ລິ້ງ ສຳຫລັບເຂົ້າຫາ

ວັນເສົາ, ໑໓ ເມສາ ໒໐໒໔

ສາຍການບິນ Qantas ຍັງບໍ່ຂຶ້ນບິນ ເປັນມື້ທີສອງ


ເຄົາເຕີ້ຂອງສາຍການບິນ Qantas ຂອງອອສເຕຣເລຍ ບໍ່ມີຄົນ ຍ້ອນເຮືອບິນບໍ່ຂຶ້ນບິນບໍລິການ, ວັນທີ 29 ຕຸລາ 2011.
ເຄົາເຕີ້ຂອງສາຍການບິນ Qantas ຂອງອອສເຕຣເລຍ ບໍ່ມີຄົນ ຍ້ອນເຮືອບິນບໍ່ຂຶ້ນບິນບໍລິການ, ວັນທີ 29 ຕຸລາ 2011.

ຍົນຂອງສາຍການບິນ Qantas Airways ຂອງອອສເຕຣເລຍຍັງບໍ່​ຂຶ້ນບິນ ເປັນມື້ທີ່ສອງ
ໃນວັນອາທິດມື້ນີ້ ສົ່ງຜົນໃຫ້ຜູ້ໂດຍສານຫລາຍໝື່ນຄົນໃນທົ່ວໂລກ ຕົກຄ້າງໄປໃສມາໃສ
ບໍ່ໄດ້.

ພວກເຈົ້າໜ້າທີ່ສາຍການບິນ Qantas ແລະພວກກໍາມະບານ​ທີ່ຕາງໜ້າຄົນງານ
ຕະຫລອດ​ທັງພວກຜູ້ນໍາວົງການລັດຖະບານແລະທຸລະກິດ ໄດ້ໄປປາກົດຕົວຕໍ່ໜ້າສານ
ແຮງງານ ແຕ່ກໍຍັງບໍ່ໄດ້ບັນລຸຂໍ້​ແກ້​ໄຂ​ໃດໆ​ຕໍ່​ການ ຂັດແຍ້ງກັນດ້ານແຮງງານນີ້ເທື່ອ.

ທ່ານນາງ Julia Gillard ນາຍົກລັດຖະມົນຕີອອສເຕຣເລຍ ກ່າວເມື່ອວັນເສົາວານນີ້ວ່າ
ທ່ານນາງໄດ້ຮ້ອງຂໍ ໃຫ້ອົງ​ກອນຄວບຄຸມການອຸດສາຫະກໍາຂອງປະເທດ​ເຂົ້າມາພົວພັນ
ເພື່ອຫາທາງຍຸຕິການນັດຢຸດງານຕິດ​ຕໍ່​ກັນມາຫລາຍບັ້ນ ທີ່ຍັງດໍາເນີນໄປຢູ່ໃນເວລານີ້.
ທ່ານນາງກ່າວວ່າ ທີ່ທ່ານນາງຕັດສິນໃຈເຄື່ອນໄຫວ​ແບບນີ້ ກໍ​ຍ້ອນ​ວ່າການຂັດແຍ້ງກັນທີ່
ນັບມື້ນັບຮ້າຍ​ແຮງຂື້ນໄປນັ້ນ ອາດສາມາດສົ່ງຜົນກະທົບຢ່າງໃຫຍ່ຫລວງຕໍ່ເສດຖະກິດໄດ້.

ທ່ານ Alan Joyce ຫົວໜ້າບໍລິຫານສາຍການບິນ Qantas ໄດ້ສັ່ງຫ້າມຍົນສາຍການ
ບິນQantas ທັງໝົດ ຂຶ້ນ​ບິນ​ໃນ​ວັນ​ເສົາ​ວານ​ນີ້ ຍ້ອນການນັດຢຸດງານດັ່ງກ່າວ ໂດຍ
ປະກາດວ່າພວກພະນັກງານນັດຢຸດງານທັງໝົດ ແມ່ນຈະບໍ່​ໄດ້​ຮັບ​ອະນຸຍາດ​ໃຫ້​ເຂົ້າ​ບໍລິ
ສັດ ເລິ່ມຕົ້ນໃນຕອນແລງວັນຈັນ ມື້ອື່ນນີ້.

ສາຍການບິນ Qantas ພະຍາຍາມ​ຈະ​ຫາ​ທາງ​ຍຸດຕິ​ການ​ຕໍ່ສູ້​ທີ່​ຍືດ​ເຍື້ອມາ ກັບ​ພວກ​ກໍາ
ມະບານ ກ່ຽວ​ກັບ​ບັນຫາ​ຄ່າ​ຈ້າງ ສະພາບ​ການ​ໃນ​ທີ່​ທໍາ​ງານ ​ແລະ​ແຜນການ​ຈະ​ຈັດ​ຕັ້ງ​
ສາຍການບິນ​ໃໝ່​ຂຶ້ນ​ໃນ​ເອ​ເຊຍ.

XS
SM
MD
LG