ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

ອອສເຕຣເລຍ ແລະ ລີທົວເນຍ ສາມັກຄີກັນ ໃນການຕອບໂຕ້ຕໍ່ການກົດດັນຂອງຈີນ


ລັດຖະມົນຕີການຕ່າງປະເທດຂອງອອສເຕຣເລຍ ທ່ານນາງ ມາຣີສ ເພນນ໌, ຂວາ, ແລະຄູ່ຮ່ວມຕຳແໜ່ງຂອງລີທົວເນຍ ທ່ານເກບຣີລີອຸສ ແລນສ໌ເບີກິສ ໄດ້ຈັດກອງປະຊຸມຖະແຫລງຂ່າວຮ່ວມກັນ ຢູ່ສະພາຕ່ຳໃນນະຄອນຫຼວງ ແຄນເບີຣາ ຂອງອອສເຕຣເລຍ, ໃນວັນພຸດ ທີ 9 ກຸມພາ 2022. (Lukas Coch/AAP Image via AP)

ລັດຖະມົນຕີການຕ່າງປະເທດຂອງອອສເຕຣເລຍ ແລະລີທົວເນຍ ໄດ້ຕົກລົງເຫັນດີນຳກັນ ໃນວັນພຸດມື້ນີ້ ທີ່ຈະເພີ້ມທະວີການຮ່ວມມືໃນຄວາມທ້າທາຍທາງຍຸດທະສາດຕ່າງໆ ໂດຍສະເພາະໃນການກົດດັນຈາກຈີນນັ້ນ ອີງຕາມລາຍງານຂອງອົງການຂ່າວເອພີ.

ລັດຖະມົນຕີການຕ່າງປະເທດຂອງລີທົວເນຍ ທ່ານເກບຣີລີອຸສ ແລນສ໌ເບີກິສ (Gabrielius Landsbergis) ແລະຄູ່ຮ່ວມຕຳແໜ່ງຈາກອອສເຕຣເລຍ ທ່ານນາງ ມາຣີສ ເພນນ໌ (Marise Payne) ໄດ້ພົບປະກັນໃນວັນພຸດມື້ນີ້ ຢູ່ທີ່ສະພາຕ່ຳຂອງອອສເຕຣເລຍ.

ບັນດາຜູ້ສົ່ງອອກສິນຄ້າຂອງອອສເຕຣເລຍ ໄດ້ສູນເສຍເງິນຫຼາຍສິບພັນລ້ານໂດລາ ຍ້ອນກຳແພງການຄ້າທີ່ເປັນທາງການແລະບໍ່ເປັນທາງການຂອງຈີນ ທີ່ລວມມີ ຖ່ານຫີນ ເຫຼົ້າແວັງ ຊີ້ນງົວ ກຸ້ງນ້ຳຈືດ ຫຼື crayfish ແລະເຂົ້າບາຣເລ ​ຊຶ່ງ​ບັງເອີນ​ມີ​ຂຶ້ນ​ໃນ​ຂະ​ນະ​ທີ່ສາຍສຳພັນພວມຊຸດໂຊມລົງກັບປັກກິ່ງ.

ລີທົວເນຍ ປະເທດນຶ່ງທີ່ມີປະຊາກອນ 2 ລ້ານ 8 ແສນຄົນຢູ່ໃນຂົງເຂດທະເລບາລຕິກ ຊຶ່ງບໍ່ດົນມານີ້ ໄດ້ດຶງດູດຄວາມຄຽດແຄ້ນຈາກປັກກິ່ງ ຫຼັງຈາກທີ່ເຊົາປະຕິບັດຕາມທຳນຽມທາງການທູດ ໂດຍການເຫັນດີ ທີ່ວ່າ ສຳນັກງານຂອງໄຕ້ຫວັນ ຢູ່ໃນນະຄອນຫຼວງ ວີລນຽສ ຂອງຕົນນັ້ນ ຈະໃຊ້ຊື່ໄຕ້ຫວັນ ແທນຊື່ ຈີນໄທເປ ທີ່ເປັນຄຳສັບໄດ້ຖືກນຳໃຊ້ໂດຍປະເທດອື່ນໆ ເພື່ອຫລີກເວັ້ນການເຮັດໃຫ້ປັກກິ່ງບໍ່ພໍໃຈ.

ທ່ານແລນສ໌ເບີກິສ ໄດ້ກ່າວວ່າ “ເປັນເວລາໄລຍະນຶ່ງແລ້ວ ອອສເຕຣເລຍ ອາດເປັນນຶ່ງໃນແບບຢ່າງຫຼັກ ທີ່ຈີນນຳໃຊ້ເສດຖະກິດ ແລະການຄ້າເປັນເຄື່ອງມືທາງການເມືອງ ຫຼື ຜູ້ໃດນຶ່ງອາດເວົ້າໄດ້ວ່າ ເປັນອາວຸດທາງການເມືອງ.”

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG