ລິ້ງ ສຳຫລັບເຂົ້າຫາ

ອອສເຕຣເລຍ ຈັບຊາຍຄົນນຶ່ງ ທີ່ສົ່ງເງິນໃຫ້ ຜູ້ກໍ່ການຮ້າຍ ໃນ ຊີເຣຍ


ແຜນທີ່ປະເທດອອສເຕຣເລຍ

ຕຳຫລວດ​ອອສ​ເຕຣ​ເລຍ ​ໄດ້​ຈັບ​ກຸມ​ຊາຍຄົນ​ໜຶ່ງ ທີ່ເຂົາ​ເຈົ້າ​
ເວົ້າວ່າ ​ພະຍາຍາມ​ສົ່ງ​ເງິນ​ໃຫ້​ແກ່​ພົນລະ​ເມືອງ​ອາ​ເມຣິກັນ​ຄົນ​ໜຶ່ງ
ທີ່ເຂົາເຈົ້າ ເຊື່ອ​ວ່າ​ ພວມທຳການສູ້ລົບ​ໃຫ້ແກ່ພວກ​ອິສລາມ​ຫົວ​ຮຸນ
​ແຮງ ຢູ່​ໃນຊີ​ເຣຍ.

ຜູ້​ຊາຍ​ໄວ 23 ປີ ທີ່ບໍ່​ໄດ້​ລະບຸ​ຊື່ຄົນດັ່ງກ່າວຖືກ​ຈັບ​ກຸມ​ເມື່ອ​ວັນ​
ອັງຄານ​ມື້​ນີ້ ​ໃນລະຫວ່າງ​ການ​ບຸກເຂົ້າໄປກວດຄົ້ນ​ເຮືອນ ​ຫຼາຍຫຼັງ
ຢູ່ນະຄອນ Melbourne ທາງ​ພາກໃຕ້ຂອງ​ປະ​ເທດ.

ຮອງຜູ້​ບັນຊາ​ການ​ຕຳຫຼວດ​ລັດຖະບານກາງອອສ​ເຕຣ​ເລຍ ທ່ານ Neil Gaughan ກ່າວ​ວ່າ ຜູ້​ຕ້ອງ​ສົງ​ໄສ​ດັ່ງກ່າວ ພະຍາຍາມ ທີ່​ຈະ​ໂອນ​ເງິນ ຈຳນວນ 10,500 ດອນ​ລາ ​ໄປໃຫ້​ຊາຍ​ຊາວອາ​ເມຣິກັນ​ທີ່​ພວມ ສູ້ລົບ​ຢູ່ໃນ​ຊີ​ເຣຍ.

ທ່ານ Gaughan ​ເວົ້າວ່າ “ຂ້າພະ​ເຈົ້າສາມາດ​ຢືນຢັນ​ໄດ້​ວ່າ ຊາຍ​ໄວ 23 ປີ ຈາກ​
ເມືອງ Seabrook ຄົນນີ້ ຈະ​ຖືກ​ຟ້ອງ​ໃນ​ຂໍ້​ຫາ ຕັ້ງອົກ​ຕັ້ງ​ໃຈ​ສະໜອງ​ເງິ​ນສະໜັບ
ສະ​ໜຸນ​ໃຫ້​ແກ່​ອົງການ​ກໍ່​ການ​ຮ້າຍ ທັງໆທີ່ຮູ້​ດີ​ວ່າ​ ​ອົງການນັ້ນເປັນອົງການ​ກໍ່​ການ​
ຮ້າຍ.”

ຕຳຫລວດ​ເຊື່ອ​ວ່າ​ຜູ້​ຕ້ອງ​ສົງ​ໄສ ​ແມ່ນ​ປະຕິບັດ​ງານ​ຕາມ​ລຳພັງ ​ແລະ ບໍ່​ໄດ້​ສະ​ແດງ​ໃຫ້​ເຫັນ​ວ່າ​ ເປັນ​ໄພ​ຂົ່ມຂູ່​ ຕໍ່​ມວນ​ຊົນແຕ່​ຢ່າງ​ໃດ.

​ເຂົາ​ເຈົ້າຍັງ​ກ່າວ​ວ່າ ຜູ້​ກ່ຽວ​ບໍ່​ໄດ້ມີ​ສ່ວນກ່ຽວ​ພັນ ກັບ​ຜູ້​ຕ້ອງ​ສົງ​ໄສ​ກໍ່​ການ​ຮ້າຍ ​ທີ່​ຖືກ​ຕຳຫລວດ​ຍິງ​ຕາຍ ໃນ​ອາທິດ​ແລ້ວນີ້ ຢູ່​ທີ່​ນະຄອນ Melbourne ນັ້ນ.

XS
SM
MD
LG