ສາຍການບິນ Qantas ຂອງອອສເຕຣເລຍໄດ້ສັ່ງໃຫ້
ເຮືອບິນແອຣ໌ບັສທັງໝົດ 6 ລຳຂອງຕົນຢຸດເຊົາບິນຫຼັງ
ຈາກໄດ້ເກີດບັນຫາເລື່ອງເຄື່ອງຈັກ ທີ່ໄດ້ບັງຄັບໃຫ້ເຮືອ
ບິນແອຣ໌ບັສລຳນຶ່ງລົງຈອດສຸກເສີນ ທີ່ສິງກະໂປໃນວັນ
ພະຫັດມື້ນີ້.
ເຮືອບິນແອຣ໌ບັສ ລຸ່ນ A-380 ຊຶ່ງເປັນເຮືອບິນໂດຍ
ສານທີ່ໃຫຍ່ທີ່ສຸດໃນໂລກໄດ້ຖືກບັງຄັບໃຫ້ບິນກັບຄືນ
ໄປຍັງສິງກະໂປຫຼັງຈາກນຶ່ງໃນຈຳນວນ 4 ເຄື່ອງຈັກ
ຂອງເຮືອບິນໄດ້ຢຸດແລ່ນບໍ່ດົນຫຼັງຈາກໄດ້ບິນຂຶ້ນໃນ
ຖ້ຽວບິນໄປຍັງນະຄອນຊິດນີ. ສາຍການບິນ Qantas
ເວົ້າວ່າ ບໍ່ມີຜູ້ໃດໄດ້ຮັບບາດເຈັບໃນຈຳນວນຜູ້ໂດຍສານ ທັງໝົດ 459 ຄົນ.
ພວກຜູ້ໂດຍສານເວົ້າວ່າ ຕົນໄດ້ຍິນສຽງດັງລະເບີດ
ຢ່າງແຮງ ຫຼັງຈາກນັ້ນກໍເຫັນແປວໄຟພຸ່ງອອກຈາກ
ເຄື່ອງຈັກທີ່ໄດ້ຮັບຄວາມເສຍຫາຍ. ຮູບພາບຂອງເຮືອບິນຫຼັງຈາກລົງຈອດ ສະແດງໃຫ້ເຫັນ
ວ່າ ມີຮອຍໄໝ້ແລະຄວັນສີດຳຍັງຕິດຢູ່ກັບເຄື່ອງຈັກ ທີ່ແຜ່ນເຫລັກປົກຄຸມຂ້າງນອກສ່ວນນື່ງ ໄດ້ຫລຸດອອກໄປ ຫລັງຈາກການລະເບີດນັ້ນ.
ຫົວໜ້າບໍລິຫານຂອງບໍລິສັດ Qantas ທ່ານ Alan Joyce ກ່າວຕໍ່ພວກນັກຂ່າວທີ່ນະ
ຄອນຊິດນີວ່າ ທາງສາຍການບິນຈະສັ່ງໃຫ້ຖ້ຽວບິນທັງໝົດທີ່ໃຊ້ເຮືອບິນແອຣ໌ບັສ A-380
ໂຈະບິນເປັນການຊົ່ວຄາວຈົນກວ່າມີຄວາມໝັ້ນໃຈວ່າຕົນມີຂໍ້ມູນທັງໝົດທີ່ຫາໄດ້ ກ່ຽວກັບ
ອຸບັດຕິເຫດໃນຄັ້ງນີ້.
