ລິ້ງ ສຳຫລັບເຂົ້າຫາ

ຈ່າສານຊາວອອສເຕຣເລຍຄົນນຶ່ງ ໄດ້ກັກຊັບສິນທີ່ໄດ້ມາຈາກການຂາຍ ປື້ມເລຶ່ອງນຶ່ງ ທີ່ຂຽນໂດຍ ອະດີດນັກໂທດອ່າວກວນຕານະໂມ David Hicks ກ່ຽວກັບປະສົບການ ຂອງເຂົາ ​ໃນ​ລະຫວ່າງ​ທີ່​ຖືກຄຸມຂັງຢູ່ສູນກັກຂັງພວກກໍ່ການຮ້າຍຂອງສະຫະລັດ.

ລັດຖະບານອອສ​ເຕຣ​ເ​ລຍພະຍາຍາມຫາທາງຈະຍຶດກໍາໄລຈາກ ປື້​ມຊີວະປະວັດຂອງນາຍ
Hicks ພາຍໃຕ້ກົດໝາຍທີ່ຫ້າມບໍ່ໃຫ້ພວກນັກໂທດອາຊະຍາກໍາທັງຫລາຍຫາຜົນກໍາໄລ ຈາກອາຊະຍາກໍາພວກເຂົາກໍ່​ຂຶ້ນ ໂຮມທັງຂໍ້ຕົກລົງເລຶ່ອງຂຽນປື້ມ ແລະສ້າງຮູບ​ເງົາ. ແຕ່
ທະນາຍຄວາມຂອງນາຍ Hicks ກ່າວວ່າ ກົດໝາຍ​ໃຊ້​ບໍ່​ໄດ້ກັບກໍລະນີຂອງນາຍ Hicks
ເພາະວ່ານາຍຮິກສ໌ ໄດ້ຍອມຮັບຜິດຕໍ່ໜ້າຄະນະກໍາມະການສານທະຫານຂອງ​ສະຫະລັດ
ຊຶ່ງພວກເຂົາເຈົ້າກ່າວວ່າ ນັ້ນບໍ່ຖືກຕ້ອງຕາມກົດໝາຍ.

ຈ່າສານ Peter Garling ຈາກ New South Wales ໄດ້ອອກຄໍາສັ່ງ​ໃຫ້​ອາ​ຍັດສອງ
ຊັບສິນທີ່ກ່ຽວພັນກັບປື້ມເລຶ່ອງ Guantanamo, My Journey ຂອງ​ນາຍ​ຮິ​ກສ໌ນັ້ນໄວ້

ພວກທີ່ສະໜັບສະໜຸນນາຍຮິກ ໄດ້ເຕົ້າໂຮມກັນຢູ່ນອກຕຶກສານໃນເມືອງ Sidney ເພື່ອປະ ທ້ວງການກັກຊິບສິນດັ່ງກ່າວ ຫລາຍໆຄົນກໍຖືປື້ມອັດຊີວະປະວັດ. ທ່ານ David Shoebridge ແຫ່ງ Greens Party ໄດ້ ກ່າວຫາພວກເຈົ້າໜ້າທີ່ອອສເຕຣເລຍຂອງການ ໃຊ້ກໍລະນີນີ້ ເພື່ອນຕັກ ເຕືອນປະຊາຊົນບໍ່ໃຫ້ອອກປາກອອກສຽງຕໍ່ຕ້ານ ລັດຖະບານ.

XS
SM
MD
LG