ອອສເຕລຍກ່າວວ່າ ຕົນຈະຈ່າຍເງິນໃຫ້ ກຳປູເຈຍ 35 ລ້ານ
ໂດລາ ອັນເປັນພາກສ່ວນນຶ່ງ ຂອງຂໍ້ຕົກລົງທີ່ກຳລັງຈະມີຂຶ້ນ
ຊຶ່ງຈະມີການສົ່ງພວກອົບພະຍົບ ໃຫ້ເຂົ້າໄປຕັ້ງຖິ່ນຖານ ຢູ່
ໃນປະເທດທີ່ທຸກຈົນ ໃນເອເຊຍອາຄະເນແຫ່ງນີ້.
ລັດຖະມົນຕີກວດຄົນເຂົ້າເມືອງ ຂອງອອສເຕຣເລຍ ທ່ານ
Scott Morrison ຜູ້ທີ່ມີກຳນົດຈະເຊັນຂໍ້ຕົກລົງດັ່ງກ່າວໃນ
ວັນສຸກມື້ນີ້ຢູ່ນະຄອນພະນົມເປັນ ກ່າວວ່າ ຈະບໍ່ມີຈຳນວນ
ຈຳກັດ ກ່ຽວພັບພວກອົບພະຍົບ ທີ່ຈະສົ່ງໄປກຳປູເຈຍ.
ທ່ານ Morrison ກ່າວຕໍ່ສື່ມ່ວນຊົນທ້ອງຖິ່ນວ່າ ມີແຕ່ພວກທີ່
ຢູ່ໃນບ່ອນຖືກກັກຂັງທີ່ເກາະ Nauru ຊຶ່ງເປັນເກາະນ້ອຍໆໃນມະຫາສະມຸດປາຊິຟິກເທົ່າ
ນັ້ນ ຈະ ໄປຕັ້ງຕັ້ງຖິ່ນຖານຢູ່ ກຳປູເຈຍໃນຂັ້ນຕົ້ນ. ທ່ານກ່າວວ່າ ພວກອົບພະຍົບຊຸດທຳອິດອາດຈະຖືກສົ່ງໄປ ໃນທ້າຍປີນີ້.
ໃນວັນພະຫັດວານນີ້ ທ່ານ Morrison ຢືນຢັດວ່າ ໂຄງການນີ້ຈະ “ເປັນການອາສາສະ
ມັກເທົ່ານັ້ນ” ໂດຍປະຕິຍານວ່າ ມີແຕ່ບັນດາຜູ້ເຕັມໃຈເທົ່ານັ້ນ ຈະຖືກສົ່ງໄປກຳປູເຈຍ.
ທ່ານກ່າວວ່າ ຈະມີການສະໜອງພວກອົບພະຍົບດ້ວຍການສະໜັບສະໜຸນເພື່ອ ໃຫ້ເຂົາ
ເຈົ້າ “ກຸ້ມຕົນເອງໄດ້ໄວເທົ່າທີ່ຈະໄວໄດ້."
ລັດຖະມົນຕີ ກະຊວງພາຍໃນ ກຳປູເຈຍ ທ່ານ Sar Kheng ກ່າວໃນວັນພະ ຫັດວານນີ້
ວ່າກຳປູເຈຍຈະຮັບເອົາ “ອົບພະຍົບ ສີ່ ຫລື ຫ້າຄົນ ເທົ່ານັ້ນ ເພື່ອເປັນການທົດລອງ”
ໃນອະນາຄົດອັນໃກ້ໆນີ້ ແຕ່ບໍ່ໄດ້ໃຫ້ລາຍລະອຽດເພີ້ມເຕີມ.
ບັນດາກຸ່ມປົກປ້ອງສິດທິມະນຸດ ໄດ້ຕຳໜິຕິຕຽນຕໍ່ຂໍ້ຕົກລົງນີ້ວ່າໄຮ້ມະນຸດສະທຳ ໂດຍ
ກ່າວວ່າ ກຳປູເຈຍ ເປັນປະເທດນຶ່ງທີ່ທຸກຍາກທີ່ສຸດໃນໂລກ ຊຶ່ງບໍ່ເຕັມໃຈ ຫລືບໍ່ມີຄວາມ
ສາມາດ ທີ່ຈະເບິ່ງແຍງອົບພະຍົບເຫຼົ່ານີ້ ໄດ້ຢ່າງເໝາະສົມ.
