ທ່ານນາງ Aung San Suu Kyi ຜູ້ນຳພັກຝ່າຍຄ້ານມາເປັນ
ເວລາຍາວນານໄດ້ກ່າວຂໍຂະມາໂທດໃນວັນພະຫັດມື້ນີ້ ຕໍ່ພວກ
ທີ່ສະໜັບສະໜຸນທ່ານນາງທີ່ວ່າ ທ່ານນາງຈະບໍ່ເປັນປະທານາ
ທິບໍດີຄົນຕໍ່ໄປຂອງປະເທດຊຶ່ງມີທ່າທາງວ່າຈະໄດ້ຖືກມອບໝາຍ
ໃຫ້ກັບຜູ້ທີ່ທ່ານນາງໄວ້ໃຈແລະມີຄວາມໃກ້ຊິດທີ່ສຸດ ຊຶ່ງເປັນ
ລັດຖະກອນທີ່ອອກກິນເບ້ຍບຳນານແລ້ວ.
ໃນຈົດໝາຍຂອງທ່ານນາງ ທີ່ໄດ້ພິມເຜີຍແຜ່ໃນໜ້າສື່ສັງຄົມ ບໍ່ດົນ
ກ່ອນທີ່ສະພາມຽນມາ ຈະເລີ້ມຂັ້ນຕອນເລືອກເອົາຜູ້ນຳຄົນໃໝ່
ຂອງປະເທດ ທ່ານນາງອອງຊານ ຊູຈີຜູ້ຊຶ່ງໄດ້ຮັບລາງວັນໂນແບລ
ຂະແໜງສັນຕິພາບ ຂໍຂະມາໂທດຕໍ່ການທີ່ທ່ານນາງ “ບໍ່ສາມາດ
ເຕີມເຕັມຄວາມປາຖະໜາຂອງປະຊາຊົນ.” ທ່ານນາງກ່າວເພີ້ມຕື່ມວ່າ ທ່ານນາງຢາກຈະ
“ຮັກສາໄວ້ແລະຮ້ອງຂໍໃຫ້ປະຊາຊົນ ສືບຕໍ່ສະໜັບສະໜຸນ ເພື່ອໃຫ້ບັນລຸເປົ້າໝາຍດັ່ງ
ກ່າວ ດ້ວຍຄວາມສັນຕິ.”
ນັ້ນແມ່ນມີການຕີຄວາມໝາຍວ່າ ເປັນການຮ້ອງຂໍໃຫ້ມີຄວາມອົດທົນ ແລະປະຕິຍານວ່າ ໃນທີ່ສຸດ ທ່ານນາງຈະສາມາດຂຶ້ນເປັນປະທານາທິບໍດີໄດ້ ແຕ່ໃນວັນພະຫັດມື້ນີ້ ທາງສະ ພາສ່ວນໃຫຍ່ ໄດ້ເລີ້ມດຳເນີນຂັ້ນຕອນແບບຫວານອົມຂົມກືນ ຊຶ່ງສະມາຊິກສະພາສ່ວນ ໃຫຍ່ສວມເສື້ອສີແສດ ຊຶ່ງເປັນສັນຍາລັກຂອງພັກສັນນິບາດແຫ່ງຊາດເພື່ອປະຊາທິປະໄຕ ເຂົ້ານັ່ງເຕັມທັງສອງສະພາຂອງມຽນມາ.
ພັກສັນນິບາດແຫ່ງຊາດເພື່ອປະຊາທິປະໄຕ ໄດ້ຮັບໄຊຊະນະຢ່າງຖ້ວມລົ້ນໃນການເລືອກ ຕັ້ງສະພາທົ່ວປະເທດເມື່ອເດືອນພະຈິກຜ່ານມານີ້ ແຕ່ວ່າ ວັກນຶ່ງຂອງລັດຖະທຳມະນູນ
ທີ່ລັດຖະບານທະຫານຂຽນຂຶ້ນ ແມ່ນກີດກັນ ທ່ານນາງ Aung San Suu Kyi ບໍ່ໃຫ້ເຂົ້າຮັບຕຳແໜ່ງສູງສຸດຂອງປະເທດ ເພາະວ່າລູກຊາຍຂອງທ່ານນາງເປັນຄົນຕ່າງດ້າວ.
