ລິ້ງ ສຳຫລັບເຂົ້າຫາ

site logo
ວັນຈັນ, 23 ພຶດສະພາ 2022

ສະຫະພາບອາຟຣິກາ ສະໜັບສະໜຸນ ການປະຕິບັດພາລະກິດ ຮ່ວມກັບສະຫະປະຊາຊາດ ໃນໂຊມາເລຍ


ກຳລັງຮັກສາສັນຕິພາບ ຂອງສະຫະພາບອາຟຣິກາ ຈາກບູຣຸນດີ ຢູ່ໃນໂຊມາເລຍ ຫລື (AMISOM) ພວມຮັກສາທີ່ໝັ້ນ ກ່ອນທີ່ຈະໃຫ້ທະຫານຂອງໂຊມາເລຍ ມາຮັບໜ້າທີ່ແທນ ຢູ່ທີ່ສະຖາບັນການທະຫານ ຈາລີ ຊີອາດ (Jaale Siad) ໃນນະຄອນຫລວງໂມກາດິສຊູ ຂອງປະເທດໂຊມາເລຍ. ວັນທີ 28 ກຸມພາ, ປີ 2019.

ສະຫະພາບອາຟຣິກາກ່າວວ່າ ພວກເຂົາຕ້ອງການເປັນພາຄີກັບອົງການສະຫະປະຊາຊາດໃນຂໍ້ສະເໜີການປະຕິບັດງານຮ່ວມ ເພື່ອສະໜັບສະໜຸນໂຊມາເລຍໃນການຕໍ່ສູ້ກັບພວກຫົວຮຸນແຮງຈັດ ແລະບັນລຸຄວາມໝັ້ນຄົງ.

ໃນຖະແຫລງການ, ສະພາສັນຕິພາບແລະຄວາມໝັ້ນຄົງຂອງສະຫະພາບອາຟຣິກາ ກ່າວວ່າ ຕົນໄດ້ໃຫ້ການສະໜັບສະໜຸນຕໍ່ຄຳແນະນຳຂອງການປະເມີນຢ່າງເປັນອິດສະຫລະ ສໍາລັບການດໍາເນີນການຮ່ວມກັນທີ່ຈະມາແທນທີ່ການປະຕິບັດພາລະກິດຂອງສະຫະພາບອາຟຣິກາຢູ່ໃນໂຊມາເລຍ ຫລື (AMISOM) ຫລັງຈາກປີນີ້.

[[ https://amisom-au.org/2021/10/communique-of-the-1037th-meeting-of-the-au-peace-and-security-council-on-somalia/ ]]

ນັບຕັ້ງແຕ່ປີ 2007, ພາລະກິດຮັກສາສັນຕິພາບໃນລະດັບພູມິພາກ, ໂດຍໄດ້ຮັບການອະນຸມັດຈາກອົງການສະຫະປະຊາຊາດ, ໄດ້ມີການຊ່ວຍເຫລືອລັດຖະບານໂຊມາເລຍໃນການຕໍ່ສູ້ ເພື່ອສ້າງສະຖຽນລະພາບໃຫ້ກັບຄວາມສໍາຄັນຂອງປະເທດອາຟຣິກາ ໂດຍສະເພາະແມ່ນການຕໍ່ຕ້ານກຸ່ມຫົວຮຸນແຮງອາລ-ຊາບາບ (al-Shabab).

ຖະແຫລງການຂອງສະຫະພາບອາຟຣິກາໃຫ້ຂໍ້ສັງເກດວ່າ “ມີຄວາມກົງວົນເປັນຢ່າງຍິ່ງຕໍ່ສະຖານະການດ້ານຄວາມໝັ້ນຄົງ ທີ່ຊຸດໂຊມລົງຢູ່ໃນໂຊມາເລຍ...ໃນພື້ນທີ່ສ່ວນໃຫຍ່ຂອງປະເທດ, ເຊິ່ງໄດ້ຫລຸດລະດັບຄວາມສົນໃຈ ຈາກການປ່ຽນແປງທີ່ສໍາຄັນຂອງການບູລະນະສ້າງສາປະເທດແລະການຮັກສາຄວາມໝັ້ນຄົງ.”

ພາລະກິດຂອງການຮ່ວມມືກັນ ແມ່ນນຶ່ງໃນຫລາຍໆທາງເລືອກທີ່ທີມງານໄດ້ປະເມີນແນະນໍາ ໃນລາຍງານທີ່ເຜີຍແຜ່ອອກ ໃນເດືອນພຶດສະພາ. ແຜນການດັ່ງກ່າວ ເຊິ່ງສະຫະພາບອາຟຣິກາໄດ້ສະເໜີໃຫ້ມີຜົນບັງຄັບໃຊ້ໃນເດືອນມັງກອນ, ຈະຕ້ອງໄດ້ຮັບການອະນຸມັດຈາກສະພາຄວາມໝັ້ນຄົງຂອງອົງການສະຫະປະຊາຊາດ ແລະລັດຖະບານກາງຂອງໂຊມາເລຍ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG