ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ອອສເຕຣເລຍເກັບພາສີ ປົວແປງຜົນກະທົບ ຈາກໄພນໍ້າຖວ້ມ


ຜູ້ຊາຍຄົນນຶ່ງ ຢຶນເບິ່ງລົດ ທີ່ຈອດໃນຖະໜົນທີ່ຖືກນໍ້າຖ້ວມ ຢູ່ເຂດ Breakfast Creek ຊານເມືອງຂອງນະຄອນ Brisbane (12 ມັງກອນ 2011)
ຜູ້ຊາຍຄົນນຶ່ງ ຢຶນເບິ່ງລົດ ທີ່ຈອດໃນຖະໜົນທີ່ຖືກນໍ້າຖ້ວມ ຢູ່ເຂດ Breakfast Creek ຊານເມືອງຂອງນະຄອນ Brisbane (12 ມັງກອນ 2011)

ນາຍົກລັດຖະມົນຕີອອສເຕຣເລຍທ່ານນາງ Julia Gillard
ໄດ້ປະກາດກ່ຽວກັບການເກັບພາສີໃໝ່ເພື່ອ​ເອົາ​ໄປ​ເປັນ​ທຶນ
ຊ່ອຍ​ໃນການບູລະນະສ້າງສາປະເທດຊາດຈາກໄພນໍ້າຖ້ວມ
ຮ້າຍແຮງນັ້ນ ໃນການເຄື່ອນໄຫວທີ່ຈະເປັນການທົດສອບ
ຄວາມໝັ້ນຄົງຂອງ​ພັກຂອງທ່ານນາງ ໃນຖານະເປັນ​ພັກ​ທີ່
ມີສຽງສ່ວນຫຼາຍ ແຕ່ພຽງໜ້ອຍດຽວເທົ່ານັ້ນ ຢູ່ໃນສະພາ
ແຫ່ງຊາດ.

ທ່ານນາງ Gillard ກ່າວໃນວັນພະຫັດມື້ນີ້ວ່າ ທ່ານນາງບໍ່
ມີຄວາມສົງໄສໃດໆເລີຍວ່າ ຊາວອອສເຕຣເລຍສ່ວນໃຫຍ່
ແມ່ນພ້ອມແລ້ວທີ່ຈະໃຫ້ເງິນຊ່ອຍເຫຼືອ ໃນການດຳເນີນຄວາມພະຍາຍາມ ເພື່ອບູລະນະ
ສ້າງສາປະເທດຊາດຄືນໃໝ່ ຊຶ່ງຄາດວ່າລັດຖະບານຕ້ອງໄດ້ໃຊ້ຈ່າຍເງິນຫຼາຍກວ່າ 5 ພັນ
ລ້ານໂດລານັ້ນ. ການເກັບພາສີລາຍໄດ ້ເປັນເວລານຶ່ງປີທີ່ວ່ານີ້ຈະມີຜົນບັງຄັບ ສະເພາະ
ແຕ່ພວກທີ່ມີລາຍໄດ້ຫຼາຍກວ່າ 50,000 ໂດລາຕໍ່ປີທໍ່ນັ້ນ.

ແຕ່ແນວໃດກໍຕາມ ມາດຕະການດັ່ງກ່າວ ຈຳເປັນຈະຕ້ອງໄດ້ຮັບການອະນຸມັດ ຈາກສະພາ
ແຫ່ງຊາດ ບ່ອນທີ່ພັກແຮງງານຂອງທ່ານນາງ Gillard ຕ້ອງໄດ້ຮັບການສະໜັບສະໜຸນ ຈາກສະມາຊິກນິຍົມແນວທາງເດີມຫົວອິດສະຫຼະ 3 ຄົນ ແລະສະມາຊິກຄົນນຶ່ງ ຈາກພັກນິ
ຍົມສະພາບແວດລ້ອມ Green Party ທີ່ອຽງຊ້າຍນັ້ນ ຈຶ່ງຈະຢູ່ລອດໄດ້.

XS
SM
MD
LG