ລາຍງານສື່ມວນຊົນຂອງອອສເຕຣເລຍ ໄດ້ເຊື່ອມໂຍງອະດີດຫົວໜ້າທະນາຄານແຫ່ງຊາດ
ຫວຽດນາມໃສ່ກັບຂ່າວນອງນັນກ່ຽວກັບການໃຫ້ສິນບົນມາເປັນເວລາດົນນານທີ່ພົວພັນກັບ
ບໍລິສັດພິມທະນະບັດຂອງອອສເຕຣເລຍນັ້ນ.
ລາຍງານຕ່າງໆ ທີ່ມີຂຶ້ນໃນໜັງສືພິມອອສເຕຣເລຍຫລາຍສະບັບແລະໃນໜັງສືພິມ Finan-
cial Times ໃນອັງກິດໃນສັບປະດານີ້ ກ່າວຫາວ່າ ບໍລິສັດດັ່ງກ່າວໄດ້ເອົາເງິນຈາກກອງ
ທຶນລັບພິເສດ ໄປໃຊ້ສໍາລັບການສຶກສາໃນອັງກິດໃຫ້ລູກຊາຍຂອງທ່ານ Le Duc Thuy
ຊຶ່ງເປັນອະດີດຫົວໜ້າທະນາຄານແຫ່ງຊາດຫວຽດນາມນັ້ນ.
ເພື່ອເປັນການຕອບແທນນັ້ນ ທ່ານ Thuy ໄດ້ອະນຸມັດສັນຍາຈ້າງຕ່າງໆເປັນມູນຄ່າຫລາຍ
ສິບລ້ານໂດລາໃຫ້ບໍລິສັດອອສເຕຣເລຍດັ່ງກ່າວ ທີ່ສະໜອງສານເຄມີໃຫ້ສໍາລັບພິມທະນະ
ບັດນັ້ນ.
ທ່ານ Thuy ເຄີຍເປັນຫົວໜ້າທະນາຄານແຫ່ງຊາດຫວຽດນາມແຕ່ປີ 1999 ຫາ 2007
ແລະຍັງມີອິດທິພົນຊັກຈູງຢູ່ ໃນຖານະເປັນປະທານຄະນະກໍາມາທິການດູແລ ການເງິນແຫ່ງຊາດນັ້ນ.
