ້ຕ້ອງສົງໃສເປັນຄົນຕ່າງດ້າວ
ໃນວັນພຸດຜ່ານ ເຈົ້າຄອງລັດ ລຸຍ ເຊຍນາ ທີ່ຕັ້ງຂອງ ເມືອງ ນີວ ອໍລີນ ທ່ານ ເຈຟ ແລນດຣີ ຂໍໃຫ້ປະຊາຊົນຫຼີກລ້ຽງການເດີນທາງໄປບໍລິເວນໄກ້ທີ່ເກີດເຫດ
ໃນອະດີດ ນີວ ອໍລີນ ຜະເຊີນກັບເຫດການຍີງຝູນຊົນແລະຂັບລົດຕໍາໃສ່ຝູງຊົນໃນຂະບວນແຮ່ມາແລ້ວຫຼາຍຄັ້ງ ຫວນຄືນເມື່ອເດືອນພະຈິກປີກາຍນີ້ ມິຜູ້ເສັຍຊີວິດ 2 ຄົນ ແລະ ບາດເຈັບ 10 ຄົນ ໃນເຫດການຍີງຝູງຊົນ 2 ຄັ້ງ ທີ່ເສັ້ນທາງຂະບວນແຫ່ແລະງານສະເຫຼີມສະຫຼອງທີ່ມີຄົນຫຼາຍພັນຄົນຢູ່ທີ່ນັ້ນ.
ຟໍຣັມສະແດງຄວາມຄິດເຫັນ