ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ນັກການເມືອງ ອອສເຕຣເລຍ ປະນາມ ບໍລິສັດ ຂຸດບໍ່ແຮ່ ຈີນ (ວີດີໂອ)


ທ່ານ Clive Palmer ສະມາຊິກຜູ້ແທນສະພາ ແລະມະຫາເສດຖີ ຊຖດບໍ່ແຮ່ ທີ່ເມືອງ Brisbane ປະເທດ Australia.
ທ່ານ Clive Palmer ສະມາຊິກຜູ້ແທນສະພາ ແລະມະຫາເສດຖີ ຊຖດບໍ່ແຮ່ ທີ່ເມືອງ Brisbane ປະເທດ Australia.

ລັດຖະບານອອສ​ເຕຣ​ເລຍ ​ໄດ້​ວາງ​ໂຕ​ຮ່າງ​ອອກ​ຈາກສະມາຊິກ
​ສະພາ​ຜູ້ນຶ່ງ ​ທີ່​ໄດ້​ກ່າວປະນາມ​ ຕໍ່ອັນ​ທີ່​ທ່ານ​ຮ້ອງ​ວ່າ ລູກເຄິ່ງ
ນອກກົດໝາຍ ​ຄອ​ມມິ​ວນິສຈີນ ທີ່​ພະຍາຍາມ​ເຂົ້າຄວບ​ຄຸມ​ເອົາ
​ປະ​ເທດ​ຂອງ​ທ່ານນັ້ນ.

ຄວາມເຫັນດັ່ງກ່າວ ແມ່ນໄດ້​ເວົ້າ​ອອກ​ມາ​ຈາກນັກ​ການ​ເມືອງມະ
ຫາ​ເສດຖີ ທີ່​ກ້າ​ເວົ້າ​ກ້າ​ວ່າ ​ແລະນັກທຸລະກິດ ທີ່ລ້ຳລວຍ ດ້ານ​ບໍ່
ແຮ່ທ່ານ Clive Palmer ​ທີ່ ​ບໍລິ​ສັດ​ຂຸດບໍ່ແຮ່ຂອງທ່ານພວມພົວ
ພັນໂຕ້​ຖຽງ​ທາງດ້ານ​ກົດໝາຍ​ກັບບໍລິສັດລັດວິສາຫະກິດ CITIC
Pacific Mining ຢູ່ນັ້ນ. ບໍລິສັດທັງສອງພວມຂຸດ​ຄົ້ນ​ເອົາ​ແຮ່​ທາດ
​ເຫຼັກກ້າຢູ່ທີ່ອອສ​ເຕຣເລຍ ​ແຕ່​ໄດ້​ມີ​ການ​ປະ​ທະ​ກັນ​ກ່ຽວ​ກັບການ
ຈ່າຍ ສຳປະທານ ​ແລະ​ການ​ປະຕິບັດ​ງານ​ຕ່າງໆ.

ບໍລິສັດ CITIC ​ໄດ້​ກ່າວ​ຫາ ທ່ານ Palmer ວ່າ ລັກລອບ​ເອົາ​ເງິນ 11 ລ້ານ​ໂດ​ລາ ​ເພື່ອ
​ໃຊ້​ຈ່າຍ​ໃນການໂຄສະນາ​ເລືອກ​ຕັ້ງ​ຂອງ​ທ່ານ. ທ່ານ Plamer ​ໄດ້​ປະຕິ​ເສດ​ຕໍ່ການ​ກ່າວ
​ຫານີ້. ຢູ່​ໃນ​ກອງ​ປະຊຸມ​ຖະ​ແຫລ​ງຂ່າວ ທີ່​ອອກ​ອາກາດ​ສົດ ​ຜ່ານ​ໂທລະພາບອອສ​ເຕຣ
​ເລຍ​ໃນ​ຕອນ​ແລງ​ວັນ​ຈັນ​ວານ​ນີ້ ທ່ານ Palmer ອາຍຸ 60 ປີ ກ່າວ​ວ່າ ທ່ານ​ໄດ້​ຍືນຟ້ອງ
​ຄືນ ເອົາ​ເງິນ 465 ລ້ານ​ໂດ​ລາ ທີ່​ທ່ານ​ກ່າວ​ວ່າ ປັກ​ກິ່ງຕິດໜີ້ບໍລິສັດຂອງທ່ານນັ້ນ.

ລັດຖະມົນຕີ ຕ່າງປະ​ເທດ ອອສ​ເຕຣ​ຍ​ເລຍ ທ່ານນາງ Julie ຮ້ອງຄຳ​ເວົ້າ​ຂອງ ທ່ານ
Palmer ວ່າ​ ເປັນ​ການ​ດ່າ​ປະຈານ ທີ່​ບໍ່​ມີ​ຄວາມ​ຈໍາ​ເປັນ ​ແລະ​ເປັນ​ທີ່​ຮັບ​ເອົາ​ບໍ່​ໄດ້ ໂດຍ
ກ່າວ​ວ່າ ບໍ່​ໄດ້​ສະທ້ອນ​ຕໍ່​ແນວ​ຄິດຂອງລັດຖ​ະບານ​ອອສ​ເຕຣ​ເລຍ ຫລືປະຊາ​ຊົນ​ອອສ​
ເຕຣ​ເລຍ ແຕ່ຢ່າງໃດເລີຍ.

AUSTRALIA CHINA SOTVO
please wait
Embed

No media source currently available

0:00 0:00:49 0:00

XS
SM
MD
LG