ທ່ານນາງອອງຊານຊູຈີ ຜູ້ນຳຝ່າຍຄ້ານມຽນມາ ກ່າວວ່າ ການ
ດຳເນີນ ຂັ້ນຕອນການປະຕິຮູບຂອງປະເທດໄດ້ຕົກຢູ່ໃນສະ
ພາບບໍ່ໄປບໍ່ມາ ໄດ້ ຫຼາຍເດືອນແລ້ວ ແລະເຕືອນສະຫະລັດ
ແລະປະເທດອື່ນໆ ຢ່າໄດ້ສະແດງຄວາມເຫັນໃນແງ່ດີຫຼາຍ
ເກີນໄປ ຊຶ່ງທ່ານນາງກ່າວວ່າ “ຄວາມຈິງແລ້ວຂ້າພະເຈົ້າ
ຢາກທຳການທ້າທາຍຕໍ່ພວກທີ່ເວົ້າມາຢ່າງຫຼວງຫຼາຍ
ກ່ຽວກັບການດຳເນີນຂັ້ນຕອນການປະຕິຮູບ ນັ້ນວ່າ
ບາດກ້າວຕ່າງໆກ່ຽວກັບການປະຕິຮູບ ທີ່ສຳຄັນນັ້ນມີ
ຫຍັງແດ່ໃນຮອບ 24 ເດືອນຜ່ານມານີ້ ແລະມັນຄືສິ່ງ
ທີ່ສະຫະລັດຄວນຈະຄຶດ ຢ່າງຈິງຈັງແທ້ໆເຊັ່ນກັນ.”
ທີ່ກອງປະຊຸມຕໍ່ນັກຂ່າວທີ່ຢ້າງກຸ້ງ ໃນວັນພຸດວານນີ້ ທ່ານນາງອອງ ຊານຊູຈີ ກ່າວຕື່ມວ່າ ການພົບປະກັນຂອງທ່ານນາງກັບປະທານາທິບໍດີ Thein Sein ແລະພວກນາຍພົນຂັ້ນສູງ ໃນສັບປະດາແລ້ວນີ້ ພຽງແຕ່ເປັນການເລີ້ມຕົ້ນຂອງການດຳເນີນຂັ້ນຕອນຕໍ່ໄປເທົ່ານັ້ນ.
ສານຂອງທ່ານນາງອອງຊານ ຊູຈີຜູ້ທີ່ໄດ້ຮັບລາງວັນໂນແບລຂະແໜງ ສັນຕິພາບ ມີຂຶ້ນນຶ່ງສັບປະດາ ກ່ອນກອງປະຊຸມສຸດຍອດຂອງກຸ່ມອາຊຽນໄຂຂຶ້ນໃນມຽນມາກັບປະທານາທິບໍດີບາຣັກ ໂອບາມາແຫ່ງສະຫະລັດ ແລະຜູ້ນຳອື່ນໆຂອງໂລກຈະໄປຮ່ວມນຳນັ້ນ.
