ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ພວກ​ຂໍ​ລີ້​ໄພ ຢູ່ອອສເຕຣເລຍ ຍັງສືບຕໍ່ປະທ້ວງ ທີ່ສູນກັກຂັງ ໃນເກາະ Manus


ພາບຈາກວີດີໂອ ຂອງ ວັນທີ 31 ຕຸລາ 2017 ຂອງບໍລິສັດ ກະຈາຍສຽງອອສເຕຣເລຍ ທີ່ສະແດງໃຫ້ເຫັນ ເຖິງການ
ປະທ້ວງ ທີ່ສັ່ງໃຫ້ປິດສູນກັກຂັງລົງ ໃນເກາະ Manus ປະເທດ Paua New Guinea.
ພາບຈາກວີດີໂອ ຂອງ ວັນທີ 31 ຕຸລາ 2017 ຂອງບໍລິສັດ ກະຈາຍສຽງອອສເຕຣເລຍ ທີ່ສະແດງໃຫ້ເຫັນ ເຖິງການ ປະທ້ວງ ທີ່ສັ່ງໃຫ້ປິດສູນກັກຂັງລົງ ໃນເກາະ Manus ປະເທດ Paua New Guinea.

​ສະຖານະ​ການ​ແມ່ນຍັງ​ຊຸດໂຊມລົງຕື່ມ ​ຢູ່ທີ່​ອະດີດສູນ​ກັກ​ຂັງ​ພວກ​ອົບ​ພະຍົບ ​
ໃນ Papua New Guinea ບ່ອນ​ທີ່ພວກ​ຂໍ​ລີ້​ໄພຫລາຍ​ກວ່າ 600 ຄົນ ຍັງສືບຕໍ່
ພາກັນປະທ້ວງ​ຢູ່​ໃນ​ທີ່​ນັ້ນ ​ເປັນ​ມື້​ທີ 3 ​ແລ້ວ ​ຊຶ່ງເປັນສະຖານະ​ການ​ ທີ່​ອົງການ​
ສະຫະ​ປະຊາ​ຊາດເອີ້ນ​ວ່າ “ເຫດສຸກ​ເສີນ​ທາງ​ດ້ານ​ມະນຸດສະທຳທີ່ກຳລັງເກີດຂຶ້ນ.”

​ໄຟຟ້າ​ແລະ​ນ້ຳ​ໃຊ້ ​ໄດ້​ຖືກ​ຕັດ​ແລ້ວ ​ຢູ່ທີ່ສູນໃນເກາະ Manus ນັບ​ຕັ້ງ​ແຕ່​ວັນ
​ອັງຄານ​ຜ່ານ​ມາ​ ເວລາສູນດັ່ງກ່າວ​ໄດ້​ຖືກ​ປິດ​ລົງ​ຢ່າງ​ເປັນ​ທາງ​ການ ​ແລະ​ຍົກ​ໃຫ້ຢູ່ພາຍໃຕ້ການຄວບ​ຄຸມ​ດູ​ແລ​ຂອງ​ທາງ​ທະຫານ Papua New Guinea. ​
ແຕ່​ພວກ​ຜູ້​ຊາຍບໍ່​ຍອມ​ອອກ​ໜີ​ແລະ​ກັກ​ຂັງ​ພວກ​ເຂົາ​ເຈົ້າ​ຢູ່​ໃນ​ສູນ ​ໂດຍ​ອ້າງ​ວ່າ
ພວກ​ເຂົາ​ເຈົ້າຢ້ານຈະຖືກ​ທຳຮ້າຍ ​ໂດຍ​ປະຊາຊົນໃນ​ທ້ອງ​ຖິ່ນ ຖ້າ​ຫາກ​ວ່າ ພວກ​ເຂົາ​ເຈົ້າຫາກຖືກສົ່ງໄປ​ອາ​ໄສຢູ່ໃນ​ປະຊາ​ຄົມ​ໃກ້ຄຽງ​ນັ້ນ.

​ແຕ່​ວ່າ ອົງການອົບ​ພະຍົບຂອງສະຫະ​ປະຊາ​ຊາດ ກ່າວ​ວ່າ ທີ່ຢູ່ອາ​ໄສ​ໃໝ່​ນັ້ນ
ຍັງ​ບໍ່​ທັນ​ແລ້ວ​ເທື່ອ.

ບັນດາ​ທະ​ນາຍ​ຄວາມ​ຂອງ​ພວກ​ຜູ້​ຊາຍ​ຫຼາຍ​ກວ່າ 600 ຄົນ ​ໄດ້​ຢື່ນ​ຟ້ອງ​ສານ
ສູງ​ສຸດ​ໃນPapua New Guinea ​ເພື່ອຂໍ​ຮ້ອງ ບໍ່ໃຫ້​ປິດ​ສູນ​ດັ່ງກ່າວ ​ເປັນ​ການ
​ຊົ່ວຄາວ.

ນຶ່ງ​ໃນ​ພວກ​ກັກ​ຂັງ ແມ່ນຊາວ​ອີຣ່ານ ​ທີ່​ລະ​ບຸລາວວ່າທ້າວ Behrouz Boochani
ໄດ້ ​ຂຽນ​ລົງ​ໃນ Twitter ວ່າ ພວກ​ອົບ​ພະຍົບ ​ແມ່ນ​ໄດ້​ພາກັນຂຸດ​ຂຸມ​ເລິກ​ລົງ​ໄປ
​ເພື່ອ​ຊອກ​ຫາ​ນ້ຳ. ທ້າວ Boochani ຍັງໄດ້​ຂຽນ​ລົງ​ໃນ Twitter ຕື່ມວ່າ ພວກ​ຜູ້​
ຊາຍ​ບາງ​ຄົນ ​ແມ່ນ​ອ່ອນ​ແຮງ ບໍ່​ສະບາ​ຍຫຼາຍ ຍ້ອນ​ການ​ຂາດ​ອາ​ຫານ​ການ​ກິນ.

ອອສ​ເຕຣ​ເລຍ ​ໄດ້​ມີ​ໝາຍ​ກຳໜົດ​ໃຫ້​ສູນ Manus ປິດ​ລົງ ຫຼັງ​ຈາກ​ທີ່​ສານ​ສູງ​ສຸດຂອງ
Papua New Guinea ​ໄດ້​ຕັດສິນ ​ໃນ​ປີ​ກາຍ​ນີ້ ທີ່​ວ່າ ສູນ​ກັກ​ຂັງ​ດັ່ງກ່າວ​ນີ້ ​ແມ່ນບໍ່
ຖືກຕ້ອງຕາມ​ລັດຖະທຳ​ມະນູນ ​ແລະ​ໄດ້​ລະ​ເມີດ​ສິດ​ເສ​ລິ​ພາບ​ຂອງ​ພວກຖືກ​ກັກ​ຂັງ.

​ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

XS
SM
MD
LG