ນາຍົກລັດຖະມົນຕີອອສເຕຣເລຍ ທ່ານ Tony Abbot ກ່າວວ່າ
ການບຸກເຂົ້າໄປກວດຄົ້ນ ຕໍ່ຕ້ານການກໍ່ການຮ້າຍຄັ້ງໃຫຍ່ ໃນວັນ
ພະຫັດມື້ນີ້ໄດ້ມີຂຶ້ນ ຍ້ອນບຸກຄົນສຳຄັນຜູ້ນຶ່ງ ໃນກຸ່ມລັດອິສລາມ
ໄດ້ສັ່ງໃຫ້ມີ “ການ ສັງຫານຕ່າງໆ ເພື່ອເປັນການສະແດງ”
ໃນອອສເຕຣເລຍນັ້ນ.
ນາຍົກລັດຖະມົນຕີ Tony Abbot ກ່າວວ່າ ຄຳສັ່ງນີ້ມາຈາກຄົນອອສເຕຣເລຍຄົນນຶ່ງ ທີ່ປາກົດວ່າ ເປັນສະມາຊິກຂັ້ນອາວຸໂສຂອງກຸ່ມຫົວຮຸນແຮງຈັດດັ່ງກ່າວທີ່ຄວບຄຸມພາກ
ສ່ວນໃຫຍ່ໆຂອງຊີເຣຍແລະອີຣັກ.
ອອສເຕຣເລຍ ຈັບ 15 ຄົນ ທີ່ວາງແຜນ ກໍ່ການຮ້າຍ
ທ່ານ Abbot ກ່າວວ່າ “ອັນນັ້ນແມ່ນຂ່າວລັບ ທີ່ພວກເຮົາໄດ້ຮັບ. ຄຳສັ່ງເຫຼົ່ານີ້ ເປັນຄຳສັ່ງໂດຍກົງແທ້ໆ ມາຈາກຄົນອອສເຕຣເລຍຄົນນຶ່ງທີ່ປາກົດວ່າ ເປັນສະມາຊິກຂັ້ນອາວຸໂສໃນກຸ່ມ ISIL ໄປຍັງເຄືອຂ່າຍຕ່າງໆ ທີ່ໃຫ້ການສະໜັບ
ສະໜຸນພວກເຂົາ ໃນອອສເຕຣເລຍເພື່ອໃຫ້ທຳການສັງຫານແບບສະແດງດັ່ງກ່າວໃນປະເທດນີ້ ດັ່ງນັ້ນມັນບໍ່ແມ່ນພຽງເປັນການສົງໄສຊື່ໆ ແຕ່ມັນເປັນ
ຄວາມຕັ້ງໃຈ ແລະແລະດ້ວຍເຫດນີ້ ເປັນຫຍັງຕຳຫຼວດແລະພວກອົງການຮັກ
ສາຄວາມປອດໄພຈຶ່ງໄດ້ຕັດສິນໃຈທຳການເຄື່ອນໄຫວເຊັ່ນນີ້.”
ສື່ມວນຊົນອອສເຕຣເລຍ ກ່າວວ່າ ເອກະສານຕ່າງໆຂອງສານຈະເປີດເຜີຍໃຫ້ຊາບໃນ
ວັນພະຫັດມື້ນີ້ວ່າພວກຫົວຮຸນແຮງໄດ້ວາງແຜນທີ່ຈະ ລັກພາໂຕຄົນອອສເຕຣເລຍເພື່ອຮຽກເອົ່າຄ່າໄຖ່ ໂດຍຈະຫໍ່ຜູ້ເຄາະຮ້າຍດ້ວຍທຸງຂອງກຸ່ມລັດອິສລາມ ແລະຕັດຫົວຜູ້ກ່ຽວ.
ທ່ານ Andrew Scipione ຫົວໜ້າຕຳຫລວດລັດ New South Wales ໄດ້ຢືນຢັນວ່າ ການໂຈມຕີກຳນົດຈະມີຂຶ້ນຕໍ່ເຈົ້າໜ້າທີ່ “ໃນລະດັບສູງ” ຄົນນຶ່ງ ຢູ່ຕາມຖະໜົນ.
ການເຜີຍແບຂ່າວດັ່ງກ່າວມີຂຶ້ນ ຫຼັງຈາກພວກເຈົ້າໜ້າທີ່ຕຳຫຼວດອອສເຕຣເລຍປະມານ 800 ຄົນໄດ້ບຸກເຂົ້າໄປກວດຄົ້ນ ໃນຕອນເຊົ້າມືດມື້ນີ້ ໃນນະຄອນຊິດນີ ,Brisbane ແລະ Logan ໂດຍທຳການຈັບກຸມ 15 ຄົນ.
