ນາງ Mya Pwint Phyu ເກືອບຈະຮ້ອງອອກມາດ້ວຍຄວາມ
ຕຶ່ນເຕັ້ນ ໃນຂະນະທີ່ນາງເວົ້າກ່ຽວກັບ ການເລືອກຕັ້ງຄັ້ງປະ
ວັດສາດຂອງມຽນມາ. ຜົນການ ເລືອກຕັ້ງທີ່ເປັນທາງການເຜີຍ
ແຜ່ໃນວັນສຸກທີ່ຜ່ານມາໄດ້ຢືນຢັນວ່າ ທ່ານນາງ Aung San
Suu Kyi ພັກສັນນິບາດແຫ່ງຊາດເພື່ອປະຊາທິປະໃຕ NLD
ໄດ້ໄຊຊະນະຢ່າງຖ້ວມລົ້ນ ແລະຈະເລືອກຕັ້ງເອົາປະທານາທິ
ບໍດີຄົນໃໝ່ປີໜ້ານີ້.
ນາງ Mya Pwin Phyu ແລະເພື່ອນຂອງລາວ 11 ຄົນ ຢູ່ທີ່
ຮ້ານຂາຍເຄື່ອງຫ້ອງການຕ່າງໆ ໃນໃຈກາງນະຄອນ Man-
dalay ໄດ້ພາກັນນັ່ງຢູ່ໜ່ວຍປ່ອນບັດຕ່າງໆ ໃນວັນເລືອກຕັ້ງ
ເບິ່ງການລົງຄະແນນສຽງເລືອກຕັ້ງຢ່າງໃກ້ຊິດ ຢູ່ໃນເມືອງເກົ່າຊຶ່ງປັດຈຸບັນນີ້ ໄດ້ກາຍເປັນຄ້າຍທະຫານ ທີ່ພັກພາຂອງພວກທະຫານ ແລະຄອບຄົວຂອງເຂົາເຈົ້າ.
“ຖ້າຫາກພວກເຮົາເຫັນບັນຫາໃດໆ ຫລືຂີ້ລັກ ພວກເຮົາຈະບອກສື່ມວນຊົນ” ນາງກ່າວ
ກ່ຽວກັບກຸ່ມປະຕິບັດງານສັງເກດການທີ່ບໍ່ເປັນທາງການ ທີ່ປະກອບດ້ວຍບັນດາຜູ້ຍິງທັງ
ໝົດທີ່ເປັນຜູ້ປ່ອນບັດເທື່ອທຳອິດ. “ພວກເຮົາຕ້ອງການຢາກຮວມຢູ່ໃນຂະນະນີ້ “ນາງ
ກ່າວເພີ້ມວ່າ ໂດຍໃຫ້ຂໍ້ສັງເກດວ່າ ການປ່ອນບັດໄດ້ເປັນຜົນອອກມາຢ່າງ “ທ່ຽງທຳດີ
ສົມຄວນ.”
ຈະມີການລໍຖ້າໄປອີກເກືອບຫ້າເດືອນ ກ່ອນ ຜູ້ນຳປະຊາທິປະໄຕ ທ່ານນາງ Aun San
Suu Kyi ຈະສາມາດປະກອບລັດຖະບານໃໝ່ ນາງ Mya Pwint Phyu ອາຍຸ 24 ປີ
ແລະບັນດາເພື່ອນຜູ້ຮັກຊາດຂອງນາງ ບັດນີ້ສາມາດເຮັດໃຫ້ເຂົາເຈົ້າ ວາດພາບວ່າ ການ
ປ່ຽນແປງລັດຖະບານໃໝ່ ອາດຈະນຳເອົາສັພພະຍາກອນ ທີ່ຮັ່ງມີຂອງຊາດມາສູ່ ປະເທດ
ທີ່ທຸກຈົນ ພາຍໃຕ້ການປົກຄອງຜະເດັດການຂອງທະຫານມາຫລາຍທົດສະວັດ.
“ຢູ່ ພາຍໃຕ້ລັດຖະບານທີ່ຜ່ານມາ ຖ້າຫາກເຂົາເຈົ້າສ້າງຖະໜົນຫົນທາງໃໝ່ ເຂົາເຈົ້າຈະ
ເຮັດຖືກເທົ່າທີ່ຈະຖືກໄດ້ ແລະມັນຈະສ້າງທົດແທນຄືນຫລັງຈາກປີໜຶ່ງ” ທີ່ນາງໄດ້ກ່າວ
“ຖ້າຫາກວ່າ Daw Aung San Suu Kyi ໄດ້ອຳນາດ ຖະໜົນຫົນທ່າງຈະດີຂື້ນ. ພ້ອມ
ທັງລະບົບການສຶກສາຈະດີຂື້ນ ແລະຈະມີວຽກງານຫລາຍຂື້ນ ເພາະວ່າມີການລົງທຶນ
ຈາກຕ່າງປະເທດ.
ສະມາຊິກອີກຄົນໜຶ່ງ ຂອງ ຮ້ານຂາຍເຈັ້ຍຂຽນ ທີ່ເປັນທິມສັງເກດການ ນາງ Pearl ອາຍຸ
24 ປີ ໄດ້ປະລິນຍາໂທ ຝ່າຍຄະນິດສາດ ແຕ່ບໍ່ສາມາດຊອກວຽກໄດ້ທີ່ຊ່ວຍໃນຄວາມ
ສາມາດຂອງລາວ.
