ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ທ່ານອອສຕິນ ນຳພາການປຶກສາຫາລື ເລື້ອງການສະໜັບສະໜູນ ດ້ານປ້ອງກັນປະເທດ ໃຫ້ແກ່ຢູເຄຣນ


ແຟ້ມພາບ - ລັດຖະມົນຕີປ້ອງກັນປະເທດ ທ່ານ ລອຍ ອັອສຕິນ ກ່າວຢູ່ໃນການຖະແຫຼງຂ່າວຂອງທຳນຽບຫ້າແຈ ວັນທີ 1 ກຸມພາ 2024. ທ່ານອັອສຕິນ ກຳລັງເປັນເຈົ້າພາບກອງປະຊຸມທາງອອນລາຍນ໌ ກັບພັນທະມິດ ໃນວັນພຸດ ເພື່ອຫາລື ກ່ຽວກັບການສະໜັບສະໜູນ ຢູເຄຣນ.
ແຟ້ມພາບ - ລັດຖະມົນຕີປ້ອງກັນປະເທດ ທ່ານ ລອຍ ອັອສຕິນ ກ່າວຢູ່ໃນການຖະແຫຼງຂ່າວຂອງທຳນຽບຫ້າແຈ ວັນທີ 1 ກຸມພາ 2024. ທ່ານອັອສຕິນ ກຳລັງເປັນເຈົ້າພາບກອງປະຊຸມທາງອອນລາຍນ໌ ກັບພັນທະມິດ ໃນວັນພຸດ ເພື່ອຫາລື ກ່ຽວກັບການສະໜັບສະໜູນ ຢູເຄຣນ.

ລັດຖະມົນ​ຕີປ້ອງກັນປະເທດ ທ່ານລອຍ ອອສຕິນ ເປັນເຈົ້າພາບ ​ກອງ​ປະຊຸມ​ອອນ​ລາຍນ໌ ກັບ ບັນດາພັນທະມິດ ໃນວັນພຸດ ເພື່ອປຶກສາຫາລືກ່ຽວກັບການສະຫນັບສະຫນູນຢູເຄຣນ ໃນຂະນະທີ່ວັນຄົບຮອບສອງປີ ຂອງການຮຸກຮານເຕັມຮູບແບບຂອງຣັດເຊຍ ໃກ້ເຂົ້າມາ.

“ການຢືນຫລີກອອກໄປ ໃນຂະນະທີ່ຢູເຄຣນ ຕໍ່ສູ້ເພື່ອການຢູ່ລອດຂອງພວກເຂົານັ້ນບໍ່ແມ່ນທາງເລືອກ. ຢູເຄຣນ ຈະບໍ່ຍອມແພ້, ແລະພວກເຮົາ ກໍຈະບໍ່ຍອມແພ້ເຊັ່ນກັນ,” ທ່ານ ອອສຕິນ ກ່າວຕໍ່ບັນດາສະມາຊິກຂອງກຸ່ມຕິດຕໍ່ດ້ານການປ້ອງກັນປະເທດຂອງຢູເຄຣນ ໃນວັນພຸດວານນີ້, ໂດຍເວົ້າກັບພວກເຂົາ ທາງອອນລາຍນ໌ ຈາກບ້ານຂອງທ່ານ ໃນວໍຊິງຕັນ.

ໃນເບື້ອງຕົ້ນ ທ່ານອອສຕິນ ໄດ້ວາງແຜນທີ່ຈະເດີນທາງໄປ ນະຄອນຫຼວງບຣັສເຊີລສ໌ (Brussels) ເພື່ອພົບປະກັບກຸ່ມດັ່ງກ່າວ ແຕ່ຕ້ອງໄດ້ຢູ່ໃນສະຫະລັດ ເນື່ອງຈາກຕ້ອງເຂົ້າຮັກສາ ໃນໂຮງໝໍ ອີກຄັ້ງນຶ່ງ ສຳລັບຂັ້ນຕອນທີ່ບໍ່ແມ່ນການຜ່າຕັດ. ທ່ານໄດ້ອອກຈາກໂຮງໝໍ ໃນວັນອັງຄານ.

"ຂ້າພະເຈົ້າ ສະບາຍດີ, ແລະການວິນິດໄສໂຣກມະເຮັງຂອງຂ້າພະເຈົ້າຍັງຄົງດີຫຼາຍ," ທ່ານບອກກຸ່ມດັ່ງກ່າວ ໃນຂະນະທີ່ທ່ານ ຂໍໂທດທີ່ບໍ່ໄດ້ພົບປະກັນແບບໂຕຕໍ່ໂຕ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG