ລິ້ງ ສຳຫລັບເຂົ້າຫາ

ເກີດຝົນຕົກໜັກແລະນໍ້າຖ້ວມສຸ ໃນພາກໃຕ້ ອອສເຕຣເລຍ

  • ໄພສານ ວໍຣະຈັກ

ຫໍສະມຸດແຫ່ງນຶ່ງທີ່ເມືອງ Cardwell ໄດ້ຮັບຄວາມເສຍຫາຍ ຈາກລົມພາຍຸໄຊໂຄລນ Yasi (4 ກຸມພາ 2011)

ລົມພາຍຸໄຊໂຄລນ Yasi ຊຶ່ງໄດ້ພັດເຂົ້າຖະຫຼົ່ມເຂດພາກ
ຕາເວັນອອກສຽງເໜືອຂອງອອສເຕຣເລຍ ໃນວັນສຸກວານ
ນີ້ໄດ້ກາຍເປັນລົມພາຍຸຄວາມກົດດັນອາກາດຕໍ່າເຂດຮ້ອນ
ເຄື່ອນລົງໄປທາງໃຕ້ ທີ່ໄດ້ພາໃຫ້ເກີດຝົນຕົກໜັກແລະນໍ້າ
ຖ້ວມສຸຢູ່ໃນເຂດນະຄອນ Melbourne.

ພະແນກອຸຕຸນິຍົມຂອງອອສເຕຣເລຍກ່າວວ່າ ມີຝົນຕົກ
ໜັກແທກໄດ້ ຫຼາຍກວ່າ 175 ມິລລີແມັດຢູ່ໃນບາງບໍລິ
ເວນຂອງນະຄອນ Melbourne ຫົວເມືອງໃຫຍ່ອັນດັບ
2 ຂອງອອສເຕຣເລຍ ຂະນະທີ່ລົມແຮງ ໄດ້ເຮັດໃຫ້ຕົ້ນ
ໄມ້ແລະເສົາໄຟຟ້າຈຳນວນນຶ່ງຫັກ.

ເຈົ້າໜ້າທີ່ໃນເມືອງຫລວງຂອງລັດ Queensland ທີ່ຢູ່ຫ່າງ
ຈາກເຂດທີ່ປະສົບໄພ 2 ພັນຫຼັກກິໂລແມັດຂຶ້ນໄປທາງເໜືອ
ກ່າວວ່າ ປະຊາຄົມໃນເຂດແຄມທະເລທີ່ເມືອງ Cardwell,
Tully ແລະ Mission Beach ໄດ້ຮັບຜົນກະທົບຮ້າຍ
ແຮງສຸດຈາກລົມພາຍຸໄຊໂຄລນ Yasi ຊຶ່ງໄດ້ພັດຂຶ້ນຝັ່ງໃນຕອນເຊົ້າຂອງວັນພະຫັດ ດ້ວຍ
ລົມທີ່ມີຄວາມແຮງເຖິງ 300 ກິໂລແມັດຕໍ່ຊົ່ວໂມງ.

XS
SM
MD
LG