ຕໍາຫລວດອອສເຕຣເລຍໄດ້ຄົ້ນພົບຊາກກະດູກຂອງແມ່ຍິງໄວຊະລາຄົນນຶ່ງທີ່ປາກົດວ່າໄດ້
ເສຍຊີວິດໄປຢູ່ໃນເຮືອນຂອງລາວເອງໃນເວລາດົນເຖິງ 8 ປີຜ່ານມາແລ້ວ.
ທ່ານ Zoran Dzevlan ຜູ້ຮັກສາການຫົວໜ້າຕໍາຫລວດຂອງອອສເຕຣເລຍກ່າວໃນວັນພຸດ
ມື້ນີ້ວ່າ ໄດ້ມີການເຂົ້າກວດຄົ້ນໃນເຮືອນຂອງແມ່ຍິງວັຍຊະລາຄົນນີ້ ຫລັງຈາກຕໍາຫລວດໄດ້
ຮັບໂທລະສັບຈາກນ້ອງໄພ້ຂອງແມ່ຍິງຄົນນີ້ ຊຶ່ງທ່ານກ່າວຕໍ່ໄປວ່າ ແມ່ຍິງ 2 ຄົນນີ້ບໍ່ໄດ້ໂອ້
ລົມກັນມາຕັ້ງແຕ່ເກີດຜິດຖຽງກັນໃນປີ 2003 ນັ້ນ.
ທ່ານ Dzevlan ກ່າວວ່າ ບໍ່ມີຜູ້ໃດຢູ່ໃນຄຸ້ມນັ້ນເຂົ້າໄປຖາມຫາແມ່ຍິງຄົນນີ້ ຊຶ່ງຈະມີອາຍຸ
87 ປີໃນເດືອນໜ້ານີ້ຖ້າລາວຍັງບໍ່ທັນເສຍຊີວິດເທື່ອນັ້ນ. ຫ້ອງການປະຊາສົງເຄາະຂອງ
ລັດຖະບານກໍໄດ້ສືບຕໍ່ສົ່ງເງິນເຂົ້າໄປຝາກໄວ້ໃນບັນຊີຂອງນາງຢູ່ຕໍ່ມາ ຊຶ່ງບັນຊີເງິນຂອງ
ນາງກໍຍັງບໍ່ມີໃຜແຕະຕ້ອງເທື່ອ.
ໃນໄລຍະຫລາຍປີຜ່ານມາ ພວກນໍ້າໄຟຂອງເຮືອນຫລັງນີ້ກໍໄດ້ຖືກຕັດ ແລະໜັງສືທີ່ສົ່ງມາ
ຫານາງກໍໄດ້ສົ່ງໄປຍັງທີ່ຢູ່ບ່ອນອື່ນ.
ທ່ານ Dzevlan ກ່າວວ່າ ເຫດການດັ່ງກ່າວນີ້ໄດ້ເປັນສິ່ງຕັກເຕືອນພວກຊາວບ້ານຊາວ
ເມືອງຄວນຈະຕິດຕາມເບິ່ງເພື່ອນບ້ານໃກ້ຄຽງຂອງຕົນ ໂດຍສະເພາະພວກໄວຊະລານັ້ນ.
