ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອອສເຕຣເລຍບໍ່ແນ່ໃຈ ກ່ຽວກັບມຽນມາ


ທ່ານ Kevin Rudd ລັດຖະມົນຕີຕ່າງປະເທດ ແລະອະດີດນາຍົກ ລັດຖະມົນຕີ ອອສເຕຣເລຍ
ທ່ານ Kevin Rudd ລັດຖະມົນຕີຕ່າງປະເທດ ແລະອະດີດນາຍົກ ລັດຖະມົນຕີ ອອສເຕຣເລຍ

ທ່ານ Kevin Rudd ລັດຖະມົນ​ຕີ​ຕ່າງປະ​ເທດ​ອອສ​ເຕຣ​ເລຍ​ກ່າວ​ວ່າ ທ່ານ​ມີ​ຄວາມ​ສົງ​ໄສ​ຫລາຍ​ທີ່​ສຸດ​ ກ່ຽວ​ກັບ​ການ​ເລືອກ​ຕັ້ງ​ໃນ​ມຽນມາ​ທີ່ ຈະ​ມີ​ຂຶ້ນ​ໃນ​ໄວໆ​ນີ້ ອັນ​ເປັນ​ການ​ເລືອກ​ຕັ້ງ​ຄັ້ງ​ທໍາ​ອິດ​ໃນ​ປະ​ເທດ​ດັ່ງກ່າວ ໃນ​ຮອບ 2 ທົດ​ສະ​ວັດ​ຜ່ານ​ມາ.

ໃນ​ຖະ​ແຫລ​ງການ​ທີ່ນໍາ​ອອກ​ເປີດ​ເຜີຍ​ໃນ​ວັນ​ອາທິດ​ມື້​ນີ້ ທ່ານ Kevin Rudd ຊຶ່ງ​ເປັນ​ອະ
ດີດ​ນາຍົກລັດຖະມົນຕີອອສ​ເຕຣ​ເລຍ ກ່າວ​ວ່າ ການ​ເລືອກ​ຕັ້ງ​ກໍາລັງ​ດໍາ​ເນີນ​ໄປ​ພາຍ​ໃຕ້​
ກົດໝາຍ​ການ​ເລືອກ​ຕັ້ງ​ທີ່​ບໍ່​ຍຸຕິ​ທໍາທີ່​ວາງ​ຂໍ້​ຈໍາກັດ​ຮັດ​ແຄບ​ຢ່າງ​ເຂັ້ມ​ງວດ ຕໍ່​ພັກ​ການ​ເມືອງ
ຕ່າງໆ​.

ທ່ານ​ພັນ​ກິ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ ​ໄດ້​ພົບ​ປະ​ກັບນາ ຍົກລັດຖະມົນຕີ
Thein Sein ຂອງ​ມຽນມາ​ ທີ່​ຫວຽດນາມ ​ແລະໄດ້​ຮຽກຮ້ອງ​ໃຫ້​ທ່ານ​ຮັບປະກັນ​ໃຫ້ການ
ເລືອກ​ຕັ້ງ​ດໍາ​ເນີນ​ໄປ​ຢ່າງໂປ່​ງ​ໃສ ​ແລະ​ຮວມ​ເອົາ​ທຸກ​ພັກ​ຝ່າຍ ໃນ​ປະ​ເທດ​ທີ່​ປົກຄອງໂດຍ
ທະຫານ​ນັ້ນ.

ຖະ​ແຫລ​ງການຈາກ​ສະຫະ​ປະຊາ​ຊາດເວົ້າວ່າ ​ທ່ານເລຂາທິການ​ໃຫຍ່​ ຍັງ​ໄດ້​ເນ້ນ​ເຖິງ​ຄໍາ​ຮຽກຮ້ອງ​ຂອງ​ທ່ານ​ ທີ່ຢາກໃຫ້​ມີ​ການ​ປ່ອຍ​ໂຕ​ພວກ​ນັກ​ໂທ​ດການ​ເມືອງ​ທັງ​ໝົດ​ ແລະ​ໃຫ້​ຍົກ​ເລີກ​ຂໍ້​ຈໍາກັດ​ຮັດ​ແຄບ​ຕ່າງໆ​ຕໍ່​ທ່ານ​ນາງອອງຊານ​ຊູ​ຈີ ຜູ້​ສົ່ງ​ເສີມ​ລະບອບ​ປະຊາທິປະ​ໄຕ​ໃນ​ມຽນມາ​ທີ່ກໍາລັງຖືກ​ກັກ​ບໍລິ​ເວນ ​ໃຫ້ຢູ່​ແຕ່ໃນບ້ານ​ເຮືອນ​ຢູ່​ນັ້ນ.

ທ່ານ Nyan Win ລັດຖະມົນຕີ​ຕ່າງປະ​ເທດ​ມຽນມາ ​ໄດ້ກ່າວຫວ່າງ ໄວໆມາ​ນີ້​ວ່າ ທ່ານ​ນາງ​ອອງຊານ​ຊູ​ຈີ​ອາດ​ຈະ​ຖືກ​ປ່ອຍໃຫ້ເປັນອິດ​ສະ ລະ​ ບໍ່​ດົນຫລັງ​ຈາກ​ການ​ປ່ອນ​ບັດ​ເລືອກ​ຕັ້ງ​ໃນ​ວັນທີ 7 ພະຈິກ ​ເດືອນ​ໜ້າ​ນີ້​.

ລັດຖະບານ​ມຽນມາ​ບໍ່​ຍອມ​ອະນຸຍາດ​ໃຫ້​ພວກ​ນັກ​ສັງ​ເກດ​ການ​ເລືອກ​ຕັ້ງ ຫລື​ສື່​ມວນ​ຊົນ
ຕ່າງປະ​ເທດ ​ເຂົ້າ​ໄປ​ໃນ​ປະ​ເທດ​ເພື່ອ​ໄປ​ຕິດຕາມ​ເບິ່ງ ການເລືອກຕັ້ງ ຊຶ່ງ​ໄດ້​ຖືກ​ຕໍາ​ໜິຕິ
ຕຽນວ່າ​ເປັນ​ການເລືອກ​ຕັ້ງ​ແບບ​ຈອມ​ປອມ ທີ່​ມີ​ວັດຖຸ​ປະສົງ​ເພື່ອເຮັດ​ໃຫ້​ການ​ປົກຄອງ
ຂອງ​ທະຫານ​ ມີ​ໂສມ​ໜ້າພົນລະ​ເຮືອນນັ້ນ.

XS
SM
MD
LG