ສະພາສູງ ອອສເຕຣເລຍ ໄດ້ຜ່ານຮ່າງກົດໝາຍຫ້າມເຍົາວະຊົນຕໍ່າກ່ວາ 16 ປີ ໃຊ້ ສື່ສັງຄົມອ໋ອນລາຍເມື່ອວັນພະຫັດວານນິ້ີ້ ແລະເຮັດໃຫ້ ອອສເຕຣເລຍ ເປັນປະເທດທໍາອິດໃນໂລກທີ່ຈັດທຳກົດໝາຍຫ້າມເຍົາວະຊົນອາຍຸຕໍ່າກ່ວາ 16 ປີໃຊ້ສື່ສັງຄົມອອນລາຍ.
ອົງການຂ່າວເອພີລາຍງານວ່າສະພາສູງ ອອສເຕຣເລຍ ມີມະຕິ 34 ຕໍ່ 9 ສຽງ ສະໜັບສະໜູນຮ່າງກົດໝາຍດັ່ງກ່າວພາຍຫລັງຈາກເມື່ອວັນພຸດທີ່ຜ່ານມາສະມາຊິກສະພາຕ່ຳຂອງອອສເຕຣເລຍ ມີມະຕິສະໜັບສະໜູນຮ່າງກົດ ໝາຍນີ້ຢ່າງຂາດລອຍທີ່ 102 ຕໍ່ 13 ສຽງ.
ໃນວັນສຸກມື້ນີ້ສະພາຕ່ຳ ອອສເຕຣເລຍ ມີກຳນົດລົງມະຕິສ່ວນແກ້ໄຂໃນຮ່າງກົດ ໝາຍເພີ່ມຕື່ມເຊິ່ງເປັນໜຶ່ງໃນຂະບວນການກ່ອນຜ່ານຮ່າງກົດໝາຍຢ່າງສົມບູນ ທັງສອງສະພາ ໂດຍສ່ວນແກ້ໄຂນັ້ນມີລາຍລະອຽດເລື່ອງການປົກປ້ອງຄວາມ ເປັນສ່ວນຕົວຂອງຜູ້ໃຊ້ທີ່ຫ້າມແພລດຟອມສື່ສັງຄົມອ໋ອນລາຍຂໍເອກະສານທີ່ ລັດຖະບານເປັນຜູ້ອອກໃຫ້ຫລືຂໍການຢືນຢັນຕົວຕົນແບບດິຈີຕອລຜ່ານລະບົບ
ຂອງລັດຖະບານໃນທຸກຮູບແບບ.
ພາຍໃຕ້ຮ່າງກົດໝາຍຄວາມຄຸມການໃຊ້ສື່ສັງຄົມອ໋ອນລາຍກັບເຍົາວະຊົນ ອອສເຕຣເລຍ ຈະເຮັດໃຫ້ແພລດຟອມສື່ສັງຄົມອ໋ອນລາຍທັງຕິກຕ໋ອກ, ສແນບ ແຊັດ, ເຣດດິທ, ເອັກສ໌ ແລະ ອິນສຕາແກຣມ. ປະເຊີນກັບຄ່າປັບໄໝສູງສຸດ 50 ລ້ານໂດລາອອສເຕຣເລຍ ຫຼືປະມານກວ່າ 32 ລ້ານໂດລາສະຫະລັດ ຖ້າບໍ່ປະ ສົບຜົນສຳເລັດໃນການປ້ອງກັນເດັກ ແລະເຍົາວະຊົນ ອອສເຕຣເລຍ ທີ່ອາຍຸຕໍ່າ ກ່ວາ 16 ປີ ໃນການເຂົ້າເຖິງຫລືມີບັນຊີສື່ສັງຄົມອ໋ອນລາຍເຫລົ່າ ນີ້ໂດຍລັດຖະບານ ອອສເຕຣເລຍ ຂີດເສັ້ນຕາຍພາຍໃນ 1 ປີ ທີ່ແພລດຟອມ ສື່ສັງຄົມອ໋ອນລາຍຈະຈັດທຳມາດຕະການຕ່າງໆ ອອກມາ.
ບໍລິສັດສື່ສັງຄົມອ໋ອນລາຍໄດ້ສະແດງຄວາມກັງວົນວ່າກົດໝາຍດັ່ງກ່າວຈະບໍ່ສາມາດບັງຄັບໃຊ້ໄດ້ແລະຮຽກຮ້ອງໃຫ້ສະພາສູງ ອອສເຕຣເລຍ ເລື່ອນການພິຈາ ລະນາ ຮ່າງກົດໝາຍໄປຢ່າງໜ້ອຍໃນເດືອນມິຖຸນາປີໜ້າ ເພື່ອໃຫ້ໜ່ວຍ ງານດ້ານເທັກ ໂນໂລຢີຂອງລັດຖະບານທີ່ເບິ່ງແຍງເລື່ອງການປະເມີນອາຍຸ ຂອງຜູ້ໃຊ້ສື່ສັງຄົມອ໋ອນ ລາຍອອກລາຍງານຢ່າງເປັນທາງການ ທີ່ກຳນົດ ຊ່ວງອາຍຸເທົ່າໃດທີ່ຄວນຫ້າມໃຊ້ສື່ສັງຄົມອ໋ອນລາຍ.
ຜູ້ວິຈານຮ່າງກົດໝາຍນີ້ສະແດງຄວມກັງວົນວ່າການຫ້າມໃຊ້ສື່ສັງຄົມອ໋ອນລາຍກັບເດັກແລະເຍົາວະຊົນອາຍຸຕໍ່າກ່ວາ 16 ປີ ຈະກະທົບເລື່ອງຄວາມເປັນສ່ວນ ຕົວຂອງຜູ້ໃຊ້ງານທີ່ເດັກກຸ່ມນີ້ອາດຈະລະບຸວ່າຕົນອາຍຸຫລາຍກ່ວາ 16 ປີ ເພື່ອໃຫ້ມີບັນຊີສື່ສັງຄົມອ໋ອນລາຍຫລືອາດເຮັດໃຫ້ເຍົາວະຊົນຫັນໄປໃຊ້ເວັບເຖື່ອນຫລືຊ່ອງທາງການສື່ສານອື່ນໆ ທີ່ເປັນອັນຕະລາຍຕໍ່ພວກເຂົາຫລາຍ ກວ່າເກົ່າລວມເຖິງການຜັກດັນກົດໝາຍທີ່ໄວເກີນໄປໃນສະພາເຊິ່ງບໍ່ໄດ້ພິຈາລະ ນາຜົນກະທົບກັບຜູ້ໃຊ້ທຸກກຸ່ມ.
ສ່ວນຝ່າຍສະໜັບສະໜູນຮ່າງກົດໝາຍນີ້ເຫັນວ່າເປັນປະໂຫຍດຕໍ່ສະຫວັດດີ ພາບແລະສຸຂະພາບຈິດຂອງເດັກແລະເຍົາວະຊົນແລະຖືວ່າເປັນໜ້າທີ່ຂອງ ບໍລິສັດສື່ສັງຄົມອ໋ອນລາຍທີ່ຕ້ອງເຂົ້າມາດູແລໃນເລື່ອງນີ້ຫລາຍກ່ວາເອົາໃຈ ໃສ່ເລື່ອງຜົນກຳໄລຂອງອົງກອນ.
ຟໍຣັມສະແດງຄວາມຄິດເຫັນ