ນາຍົກລັດຖະມົນຕີອອສເຕຣເລຍ ທ່ານນາງ Julia Gillard ໄດ້ປະກາດ ໃນວັນຈັນມື້ນີ້ວ່າການວຸ້ນວາຍທາງການເມືອງນັ້ນ ໄດ້ສິ້ນສຸດລົງແລ້ວ ຫຼັງຈາກທີ່ຍາດ ໄດ້ໄຊຊະນະໃນການເລືອກຕັ້ງເອົາຜູ້ນໍາພັກຢ່າງງ່າຍດາຍ ຈາກຄູ່ແຂ່ງ ທ່ານ Kevin Rudd ຜູ້ທີ່ທ່ານນາງໄດ້ໂຄ່ນລົ້ມຈາກຕໍາແໜ່ງນາຍົກລັດຖະມົນຕີໃນປີ 2010.
ສື່ມວນຊົນລາຍງານວ່າ ທ່ານນາງ Gillard ຊຶ່ງເປັນນາຍົກລັດຖະມົນຕີແມ່ຍິງຄົນທໍາອິດຂອງອອສເຕຣເລຍ ໄດ້ຊະນະທ່ານ Rudd ຢ່າງຂາດຮອຍ ໂດຍໄດ້ຮັບຄະແນນສຽງ 71 ຕໍ່ 31 ໃນການລົງຄະແນນສຽງແບບລັບໆໂດຍພວກຜູ້ແທນສະພາແຫ່ງຊາດ ທີ່ສັງກັດພັກແຮງງານຂອງລັດຖະບານນັ້ນ.
ທ່ານ Rudd ໄດ້ຮັບປາກໃນອາທິດແລ້ວນີ້ວ່າ ຖ້າຫາກທ່ານບໍ່ຖືກເລືອກ ທ່ານຈະບໍ່ທ້າທາຍຕໍ່ການນໍາພາຂອງທ່ານນາງ Gillard ອີກ ກ່ອນການເລືອກຕັ້ງຄັ້ງຕໍ່ໄປ.
ທ່ານນາງ Gillard ໄດ້ຮຽກໃຫ້ມີການລົງຄະແນນສຽງ ໃນວັນພະຫັດແລ້ວນີ້ ໃນຄວາມພະຍາ
ຍາມເພື່ອຍຸດຕິທ່ານ Rudd ບໍ່ໃຫ້ກັບຄືນມາແຂ່ງຂັນເອົາຕໍາແໜ່ງຜູ້ນໍາອີກ ຫຼັງຈາກທີ່ທ່ານໄດ້
ລາອອກຈາກການເປັນລັດຖະມົນຕີການຕ່າງປະເທດ ນຶ່ງມື້ກ່ອນໜ້ານັ້ນ.
