ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ບໍ່​ຖ່ານ​ຫີນ​ແຫ່ງ​ນຶ່ງ​ໃນ ອອ​ສ​ເຕ​ຣ​ເລຍ ກຳ​ລັງ​ຕໍ່​ສູ້​ກັບ​ໄຟ​ທີ່​ໄໝ້​ມາ​ໄດ້ 3 ວັນ​ແລ້ວ


ແຜນ​ທີ່​ຂອງ​ທີ່​ຕັ້ງ​ບໍ່​ຖ່ານ​ຫີນ Grosvenor ຂອງ​ບໍ​ລິ​ສັດ Anglo American, ໃນ​ລັດ ຄວີນ​ສ​ແລນ, ອອ​ສ​ເຕ​ຣ​ເລຍ.
ແຜນ​ທີ່​ຂອງ​ທີ່​ຕັ້ງ​ບໍ່​ຖ່ານ​ຫີນ Grosvenor ຂອງ​ບໍ​ລິ​ສັດ Anglo American, ໃນ​ລັດ ຄວີນ​ສ​ແລນ, ອອ​ສ​ເຕ​ຣ​ເລຍ.

ບໍ່​ຖ່າ​ນ​ຫີນ​ທີ່​ສຳ​ຄັນ​ແຫ່ງ​ນຶ່ງ​ໃນ ອອ​ສ​ເຕ​ຣ​ເລຍ ໄດ້​ຕໍ່​ສູ້​ເພື່ອມອດ​ໄຟ​ຈາກ​ແກັ​ສ​ທີ່​ຢູ່​ໃຕ້​ດິນ​ໃນ​ວັນ​ພຸດມື້ນີ້ ເຊິ່ງ​ໄດ້​ໄໝ້​ມາ​ເປັນ​ເວ​ລາ​ສາມ​ວັນ​ແລ້ວ ລຸນຫຼັງເກີດ “ເຫດ​ການ​ເຜົາ​ໄໝ້.”

ໄຟ​ດັ່ງ​ກ່າວ​ໄດ້​ລຸກ​ຂຶ້ນ​ໃນ​ວັນ​ເສົາ​ທີ່​ຜ່ານ​ມາ ເວ​ລາ​ທີ່​ແກັ​ສ​ໄດ້​ໄໝ້​ຢູ່ບໍ່​ຖ່ານ​ຫີນ Grosvenor ຂອງ​ບໍ​ລິ​ສັດ Anglo American ໃນ​ລັດ ຄວີນ​ສ​ແລນ ທາ​ງ​ພາກ​ຕາ​ເວັນ​ອອກ​ຂອງ​ປະ​ເທດ, ໂດຍ​ບັງ​ຄັບ​ໃຫ້​ກຳ​ມະ​ກອນ​ທຸກ​ຄົນ​ຕ້ອງ​ອົບ​ພະ​ຍົບ​ອອກ​ມາ ແລະ ຢຸດ​ການ​ຜະ​ລິດ.

ໂຄ​ສົກ​ຍິງ​ສຳ​ລັບ​ບໍ​ລິ​ສັດ Anglo American ກ່າວ​ວ່າ “ໄຟ​ຍັງ​ຄົງ​ເຜົາ​ໄໝ້​ຢູ່ ແລະ ພວກ​ເຮົາ​ແມ່ນ​ກຳ​ລັງ​ເຮັດ​ວຽກ​ເພື່ອ​ປິດ​ທໍ່​ລະ​ບາຍ​ດ້ວຍ​ການ​ໃຊ້ຫຼາຍ​ວິ​ທີ.”

“ແຕ່​ພວກ​ເຮົາ​ແມ່ນ​ໃກ້​ຈະ​ຄວບ​ຄຸມ​ໄດ້ຫຼາຍ​ແລ້ວ.”

ບໍ​ລິ​ສັດ Anglo American ໄດ້​ກ່າວ​ວ່າ​ເຂົາ​ເຈົ້າ​ກຳ​ລັງ​ເຮັດ​ວຽກ​ກັບ​ບັນ​ດາ​ເຈົ້າ​ໜ້າ​ທີ່​ສາ​ທາ​ລະ​ນະ​ສຸກ ແລະ ຄວາມ​ປອດ​ໄພ​ຂອງ​ລັດ ກ່ຽວ​ກັບ ບາດ​ກ້າວ​ຕໍ່​ໄປ ເພື່ອ​ຮັບ​ປະ​ກັນ “ການ​ເລີ່ມ​ຕົ້ນ​ໃໝ່​ທີ່​ປອດ​ໄພ” ຢູ່ບໍ່​ຖ່ານ​ຫີນ​ນັ້ນ, ເຊິ່ງ​ວ່າ​ຈ້າງ​ປະ​ມານ 1,400 ຄົນ.

ເຂົາ​ເຈົ້າ​ໄດ້​ກ່າວ​ໃນ​ການ​ໃຫ້​ຂໍ້​ມູນ​ໃໝ່​ກ່ອນ​ໜ້ານີ້​ວ່າ “ການ​ເປີດ​ຄືນ​ແມ່ນ​ເບິ່ງ​ຄື​ວ່າ​ຈະ​ໃຊ້ “ເວ​ລາຫຼາຍ​ເດືອນ ຍ້ອນ​ຜົນ​ຂອງ​ຄວາມ​ເສຍ​ຫາຍ​ທີ່​ອາ​ດ​ເປັນ​ໄປ​ໄດ້​ຢູ່​ພື້ນ​ດິນ.”

ກຸ່ມ​ດັ່ງ​ກ່າວ​ເວົ້າ​ວ່າ ຄຸນ​ນະ​ພາບ​ອາ​ກາດ​ແມ່ນບໍ່​ໄດ້​ຖືກ​ກະ​ທົບ.

ເຂົາ​ເຈົ້າ​ກ່າວ​ວ່າ “ບັນ​ດາ​ຜູ້​ຊ່ຽວ​ຊານ​ດ້ານ​ສຸ​ຂະ​ພາບ​ພາຍນອກ​ໄດ້​ຮັບ​ປະ​ກັນ​ຕໍ່​ພວກ​ເຮົາ​ອີກ​ຄັ້ງ​ວ່າ, ອີງ​ຕາມ​ຂໍ້​ມູນ​ໃນ​ປັດ​ຈຸ​ບັນ​ທີ່​ເຂົາ​ເຈົ້າ​ມີ, ມັນ​ບໍ່​ໄດ້​ມີ​ຜົນ​ກະ​ທົບ​ຕໍ່​ສຸ​ຂະ​ພາບ​ໃນ​ຊຸມ​ຊົນ.”

ບໍ​ລິ​ສັດ Anglo American ກ່າວ​ວ່າ ໄຟ​ໄດ້​ເລີ່ມ​ຂຶ້ນ​ເວ​ລາ​ທີ່ “ການ​ເຜົາ​ໄໝ້​ຢູ່​ກັບ​ທີ່” ໄດ້​ເກີດ​ຂຶ້ນ​ຢູ່​ສະ​ຖານ​ທີ່ ບ່ອນ​ທີ່​ຖ່ານ​ຫີນ​ຖືກ​ຕັດ​ເປັນ​ທ່ອນ​ຍາວໆ​ຢູ່​ຕາມ​ຝາທີ່ກວ້າງ​ຂວາງຂອງບໍ່​ຖ່ານ​ຫີນ.

ສິ່ງນີ້​ໄດ້​ກໍ່​ໃຫ້​ເກີດ “ເຫດ​ການ​ເຜົາ​ໄໝ້​ຢູ່​ໃຕ້​ດິນ.”

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

XS
SM
MD
LG