ນາຍົກລັດຖະມົນຕີແມ່ຍິງຄົນທຳອິດຂອງອອສເຕຣເລຍ
ໄດ້ສາບານໂຕເຂົ້າຮັບ ໜ້າທີ່ໃນມື້ນີ້ ຊຶ່ງທ່ານນາງເວົ້າວ່າ
ທ່ານນາງສະມັກເຂົ້າແຂ່ງຂັນເອົາຕຳແໜ່ງນີ້ ກໍຍ້ອນວ່າ
ລັດຖະບານທີ່ດີກຳລັງຈະສູນເສຍທິດທາງ.
ທ່ານນາງ JULIA GILLARD ໃຫ້ທັດສະນະດັ່ງກ່າວ
ໃນວັນພະຫັດມື້ນີ້ ຫຼັງ ຈາກພັກແຮງງານຊຶ່ງເປັນພັກ
ລັດຖະບານຂອງອອສເຕຣເລຍ ໄດ້ລົງຄະແນນສຽງ
ເລືອກເອົາທ່ານນາງເປັນຫົວໜ້າຂອງຕົນ ແທນນາຍົກ
ລັດຖະມົນຕີ KEVIN RUDD. ທະນາຍຄວາມໄວ 48 ປີ ຈາກລັດ WALES ຊຶ່ງເປັນ
ຮອງນາຍົກ ລັດຖະມົນຕີ ພາຍໃຕ້ທ່ານ RUDD ນັ້ນ ໄດ້ສາບານໂຕເຂົ້າຮັບຕຳແໜ່ງ
ໃນ ເວລາບໍ່ດົນຕໍ່ມາ.
ທ່ານນາງ GILLARD ໄດ້ຮັບການສະໜັບສະໜຸນຈາກສະມາຊິກສະພາ ຂອງພັກ
ແຮງງານ ຂະນະທີ່ຄະແນນນິຍົມຂອງທ່ານ RUDD ໄດ້ຫຼຸດລົງໃນ ການຢັ່ງຫາງ
ສຽງຫຼາຍຄັ້ງເມື່ອໄວໆມານີ້ ຊຶ່ງເປັນອັນຕະລາຍຕໍ່ໂອກາດທີ່ພັກ ແຮງງານ ຈະໄດ້
ເຂົ້າກຳອຳນາດຕໍ່ໄປ ໃນການເລືອກຕັ້ງສະພາແຫ່ງຊາດ ໃນ ເດືອນຕຸລາຈະມາເຖິງນີ້.
