ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ບັນດາຜູ້ນໍາ AU ປະຊຸມກັນ ແຕ່ຈະບໍ່ເວົ້າເຖິງ ວິກິດການ ໃນອີຈິບ.


ທ່ານ Jean Ping ປະທານຄະນະກໍາມາທິການສະຫະພາບອາຟຣິກາຖະແຫລງຕໍ່ນັກຂ່າວ ທີ່ກອງປະຊຸມ ສຸດຍອດສະຫະພາບອາຟຣິກາ ຢູ່ນະຄອນຫລວງ Addis Ababa, ວັນທີ 29 ມັງກອນ 2011.
ທ່ານ Jean Ping ປະທານຄະນະກໍາມາທິການສະຫະພາບອາຟຣິກາຖະແຫລງຕໍ່ນັກຂ່າວ ທີ່ກອງປະຊຸມ ສຸດຍອດສະຫະພາບອາຟຣິກາ ຢູ່ນະຄອນຫລວງ Addis Ababa, ວັນທີ 29 ມັງກອນ 2011.

ບັນດາ​ຜູ້​ນໍາຈາກ​ຫລາຍ​ກວ່າ 25 ປະ​ເທດ​ໃນ​ອາ​ຟຣິກາ​ ​ໄດ້
ໄປເຕົ້າ​ໂຮມ​ກັນຢູ່ທີ່ນະຄອນຫລວງ​ຂອງ Ethiopia ​ເພື່ອ​
ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ 2 ວັນ ທີ່​ເພ່ງ​ເລັງ​ໃສ່​ເລື້ອງ​
ຄວາມ​ເປັນ​ຫ່ວງ​ກັງວົນ​ດ້ານ​ການ​ເມືອງ​ແລະ​ຄວາມ​ປອດ​ໄພ
ເປັນ​ສ່ວນ​ໃຫຍ່.

ກອງ​ປະຊຸມ​ປະ​ຈໍາປີ​ ທີ່ໄຂ​ຂຶ້ນ​ໃນ​ວັນ​ອາທິດ​ມື້​ນີ້ ຢູ່ນະຄອນ
ຫລວງ Addis Ababa ​ແມ່ນຈະໂຮມ​ທັງການ​ພົບ​ປະສຸ​ດ
ຍອດ​ຂັ້ນ​ນ້ອຍໆ​ກ່ຽວ​ກັບປະ​ເທດ Ivory Coast, ຊູ​ດານ,
ແລະໂຊ​ມາ​ເລຍ ຕະຫລອດ​ທັງ​ການ​ໂອ້​ລົມ​ສົນທະນາ​ກັນ​
ເລື້ອງສະຖານະ​ການ​ທີ່​ຮ້າຍ​ແຮງໃນ​ປະ​ເທດ​ອື່ນໆ​ເຊ່ນ ປະ
ເທດ Niger ​ແລະ Madagascar.

ແຕ່ ທ່ານ Jean Ping ປະທານ​ຄະນະ​ກໍາມາ​ທິການ
ສະຫະພາບ​ອາຟຣິກາ ກ່າວ​ວ່າ ວິ​ກິດ​ການ​ດ້ານ​ການ​ເມືອງ​
ທີ່​ເກີດ​ຂຶ້ນຫລ້າ​ສຸດ​ໃນ​ທະວີບ​ອາຟຣິກາ ​ຄື ​ໃນ​ອີຈິບແລະ​ຕູ​
ນີ​ເຊຍນັ້ນ ຈະ​ບໍ່​ຮວມຢູ່​ໃນ​ລາຍການ​ປະຊຸມ. ທ່ານກ່າວ​ຕໍ່​ໄປວ່າ ​ເຫດການ​ຢູ່ໃນ 2 ປະ​ເທດ​
ນີ້ ​ເກີດ​ຂຶ້ນ​ຊ້າ​ໂພດ​ ​ຈົນ​ບໍ່ສາມາດນໍາ​ມາ​ຮວມ​ເຂົ້າໃນ​ລາຍ​ງານ​ຂອງ​ທ່ານ​ຕໍ່​ກອງ​ປະຊຸມສຸດ​ ຍອດ​ຄັ້ງ​ນີ້.

ທ່ານ​ພັນ​ກີ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ ທີ່​ເປັ​ນປະທານ​ກອງ​ປະຊຸມ​ສຸດ​ຍອດ​ຂະໜາດ​ນ້ອຍ​ກ່ຽວ​ກັບ​ສະຖານະ​ການ​ໃນ Ivory Coast ​ແລະ​ຊູ​ດານ​ ໃນ​ຄັ້ງ​ນີ້ ​ໄດ້ຮຽກ
ຮ້ອງ​ໃຫ້​ມີ​ສັນຕິພາບ​ໃນ​ຂົງ​ເຂດ​ ໃນ​ຄໍາ​ປາ​ໃສ​ໄຂ​ກອງ​ປະຊຸມ​ຂອງ​ທ່ານໃນ​ວັນ​ອາທິດ​ມື້​ນີ້.

XS
SM
MD
LG