ລິ້ງ ສຳຫລັບເຂົ້າຫາ

ການເລືອກຕັ້ງທີ່ອອສເຕຣເລຍ

  • ສິງ ບູຣົມມະວົງ

ຜູ້​ສະໝັກ​ແຂ່ງຂັນ 2 ທ່ານ​ ຍາດ​ເອົາ​ຕໍາ​ແໜ່​ງ​ນາຍົກ​ລັດຖະມຸນຕີ​ຂອງ​ອອສ​ເຕຣ​ເລຍ​ ໄດ້​ພາກັນ​ດໍາ​ເນີນ​ງານ​ໃນ​ວັນ​ອາທິດ​ມື້​ນີ້​ ເພື່ອ​ຫາ​ທາງ​ຈັດ​ຕັ້ງ​ຄະນະລັດຖະບານ​ປະສົມ​ຂອງ​ພັກ​ສຽງຂ້າງ​ນ້ອຍ​ຂຶ້ນ ຫລັງຈາກຜົນ​ການ​ເລືອກຕັ້ງ​ໃນ​ວັນ​ເສົາວານ​ນີ້ ສະ​ແດງ​ວ່າບໍ່​ມີ​ພັກ​ ຫລື​ ຜູ້ສະໝັກ​ຄົນ​ໃດ ​ໄດ້​ຊະນະ​ຢ່າງ​ຂາດ​ຮອຍ​ນັ້ນ. ທ່ານ​ນາງ Julia Gillard ນາຍົກລັດຖະ ມຸນຕີຄົນ​ປັດຈຸບັນ ສັງກັດ​ພັກ​ແຮງ​ງານ​ນັ້ນ ກ່າວ​ໃນ​ວັນ​ອາທິດ​ມື້​ນີ້​ວ່າ ທ່ານ​ນາງ​ໄດ້​ທໍາ​ການ​ໂອ້​ລົມ​ສົນທະນາ​ໃນ​ຂັ້ນ​ຕົ້ນ ​ກັບ​ສະມາຊິກສະພາ 4 ທ່ານ​ທີ່​ບໍ່​ຂຶ້ນ​ກັບ​ພັກ​ໃດ ​ແລະ​ສະມາຊິກ​ ສະພາ​ຄົນ​ນຶ່ງ​ຈາກ​ພັກ​ສີຂຽວ​ຫລື Green Party ກ່ຽວ​ກັບ​ການຈັດ​ຕັ້ງ​ລັດຖະບານ​ປະສົມ​ສຽງ​ຂ້າງ​ນ້ອຍຂຶ້ນ ​ແຕ່​ກໍບໍ່​ໄດ້​ບັນລຸ​ຂໍ້​ຕົກລົງ​ກັນ​ໃດໆ​.


ທ່ານ Tony Abbott ຜູ້​ນໍາ​ພັກ Liberal National ຊຶ່ງ​ເປັນ​ພັກ​ຝ່າຍຄ້ານ​ກ່າວ​ວ່າ ທ່ານ​ກໍໄດ້​ຕິດ​ຕໍ່​ພົວພັນ​ກັບ​ພວກ​ສະມາຊິກ​ສະພາ​ທີ່​ບໍ່​ຂຶ້ນ​ກັບ​ພັກ​ໃດ​ເຊ່ນ​ກັນ. ທ່ານ​ກ່າວ​ວ່າ ຜົນ​ທີ່​ໃກ້​ຄຽງ​ກັນ​ທີ່​ສຸດຂອງ​ການ​ເລືອກ​ຕັ້ງ​ສະ​ແດງ​ໃຫ້​ເຫັນ​ວ່າ ປະຊາຊົນ​ຄາດ​ໝາຍຢາກ​ໃຫ້​ມີການ​ປ່ຽນ​ລັດຖະບານ.


ຜົນ​ການ​ນັບ​ບັດ​ຄະ​ແນນ​ສຽງ​ທີ່ຍັງ​ບໍ່​ທັນ​ແລ້ວ​ຂອງ​ການ​ເລືອກ​ຕັ້ງໃນ​ວັນ​ເສົາ​ວານ​ນີ້ ສະ​ແດງ​ວ່າ​ ​ເບິ່ງ​ຄື​ວ່າ​ຈະ​ບໍ່​ມີ​ພັກ​ການ​ເມືອງ​ໃດ​ ຈະ​ໄດ້ຮັບ​ບ່ອນ​ນັ່ງຮອດ 76 ບ່ອນ​ ອັນ​ເປັນ​ສຽງ​ສ່ວນ​ໃຫຍ່ໃນ​ສະພາ​ ທີ່ຕ້ອງ ການ​ເພື່ອ​ປະກອບ​ຄະນະ​ລັດຖະບານ​ໃໝ່​ຂຶ້ນ​ນັ້ນ.

XS
SM
MD
LG