ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ເກີດໄພນໍ້າຖ້ວມຮ້າຍແຮງ ຢູ່ອອສເຕຣເລຍ


ຮູບຖ່າຍທາງອາກາດ ທີ່ສະແດງໃຫ້ເຫັນນໍ້າໄດ້ຖ້ວມເຮືອນຊານ ທີ່ເມືອງ Emerald ລັດ Queensland ປະມານ 900 ກິໂລແມັດ ຫ່າງຈາກເມືອງ Brisbane ທາງຕາເວັນຕົກສຽງເໜືອ (31 ທັນວາ 2010)
ຮູບຖ່າຍທາງອາກາດ ທີ່ສະແດງໃຫ້ເຫັນນໍ້າໄດ້ຖ້ວມເຮືອນຊານ ທີ່ເມືອງ Emerald ລັດ Queensland ປະມານ 900 ກິໂລແມັດ ຫ່າງຈາກເມືອງ Brisbane ທາງຕາເວັນຕົກສຽງເໜືອ (31 ທັນວາ 2010)

ເຈົ້າໜ້າທີ່ອອສເຕຣເລຍກ່າວໃນວັນສຸກມື້ນີ້ວ່າມີຫຼາຍກວ່າ
200,000 ຄົນ ໄດ້ຮັບຜົນກະທົບຈາກໄພນໍ້າຖ້ວມ ທີ່ລັດ
Queensland ໃນພາກຕາເວັນອອກສຽງເໜືອ ຂອງປະ
ເທດ ຊຶ່ງໃນເວລານີ້ເຮັດໃຫ້ບໍລິເວນທີ່ເກີດນໍ້າຖ້ວມ ມີພື້ນ
ທີ່ໃຫຍ່ກວ່າປະເທດຝຣັ່ງ ແລະເຢຍຣະມັນຮວມກັນ.

ນາຍົກລັດຖະມົນຕີອອສເຕຣເລຍທ່ານນາງ Julia Gillard
ໄດ້ເດີນທາງໄປຢ້ຽມຢາມເມືອງ Bundaberg ຊຶ່ງເປັນຫົວ
ເມືອງ ທີ່ປະສົບກັບຄວາມເສຍຫາຍຮ້າຍແຮງໃນວັນສຸກມື້ນີ້
ແລະກ່າວວ່າ ມັນຍັງເປັນການຍາກທີ່ຈະບອກໄດ້ວ່າ ຈະມີ
ຄວາມຕ້ອງການເງິນຈາກລັດຖະບານກາງຫຼາຍປານໃດເພື່ອຈະຊ່ອຍໃຫ້ເຂດດັ່ງກ່າວຟື້ນ
ໂຕຄືນຍ້ອນວ່າຂອບເຂດຂອງຄວາມເສຍຫາຍຈາກໄພທຳມະຊາດໃນຄັ້ງນີ້ ຍັງບໍ່ທັນເປັນ
ທີ່ຮູ້ກັນຢ່າງຄົບຖ້ວນເທື່ອ.

ນາຍົກລັດຖະມົນຕີຂອງລັດ Queensland ທ່ານນາງ Ana Bligh ກ່າວຕໍ່ພວກນັກຂ່າວ
ໃນວັນພະຫັດວານນີ້ວ່າ ອາດຈະໃຊ້ເວລາຢ່າງນ້ອຍ 10 ມື້ ລະດັບນໍ້າທີ່ຖ້ວມຈຶ່ງຈະຫຼຸດລົງ. ທ່ານນາງເວົ້າວ່າໄພນໍ້າຖ້ວມຮ້າຍແຮງ ແບບບໍ່ເຄີຍມີມາກ່ອນໃນເທື່ອນີ້ ຈະສ້າງຄວາມເສຍ
ຫາຍ ໃຫ້ແກ່ລັດຖະບານແລະບໍລິສັດປະກັນໄພ ໃນມູນຄ່າ ຫຼາຍພັນລ້ານໂດລາ.

XS
SM
MD
LG