ທ່ານນາງ ຊູຈີ ຈະຮັບຫຼຽນຄຳ ກຽດຕິຍົດ ຈາກລັດຖະສະພາ ສະຫະລັດ (ສະໄລດ໌ກັບວີດີໂອ)

໑໙,໐໙,໒໐໑໒

ຜູ້ສື່ຂ່າວວີໂອເອ Scott Stearns ຂະນະສໍາພາດທ່ານນາງອອງຊານ ຊູຈີ ທີ່ຫ້ອງຂ່າວສໍານັກງານໃຫຍ່ວີໂອເອ

WASHINGTON — ທ່ານນາງອອງຊານ ຊູຈີ ຜູ້ນໍາປະຊາທິ
ປະໄຕມຽນມາ ຈະໄດ້ຮັບຫຼຽນຄໍາ ກຽດຕິຍົດສູງສຸດຂອງລັດຖະ
ສະພາສະຫະລັດ ໃນຂະນະທີ່ທ່ານນາງສືບຕໍ່ການຢ້ຽມຢາມ
ສະຫະລັດ ຄັ້ງປະວັດສາດນີ້.

ຈະມີການມອບຫຼຽນຄໍາກຽດຕິຍົດຂອງລັດຖະສະພາສະຫະລັດ
ໃຫ້ແກ່ທ່ານນາງອອງຊານ ຊູຈີ ຜູ້ທີ່ເຄີຍໄດ້ຮັບລາງວັນໂນເບລ
ຂະແໜງສັນຕິພາບ ໃນພິທີນຶ່ງ ທີ່ຕຶກລັດຖະສະພາສະຫະລັດ. ທ່ານນາງໄດ້ຮັບຫຼຽນກຽດຕິຍົດດັ່ງກ່າວໃນປີ 2008 ໃນຂະນະທີ່ທ່ານນາງຖືກກັກບໍລິເວນຢູ່ນັ້ນ.

ທ່ານນາງອອງຊານ ຊູຈີ ໄວ 66 ປີ ທີ່ໄດ້ຕໍ່ສູ້ດິ້ນຮົນຕໍ່ຕ້ານ
ລັດຖະບານ ທະຫານມຽນມາ ມາເປັນເວລາດົນນານນັ້ນ ໄດ້ຮັບການສະໜັບສະໜຸນຈາກທັງສອງພັກການເມືອງໃຫຍ່ໃນວໍຊິງຕັນ ແລະຍັງມີໝາຍກໍານົດການທີ່ຈະພົບປະກັບບັນດາສະພາຊິກສະພາສະຫະລັດນັ້ນນໍາ.

ທ່ານນາງ ອອງ ຊານ ຊູ ຈີ ເລີ້ມຕົ້ນ ການຢ້ຽມຢາມ ສະຫະລັດ

1/8 ພວກເດັກນ້ອຍລໍຖ້າຕ້ອນຮັບ ທ່ານນາງ ອອງ ຊານ ຊູ ຈີ ຢູ່ສໍານັກງານໃຫຍ່ ຂອງວິທະຍຸສຽງອາເມຣິກາ ຫລື ວີໂອເອ ທີ່ນະຄອນຫລວງ Washington, D.C., ວັນທີ 18 ກັນຍາ 2012. (Alison Klein/VOA)

2/8 ທ່ານນາງ ອອງ ຊານ ຊູ ຈີ ຍິ້ມທັກທາຍຝຸງຊົນ ທີ່ມາລໍຖ້າຕ້ອນຮັບດ້ວຍຄວາມຕື່ນເຕ້ນ ຢູ່ສໍານັກງານໃຫຍ່ ຂອງວິທະຍຸສຽງອາເມຣິກາ ຫລື ວີໂອເອ ທີ່ນະຄອນຫລວງ Washington, D.C., ວັນທີ 18 ກັນຍາ 2012.(Alison Klein/VOA)

3/8 ທ່ານນາງ Aung San Suu Kyi ໄດ້ຮັບການຕ້ອນຮັບ ຈາກຜູ້ອໍານວຍການວີໂອເອ ທ່ານ David Ensor (ຊ້າຍ), ຫົວໜ້າພະແນກພາສາມຽນມາ ທ່ານ Than Lwin Htun (ກາງ) ແລະຜູ້ອໍານວຍການອົງການ IBB ທ່ານ Richard Lobo. (Alison Klein/VOA)

4/8 ທ່ານນາງ Aung San Suu Kyi ໃນລະຫວ່າງການໃຫ້ສໍາພາດຂ່າວແກ່ນັກຂ່າວວີໂອເອ Scott Stearns. (Alison Klein/VOA)

ທ່ານນາງ Aung San Suu Kyi ປະຕິເສດການແຕ່ງໜ້າແຕ່ງຜົມໃໝ່ ກ່ອນໃຫ້ສໍາພາດທາງທີວີ ແລະເວົ້າຫົວໆວ່າ  "ຜົມຂ້ອຍ ຍາມໃດ ກະຫຍຸ້ງແບບນີ້ແຫລະ." (Alison Klein/VOA) — 5/8 ທ່ານນາງ Aung San Suu Kyi ປະຕິເສດການແຕ່ງໜ້າແຕ່ງຜົມໃໝ່ ກ່ອນໃຫ້ສໍາພາດທາງທີວີ ແລະເວົ້າຫົວໆວ່າ "ຜົມຂ້ອຍ ຍາມໃດ ກະຫຍຸ້ງແບບນີ້ແຫລະ." (Alison Klein/VOA)

6/8 ບັນດານັກຂ່າວວີໂອເອພະແນກພາສາມຽນມາ ພາກັນຕ້ອນຮັບທ່ານນາງ Suu Kyi ຢ່າງຕື່ນເຕ້ນ ຕອນທີ່ທ່ານນາງໄປຢາມຫ້ອງການຂອງເຂົາເຈົ້າ. (Alison Klein/VOA)

7/8 ທ່ານນາງ Suu Kyi ຢ້ຽມຢາມ ພວກພະນັກງານວີໂອເອພະແນກພາສາມຽນມາ ທີ່ພາກັນຕ້ອນຮັບທ່ານນາງ ຢ່າງຕື່ນເຕ້ນ, ວັນທີ 18 ກັນຍາ 2012. (Alison Klein/VOA)

8/8 ທ່ານນາງ Aung San Suu Kyi ສົນທະນາກັບຜູ້ອໍານວຍການ VOA ທ່ານ David Ensor. (Alison Klein/VOA)

ເມື່ອວັນອັງຄານວານນີ້ ທ່ານນາງອອງຊານ ຊູຈີ ໄດ້ພົບປະກັບທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ທີ່ກະຊວງຕ່າງປະ ເທດ ຫຼັງຈາກນັ້ນ ທ່ານນາງເວົ້າວ່າ ທ່ານນາງສະໜັບສະໜຸນຢ່າງເຕັມສ່ວນຕໍ່ການຜ່ອນຜັນການລົງໂທດດ້ານເສດຖະກິດຕໍ່ມຽນມາ ສ່ວນທີ່ຍັງເຫຼືອຢູ່.

ແຕ່ໃນລະຫວ່າງການຢ້ຽມຢາມສໍານັກງານໃຫຍ່ວີໂອເອນັ້ນ ທ່ານນາງໄດ້ ເຕືອນວ່າ ເສັ້ນທາງໄປສູ່ປະຊາທິປະໄຕໃນອະນາຄົດ ຂອງປະເທດຊາດຂອງທ່ານນາງນັ້ນ ບໍ່ແມ່ນວ່າຈະຕ່າວປິ້ນບໍ່ໄດ້ ຈົນກວ່າວ່າທາງກອງທັບໃຫ້ການສະໜັບສະໜຸນໂດຍເຕັມຕໍ່ຂັ້ນຕອນການປະຕິຮູບເຫຼົ່ານີ້.

ທ່ານນາງ ອອງຊານ ຊູຈີ ຜູ້ທີ່ເຄີຍໄດ້ຮັບລາງວັນໂນແບລຂະແໜງສັນຕິ ພາບກ່າວວ່າ ທ່ານນາງມີຄວາມກັງວົນໃຈຫຼາຍທີ່ສຸດ ກ່ຽວກັບຂໍ້ກຳນົດໃນລັດຖະທໍາມະນູນຂອງມຽນມາ ທີ່ໄດ້ຮ່າງຂຶ້ນໃນປີ 2008 ໂດຍອະດີດລັດ ຖະບານທະຫານທີ່ອະນຸຍາດໃຫ້ພວກທະຫານເຂົ້າຄວບຄຸມລັດຖະບານໄດ້ ຖ້າເຫັນວ່າຈໍາເປັນນັ້ນ.

ກ່ຽວຂ້ອງກັນ

ຟັງຂ່າວທ່ານນາງອອງຊານຊູຈີຢາມສະຫະລັດ

ລິ້ງ ສຳຫລັບເຂົ້າຫາ

ຕິດຕາມພວກເຮົາ ທີ່

ທ່ານນາງ ຊູຈີ ຈະຮັບຫຼຽນຄຳ ກຽດຕິຍົດ ຈາກລັດຖະສະພາ ສະຫະລັດ (ສະໄລດ໌ກັບວີດີໂອ)

ທ່ານນາງ ອອງ ຊານ ຊູ ຈີ ເລີ້ມຕົ້ນ ການຢ້ຽມຢາມ ສະຫະລັດ

ກ່ຽວຂ້ອງກັນ

ຟັງຂ່າວທ່ານນາງອອງຊານຊູຈີຢາມສະຫະລັດ